ကျုပ်က ပါရမီရှင် (Chapter 401-600)

Chapter 420

စာစဉ် 28 Chapter 420 ပျံ့လွင့်လာသော ရနံ့

[နတ်ဘုရားမလေး ရှောင်ရဲ့နဲ့ နတ်ဘုရားမလေး ယွဲ့အာတို့က တကယ် ချစ်ဖို့ကောင်းတာပဲ၊ သူတို့ စိတ်ဆိုးနေတဲ့ အချိန်မှာတောင်မှ သိပ်ကို ဆွဲဆောင်မှု ရှိတာပဲ]

[ဟားဟားဟား ရဲ့နတ်ဘုရားလည်း မတတ်နိုင်တော့ဘူး၊ သူတို့က သူ့ကို တကယ် ကောင်းကောင်းကြီး နောက်ပြောင်ခဲ့တာပဲ]

[ငါ မီးဖိုအတွက် စိတ်မကောင်း ဖြစ်မိတယ်၊ အရင်က အဲ့လောက်ထိ ပြွတ်သိပ်ပြီး ထည့်ခံရဖူးမှာ မဟုတ်ဘူး]

[ဒါ သဝန်တိုတာလား၊ ဝိုး ... နတ်ဘုရားမလေး နှစ်ယောက်က ရဲ့လင်းချန်အတွက် ရန်ဖြစ်နေတာပဲ၊ ငါ ဒရာမာအနံ့တွေ ရနေတယ်နော်]

[ငါတို့ အဖွဲ့ဖွဲ့ကြမယ်၊ ငါ ရှောင်ရင်ကို အဆုံးထိ အားပေးတယ်ကွာ]

[ဟူယွဲ့အာက ရဲ့နတ်ဘုရားအတွက် ပိုကောင်းတဲ့ အတွဲလို့ ငါ ထင်တယ်]

[ငါ နှစ်ခုလုံးကို သဘောမတူဘူး၊ ရဲ့နတ်ဘုရားက ငါတို့အပိုင်ပဲ]

...

ယခင်ကသာဆိုလျင် ကျောက်လျန့်ရင်နှင့် ဟူယွဲ့အာတို့နှင့် ရဲ့လင်းချန် ရှိနေသည့် ကောလာဟလ တစ်ခုခုသာ ရှိခဲ့ပါက ပရိသတ်များ ပေါက်ကွဲသွားလောက်သည်။ အင်တာနက်ပေါ်၌ ဆဲဆိုပြောဆိုခြင်းပင် အသေးစား နှောင့်ယှက်မှုဟုပင် သတ်မှတ်နိုင်ပြီး အဆိုးဆုံးအနေဖြင့် ရဲ့လင်းချန်ကို သူတို့ လိုက်ရှာလောက်သည်။

သို့သော် ပြီးခဲ့သော ရက်များတွင် ရဲ့လင်းချန်က သူ့အရည်အချင်းများနှင့် သူ့ကိုယ်သူ သက်သေ ပြခဲ့သည်။ မိန်းကလေးများသာမက ယောက်ျားလေးများပင် သူ့ပရိသတ်များအဖြစ် တဖြည်းဖြည်း ပြောင်းလဲလာသည်။ ထိုအထဲတွင် သူ့ကို မုန်းတီးသူအချို့ပင် ပါသေးသည်။

သူ၏ စွမ်းဆောင်မှုက ပြောစရာ မရှိပေ။ သူ၏ ကြည့်ကောင်းသော ရုပ်ရည်အပြင် သူသည် ဩဇာညောင်းပြီး အရည်အချင်း ရှိသည်။ အမျိုးသမီးများသည် သူ့ကို အရူးအမူး ဖြစ်လောက်ပြီး အမျိုးသားများက သိမ်ငယ်သလို ခံစားရပေမည်။

ရဲ့လင်းချန်သည် အိုးထဲသို့ ငါးထည့်၍ ကြိုပြင်ထားသည့် ပါဝင်ပစ္စည်းများကိုပါ ထည့်လိုက်သည်။ အိုးကို မွှေပြီးနောက် အဖုံးအုပ်၍ အပူချိန်နည်းနည်းဖြင့် နှပ်ထားလိုက်သည်။