U/Z
ဖုန်းScreen ပေါ်တွင်ေပါ်လာသည်မျက်နှာဟာ သူ့ဘဝရဲ့စိတ်ပင်ပန်းမှုတွေကို ကင်းဝေးသွားစေသည်။
"သားကြီး! အဆင်ပြေရဲ့လား၊ အလုပ်လုပ်ရတာရော နေရစားရတာရော...."
"မေးခွန်းတွေများလိုက်တာမေမေရယ် သားအဆင်ပြေပါတယ်၊ နေရတာလည်းအဆင်ပြေတယ် စားရတာလည်းပြေတယ်၊ အလုပ်ကလည်းဟိုနဲနဲ ဒီနဲနဲပဲလုပ်ရတာဘာမှမပင်ပန်းပါဘူး"
"တော်သေးတာပေါ့ သားရယ် မေမေကစိတ်ပူနေရတာလေ ငါ့သားကြီးအဆင်မှပြေပါ့မလားလို့ "
မေမေ့ကိုမြင်ပြီးမေမေ့စကားတွေကြားရတော့ သူ့စိတ်တို့ကအနည်းငယ်လွတ်ထွက်ချင်မိသည်။ ဒါပေမယ့် သူဒီကိုရောက်တာတစ်ရက်ပဲရှိသေးတာလေ မေမေစိတ်ပူအောင်သူမနေပြသင့်ဘူးမဟုတ်လား။ ဝေ့ဝဲတက်လာသည့်မျက်ရည်တို့ကို မျက်တောင်ဖြင့်ပုတ်ခတ်ကာဖယ်ရှားပျောက်ကွယ်စေလိုက်ပြီး
"သားကိုစိတ်မပူပါနဲ့မေမေရယ် မေမေသာကျန်းမာရေးဂရုစိုက်ပြီးနေပေး၊ မေမေနဲ့ညီလေးကအဆင်ပြေနေရင် သားဘဝမှာ အရာရာပြည့်စုံတယ်"
"ဟုတ်ပါပြီကွယ် မေမေ့ကိုမကြာမကြာတော့ဖုန်းဆက်ပါ၊ မေမေလွမ်းနေရလို့ သားညီလေးရောပဲ သားကိုလွမ်းနေတာ "
မေမေကကျလာသည့်မျက်ရည်တို့ကို အသာသုတ်ရင်း ခပ်ပြုံးပြုံးနှင့်ပြောရှာသည်။
"သားကလည်း လွမ်းနေမှာပါ၊ တစ်ခါတလေကျဖုန်းနဲ့လူနဲ့မကပ်တဲ့အခါမျိုးရှိရင်တော့ မေမေကနားလည်ပေးပေါ့"
"မေမေကနားလည်ပါတယ်၊ မေမေ့သားကြီးအဆင်ပြေနေဖို့ပါပဲ"
"ကဲပါ မေမေ့ကိုသားနေတဲ့နေရာပြပေးမယ်"
ဂျောင်ဆူးပြောရင်းသူနေတဲ့အခန်းကိုဖုန်းထဲကနေ လှည့်ပတ်ပြလိုက်သည်။ စတိုခန်းဆိုပေမယ့်လည်း သပ်သပ်ရပ်ရပ်နေတတ်သူ ဂျောင်ဆူးကအတော်လေးရှင်းလင်းထားတာကြောင့် သန့်ရှင်းနေသည်မို့ ခပ်ကျဉ်းကျဉ်းနေရသည့်အိမ်ကလေးနှင့်ယှဉ်လျှင် ပိုကောင်းတယ်လို့မေမေကထင်သွားပုံရသည်။
သူအဆင်ပြေနေသည်ဆိုသည့်ပုံစံသာမေမေ့ကိုပြချင်သည်။ ထို့နောက်ထမင်းစားခန်းထဲမှသူချက်ထားသည့်ဟင်းတွေကိုလည်းမပါမဖြစ်ရိုက်ပြခဲ့သေးသည်။
YOU ARE READING
🌹မမုန်းရက်ပါ နှင်းဆီနီ🌹 (🌹 မမုန္းရက္ပါ ႏွငႏွးဆီနီ🌹
Fanfictionမင်းဟာ အနီရောင်နှင်းဆီနဲ့တူတယ်၊ အလှနဲ့မာနတရားတွေကိုဆူးတွေနဲ့ ခြံရံထားတယ်၊ ဒါပေမယ့် အဲ့မာနတွေကိုငါကရိုက်ချိုးပြမယ် ငါကနှင်းဆီဆိုသိပ်မုန်းတာ၊ အမုန်းဆုံးကတော့အနီရဲရဲနှင်းဆီတွေကိုပဲ