(U/Z)
"ကျွန်တော်တို့ ချန်းယောလ်ကဒီတစ်ခါတော့ တော်တော်လေးအဆင်ပြေနေသားပဲ၊ ခုရော ဘယ်လိုနေသေးလဲ"
"ခေါင်းက နည်းနည်းပဲလေးတာပါ"
"ဖျားနေတော့ လူကမလန်းပဲခေါင်းလေးတာပါ "
မိသားစုဆရာဝန်ကြီးက လိုအပ်တာတွေလာရောက်စစ်ဆေးပေးနေသည်။ အကြောင်းသိလူတွေမို့ အပြောအဆိုလည်းပေါ့ပေါ့ပါးပါးပင်။ ဂျောင်ဆူးကတော့ သူတို့ဘေးမှာပဲ ရပ်ပြီးစောင့်နေတာဖြစ်သည်။
"အမြဲအဖျားကကြာတတ်တော့ အခုလည်းကျွန်တော်ကလိုအပ်တဲ့ဆေးတွေပေးခဲ့ပါ့မယ်"
"ဟုတ်ကဲ့"
"ညကကောင်းကောင်းပြုစုထားပေးလို့ထင်တယ်၊ အရင်ကလောက် အရမ်းကြီးနေမကောင်းဖြစ်ပုံမပေါ်တော့ဘူး၊ အဖျားလည်းတစ်ညထဲနဲ့ကျသွားတာပဲ "
ဒေါက်တာကဂျောင်ဆူးအားတစ်ချက်လှည့်၍ပြုံးပြကာဆိုသည်။ ရှေ့ကကုတင်ပေါ်ကလူကတော့ အင်းမလုပ်အဲမလုပ်နှင့် အကြည့်တို့ကမနှစ်မြို့ဖွယ်။
"ဒီကကောင်လေးနာမည် ဒိုဂျောင်ဆူးနော် "
"ဟုတ်ကဲ့ဒေါက်တာ"
"သေချာဂရုစိုက်ပေးပါအုံး၊ ကျွန်တော်ဆေးတွေကိုမနက်ညရေးထားပေးခဲ့တယ်"
"ဟုတ်ကဲ့ပါ ဒေါက်တာ "
"ဒါဆိုကျွန်တော့်ကို ခွင့်ပြုပါအုံး ချန်းယောလ်ရှီး! "
သူ့ကိုနှုတ်ဆက်တော့ 'ဟုတ်ကဲ့' တစ်လုံးနဲ့တော့ တုံ့ပြန်ပြောဆိုလာသည်။ ဂျောင်ဆူးလည်း ဒေါက်တာ့ကို အိမ်ရှေ့အထိလိုက်ပို့ပေးလိုက်သည်။
အိမ်အောက်ထပ်ကနေ ဒေါက်တာ့ကိုလိုက်ပို့ပေးပြီးသူ့အခန်းရှိရာကိုဂျောင်ဆူးတံခါးမခေါက်ပဲ ယောင်ပြီးဝင်လာခဲ့လိုက်မိသည်။
"မင်းကဘာပြန်လာလုပ်တာလဲ? ငါ့အခန်းထဲဝင်လိုက်ထွက်လိုက်လုပ်တာ ငါမကြိုက်ဘူး"
"ဘယ်သူကရောဝင်လိုက်ထွက်လိုက်လုပ်နေလို့လဲ..."
"မင်းတံခါးတောင်မခေါက်ပဲ လူမှုရေးနားမလည်လုပ်နေတာလေ၊ စည်းမရှိကမ်းမရှိငါ့အခန်းထဲမလာနဲ့"
YOU ARE READING
🌹မမုန်းရက်ပါ နှင်းဆီနီ🌹 (🌹 မမုန္းရက္ပါ ႏွငႏွးဆီနီ🌹
Fanfictionမင်းဟာ အနီရောင်နှင်းဆီနဲ့တူတယ်၊ အလှနဲ့မာနတရားတွေကိုဆူးတွေနဲ့ ခြံရံထားတယ်၊ ဒါပေမယ့် အဲ့မာနတွေကိုငါကရိုက်ချိုးပြမယ် ငါကနှင်းဆီဆိုသိပ်မုန်းတာ၊ အမုန်းဆုံးကတော့အနီရဲရဲနှင်းဆီတွေကိုပဲ
