Full of Secrets

CH 14

"May magagawa pa ba ako?" At sa huli wala na siyang nagawa parehas na kasi kami ng sinabi ni Kash at ang tanging magagawa niya nalang ay makisama sa amin, dahil para naman na ito sa kaligtasan namin tatlo.

"Whatever, let's go." Sabi ko nalang sabay kuha ng bag ko sa kama at cellphone na full charge. 

Mabuti nga at na-charge ko kanina cellphone ko nung lumabas si Kash at mabuti ay nagising ako dahil kung hindi wala akong phone na madadala sa classroom. Pagkalabas na pagkalabas namin ng dorm ay marami na rin ang mga student na nagsisilabasan sa kanilang mga dorm, ang iba naman ay nag-rereview at ang iba ay wala lang dere-deretso lang naglalakad sa hallway.

Tinignan ko pa saglit ang dorm ng anim na lalaki umaasang may isa sakanila ang lalabas dito, muli akong umasa doon hanggang sa pumasok kami sa elevator ay walang lumabas na kahit isa man sakanila. Pagkababa namin ng building ay hindi maiwasan ng iba ang maglaro muna saglit sa field at ang iba naman ay nagbabasa ng mga libro marami na rin ang mga student na nagkakalat sa campus papunta sa kanilang room. 

07:01 palang ng umaga halos ganitong oras ay marami ng student ang pumapasok.

Tuloy tuloy lang kami nila Kash at Freya naglalakad sa hallway, kahit marami ang pinagbubulungan kami ay hinahayaan na lamang namin ito. Masaya kaming naglalakad walang iniintindi kung hindi ang magandang kinabukasan namin.

Nang makarating kami sa room, bumungad sa amin ang sampong mga lalaki na nakapalibot sa upuan namin. Nakatitig ito sa amin na para bang ano man oras ay susugurin kami.

Talagang hindi napapagod si Ishani sa ganito, patuloy siya sa kaniyang plano kahit sa huli ay mapapahiya lang ito.

Umagang umaga hindi papaawat sila Ishani.

Wala sila Ishani dito tanging mga lalaking hindi namin kaklasi ang nasa room, sa kanilang side ay nandoon ang mga kaklase namin na nagbubulungan at parang alam talaga nila na magkakaroon ng away. Halatang si Ishani ang may kagagawan nito dahil sila lang naman ang kaaway namin sa eskwelahan na ito.

"Hoy! Gago dito kayo! May mag-aaway!" Naririnig ko ang sigaw sa hallway.

"Walang tatawag ng teacher ah!"

"Gagi, ayan na yung girl boss!"

Sigawan ng mga student na chismoso at chismosa, nandoon na sila sa mga bintana nakasilip sa pwedeng mangyari. Napapikit nalang talaga ako ng mata ng tumama nga ang hinala ko na kaibigan ito nila Ishani and wait, Girl Boss? Ayun ba ang name ng group nila? 

Okay, no comment nalang ako diyan, ayoko ijudge baka madepress lahat ng Girl Boss na sinasabi ng mga student dito.

"Uupo ba kayo?" Tanong nung lalaki sa amin, hindi naman kagwapuhan.

"Tutal wala naman ang D6, baka pwede na sa amin muna kayo ngayon?" Sabat pa nung isang lalaking mukhang kriminal. Hindi ko talaga maiwasan ang man-judge ngayon lalo pa naman at wala ako sa mood.