الموت الحي

البارت السابع والعشرون

مرحبا حبايبي العسل شلونكم ❤️

#الموت الحي
#للكاتبة براء الموسوي

ياسر : اذا متكول منييين دبرته ما اخذذذه

معين : بعت بيتي الاول

دنيا : حجاية معين صفنتنا كلنه ، اباوع لبابا عكد حواجبة ما مستوعب كلام معين

ياسر : ومنو قبل يشتري بيت محترك ، احجي معين لتتلف اعصابي تره ما عايز اني

معين : حجي شنو السالفة صلِ على محمد ، وبالنسبة للبيت بعته بيع عرصة وهاي كدامك الفلوس جاهزة وزايد عليها هم

انطيهن لذاك النذل وسد حلكة وخلي يحذف كل الفيديوات والصور العنده ، لتباوعلي هيج مو مهمة الفلوس المهم هسه نكدر نأمن على خواتي من هالنذل وكلشي بعدين محلول

دنيا : كلام معين لصم الاغلبيه على حلوكهم ، ابد ما تخيلنا انه ممكن يتصرف هيج تصرف و رغم هو بأمس الحاجة للفلوس بس ما همه وراح باع بيته في سبيل يشتري سمعتنا 

امي بجت واجتي حضنته وتبوس بي وهو دمعته على خده ما نشفت

وئام : فدوة رحتلك يا يمه ، الف الحمدلله يارب الف الحمدلله حفظتنه وما قصرت الهي

دنيا : رغم سوء الحال الاحنه بي بس ما انكر موقف معين هذا كبره بعين الكل الا بابا الما جان على ملامحه شي بارز غير البرود

ياسر : اسمعني فلوسك هاي اعتبرها دين بركبتي وبس الله يرزقني ارجعهن الك ضعف واني الممنون

معين : لا حجي كلامك هذا ما مقبول شنو ترجعهن الي ، هذني خواتي اذا اني ما اسندهن واوكف وياهن بهيج موقف منو اليوكف بظهرهن

هذا واجبي تجاهن وما متفضل عليهن هذا حقهن عليه كأخ ولازم انطيهن هالحق مثل ما وصاني ربي ومثل ما علمتنا انت

واذا تردون تردولي شي اريد منكم بس تحاولون تغفرولي السويته وتدعولي الله يفرج عني ويسامحني على كل فعل دوني بدر مني بقصد او بغير قصد

دنيا : كلام معين جان مؤثر لدرجة زبيدة نفسها ماكدرت تسيطر على دموعها وبابا تنهد بقهر ونزل باس راس معين

ياسر : ربت على جتفه بتعب ، الله يرضى عليك ، الله يرضى عليك ويسامحك وليدي

دنيا : اباوع لمعين جر ايد ابويه باسها وكام يبجي ويردد ، "سامحني يابه " وبابا يحاول يداري دموعه وميكدر ، سودة عليه هالفترة كلها دمعته ما نشفت
انكسر كسرة لا على البال ولا على الخاطر

وئام : كافي حبيبي كافي بعد امك لتبجي اني بالنسبة الي مسامحتك من كلب ورب وراح اضل راضيه عليك وادعيلك منا لمن اموت

دنيا : مسحت دموعي وحاجيته لان شفته انهار وجتافه تهتز من البجي ، جل من لا يخطأ حبيبي انت
المهم اتعضت من خطأك وربك غفور رحيم