وأنا فِي مَوج حُبك شراع يتهادىٰ

البارت الخامـس والثلاثـون

—

^عنـد العيـال^

كانوا جالسين مع بعـض يلعبون كرة الطائرة وبما ان عددهم قليل
كان مصعب وراكان و صالح فريـق
تميم وهتّان و رائد فريق
وفهّاد وعياله جالسين في الجلسة يسولفون
سجل هدف صالـح
هتّان بصراخ: غشش
مصعب رفع حاجبه : وين الغش في الموضوع ما عرفتوا تلعبون
ضرب رائد راس هتّان : غبي انت ما عندك الا كلمة غش العب زيـن
راكان بضحك : حتى فريقك كاشفك العب زين ولا جبنا عمي سطام يلعب مكانك
هتّان بـ استسلام : لا خلاص بلعب
قعدوا يمررون الكرة لبعـض
رائد بحماس : تميم عطني ايها بسرعه
مررها له وسجل رائد هدف
تميم بحماس وبصوت عالي : هدف كفو رائد اول مره نستفيد منك
عطاه رائد ذيك النظره
صالح بمزح : انتبه لا ياكلك بنظراته الحاده
رائد : اقول العبوا بـس
قعدوا يلعبون وانتهى بفوز فريق مصعب
روحوا يجلسون في الدكه وبصعوبه يتنفسون
الجد فهّاد : من الي فاز المره ذي
مصعب بثقه : طبعاً فريقي يابوي طول عمرنا ناخذ الاول ما نرضى بغيره ولا
صالح بنفس الثقه : طبعاً
الجد فهّاد بضحك : كفو ياعيالي
راكان : كفوك الطيب
رائد : المره الجايه نغير الفريق لان الي عندي ميتيـن
تميم وهو يعطي رائد النظره : شقصدك ميتين
رائد وهو يأشر على هتّان : المقصوده ذاك الي مسوي نفسه تعبان من اللعب وهو كل اللعب كان عليـنا
هتّان : حرام عليكم والله ما بقى فيني عرق الا وينبض
رائد : والله من عدم الليـاقه
قعدوا شوي يسولفون مع بعضهم ، رائد اخذ جواله فتحه لقى الرساله حقت مدير الاسطبل وقرأ المكتوب فيها عدل جلسته يستوعب الكلام وسع عيـونه بصدمه وهو يقرب عينه من شاشـه الجوال يتأكد من الورطـه الي طاح فـيها
صالح الي كان جالس جنب رائد وانتبه عليه : شفيك
رائد انتبه على نفسه ونزل الجوال : لا ولا شي
صالح الي ماحب يضغط على رائد بـ الأسئلة
سطام : قوموا بدلوا بيدخلكم البرد على كذا
دخلوا كلهم وكل واحد اتجه لغرفته
دخل رائد غرفته وهو يفكر ايش يسوي الحين ما عنده الا انه يقول لها انه وده يتقدم لها بس خايف من ردت فعلها خايف من تفكيره اتجهها وانه عديم مسؤوليه ...
،
"عنـد صـالح"
دخل الجناح وراح ياخذ شور
رجعت اشـواق من السـوق وهي منهد حيـلها دخلت الجناح بعـده تغير لبسها وبتروح تجلس مع البنات اتفقوا يكشخون كشخة بسيطه ويسوون جلسه يخططون لملكة ليالي اخذت فستانها الشتوي اسود ضيق لبسته جت بتطلع من غرفة التبديل الا يطـلع بوجهها صالح
فـزت اشـواق: بسم الله الرحمن الرحيم خوفتني
صالح قعد يمشي بـ اتجاهها : بسم الله عليك ، وين بتروحين
بدا يقـل توازنها وترجع خطواتـها لورا: بروح للبنات متجمعين نخطط لملكة ليالي
صالح كل ماله يقدم اكثر : ما تلاحظين اغلب وقتك معهم! ، ماشوفك كثـير تتهربين؟
اشواق بتصريفه ( ياربي ذا نشبه مايفهم ): لان كلنا مشغولين بالملكة نجهز لها
قرب منها اكثر وهي لصقت في الدولاب من قـربه
حط عينه في عينها وهو هيمّان فيها ومو حـاس بالي يسـويه : ارفقي بِي يابنت سليـمان
اشواق وهي تحاول تتهرب بعيونها ، وتتصنع العصبيه والخجـل محتويـها (مستقصدها الحيوان): صالح شوي تأخرت على البنات !
صالح هيمان بريحة عطرها : مارح يجيب اخرتي الا هذي العيون والعطر
اشواق وهي تدور مهرب منه لكن هو اكتافه عريضه مالقت مهرب نزلت تحت يده وطلعت لبرا غرفة التبديل لف يطـالعها ماقدر يكتم ضحكتـه وضحك من حركتها الطفوليه
اشواق بصوت عالي له : لا تنسى تلبس شي يدفي انا بطلع ، ولا عـاد تتمادى مع بنـت سليمان
صالح بضحك : اي تهربي نشوف نهايتها معك يابنت سليمان
طلعت من الغرفة وهي ووجها قـلب لونها للاحمـر من شّده خجلها وقفـت قدام الباب لين يخـف احمرار وجهها ، اخـذت شـهيق زفـير و دخلت على البنات
كانوا مسوين جلسه ديما وديم وايار
اشواق : وين شيهانة و شوق؟
ديم : طالعين كلمتهم الحين بيجون
جلسوا يرتبون الجلسة ...
~~~