السلام عليكم حبايبي شلونكم ان شاء الله بخير ❤️
طبعًا من البارحة اني داشوف هواي تساؤلات
منكم بخصوص المشاهد السردتها عن لسان هارون
واليوم حبيت ادردش وياكم شويه
-البعض منكم ممصدگين او ممستوعبين الأحداث القروها بالبارت السابق والاغلبية يكولون معقولة
اكو هيج شي بالواقع ؟
اي حبايب معقولة وزايد هم وتره قصة هارون لاشيء
بالنسبة للبلاوي الدنسمعها هسه وانتو عدكم نت تكدرون تبحثون وتشوفون الكوارث والجرائم الدتصير بحق الاطفال شنو
مستغربين لأن امه جانت السبب بألي صارلة ؟
ليش الذبت اطفالها من فوگ الجسر هاي شنو ؟ مو هم ام لو اني غلطانة !!
والي دتبيع بناتها لو الي تجيب وتاجر بأعضاء اطفالها
مو هم ام ؟
ابدًا لتستغربون بالعكس حمدو الله وشكرو لان سبحانه وتعالى زرع بيكم فطرة الامومة الحقيقية
ولهذا السبب ما جاي تتقبلون الشي القريتو
واني بصراحة ما الومكم على رداة فعلكم لان اني سابقًا من استلمت الرواية هم ما صدكت لوما زبيدة تنطيني أدلة تثبتلي صحة كلامها
وبنفس الوقت لو نريد نصفن شويه فليش حتى زبيدة تجذب وتألف قصة مالها صحة واحنه كلنا ندري بيها تموت على هارون فهل من الممكن تتبلى عليه وتحجي عنه شي مصاير ؟
اكيد مو ممكن واصلًا هي مالها مصلحة لان من البداية مو هي القررت تنشر قصتها واني كتلكم سابقًا العرضت عليه قصتها هي ديمة وبعدين دخلو البنات وياها على الخط وقررت اكتب قصتهم تلاثتهم لان اثرو بيه
- البعض يكولون شلون كدرت هيام تسوي كل هذا ووين أهل البيت عنها
اني ما اريد ادخل بذمتها بس تره مبينه هي متعمدة تودي اولادها الكبار لبيت عمتهم حتى يفرغلها البيت
وهم اكو اشياء اني ما ذكرتها منها انها جانت تتحايل على هارون حتى يروح ويه اخوانه وهو ما چان يقبل سبحان الله يجوز بذيج الفترة الله ساق الاحداث بهاي الطريقة حتى يكشف حقيقتها
وبالنسبة لأهل البيت تكولون شلون محد لاحظ وهيام ما خافت والخ من الاسئلة
شوفو حبايبي بفترها النوح وياسر جانو اصلاً مسافرين وفؤاد بوقتها جان لازم شغل ابو واخو علما يرجعون بالإضافة الى ذلك بوقتها جان اكو دوامات
والكل الصبح ما متواجد
حتى منال اخت هيام جانت معلمة واتوقع بوقتها طبيعي تكون ما متواجدة لان عدها دوام
واصلاً البيت جان فارغ والساعة بحدود ال8 الصبح يعني محد موجود واستغفر الله من ذنبهم هالدنيئين النفس گدرو يستغلون هذا الوقت حتى يفتعلون الحرام ومحد يشوفهم
- تكولون شلون كدرت زبيدة تفضح هارون وتنشر قصته
باعو بنات خلي نتفق على شغلة ، اولاً انتو متعرفون هارون وحتى لو اقارب هارون نفسهم اجوي و قرو الرواية ما راح يگدرون يتعرفون لا عليه ولا على اصحاب الرواية
لأن اني هواي امور تخصهم خافيتها وما طارحتها بالرواية منها الاسماء ، اسم المحافظة والخ من الامور
الممكن تثبت انُ هالقصة الهم
وهم ضيفو المواقف المذكورة من قتل زهراء وموت حنين وحقيقة فاضل والصار بديمة وقصة مبين كل هالأمور اقارب البنات ومعارفهم ميعرفوها لأنها من سنين مدفونه بيناتهم ومحد يتجرأ يطلعها اصلاً
فمستحيل احد يگدر يتعرف عليهم
وبكل الأحوال قصة هارون من انطرحت فحتى تراويكم وتفتح عيونكم على كمية الالم والاذية الي ممكن يكون عايشيها اشخاص غيركم
وهم حتى تخليكم تحمدون الله وتشكرو على كمية النعم الي منطيها الي والكم
وابسط هاي النعم يكون عدكم امهات بحق تلجئون من الدنيا كلها لاحضانهن
مو مثل وضع هارون الي ما حس نفسه بشر طبيعي الا لمن حبها لزبيدة
- للأمانة بأخر فترة هواي داشوف كلام عليه بالبداية كان مجرد نقد وعتاب بخصوص تأخري بالتنزيل وعدم التزامي وياكم لكن بالايام الاخيرة وصل الكلام لمرحلة التجاوز والدعاء بالضرر عليه وعلى عائلتي بسبب الرواية
شوفو حبايب اني ما احب امليكم سلبية ودائمًا احاول اكون فرفوشة واضحك واشاقه وياكم
لان ادري كل وحدة بيكم بيها الي مكفيها ومناقصها
طاقة سلبية فوك طاقة الأحداث السلبية التقراها
بس اني لأن اعتبركم خواتي وقريبات مني حابه احجيلكم
شوفو بنات اني صارلي فترة طويلة مريضة والي يتواصلون ويايه على الانستا يدرون بيه شگد مريضة
ومن اسبوعين تقريبًا صار عندي اجهاض وربي يشهد نفسيةً جدًا تعبانه ومضغوطة وصلت لمرحلة ما اريد اگعد وحدي حتى لا اتذكر إني طرحت وتتأزم نفسيتي اكثر
ما حجيت لأحد وضليت معتكفه على نفسي اكتب في سبيل ما افكر بالموضوع وانقهر
بس هم العامل النفسي چان اله دور بتعطيلي بالكتابة من غير المرض ولو اگدر افتح بث واسمعكم صوتي شلون صاير چنتو حتعرفون الوضع المزري الاني بي هسه شلون صاير
لكن مع هذا قررت إني اكمل الرواية وما اترككم مثل كل مرة وهم تره الرواية ما بقالها شي ان شاء الله كم بارت واختمها على خير واتبارى الذمة وياكم واروح
واخيرًا اني جدًا ممتنه لكل وحدة بيكم دعتلي وسألت عليه والله يإنتو غلاتكم عندي صارت من غلاة خواتي
واحبكم مثل ما احبهن
شخصيةً حسيت من طيبتكم ونقائكم انُ الدنيا بعدها بخير والله الشي الوحيد الممكن انقهر عليه لو اعتزلت
هو لمتكم وسوالفكم الحلوة
كل الحب الكم جميعًا ❤️
انتظروني بالبارت الجاي ان شاء الله ❤️
أنت تقرأ
الموت الحي
Mystery / Thrillerعائله بسيطة تهب رياح الظروف لتسرق سعادتهم وتختبر صبرهم بأعز ما يملكون فكيف سيكون الصراع بينهم وبين تلك الظروف ؟ يتبع ...
