الموت الحي

البارت الثالث عشر

مرحبا حبايبي العسل شلونكم ❤️❤️

بصراحة وقبل لا ابدي البارت شنو تحجون حقكم وما الومكم نهائيًا بالعكس اعتذر واني المقصرة لكن ربي يشهد مصارلي مجال انزل ملاحظة وابلغكم انو محكدر انزل بالفترة الفانت واني اساسًا التهيت كُلش وما كدرت اكمل ولو بارت واحد حتى انزله فأسفة على التقصير وبصراحة طمعانه بلطفكم انو متزعلون مني لانكم غالين وميهون علية ازعلكم❤️

#المـوت الحي
#للكـاتبة بـراء الموسوي

زبيدة : داسولف ومندمجه وما اسمع غير صرخة خالة وئام تجي من الغرفة ... خير ياستار ، باوعت لخواتي الي راحن يركضن على صوت امهن ، لحكتهن ودخلت لكيت بابا فاز من النوم وعلى وجهه علامات خوف واستغراب من عياط خالة وئام ... خير بابا شصار

ياسر : والله يا بوية ما ادري فزيت على صوت صياحها حالي من حالكم

دُنيا : شبيج ماما ليش هيج صرختي موتتي كلوبنه والله ، اباوعلها تلطم على وجها وتصيح هسه غير نفتهم شبيييج يا امي

وئام : شبيييه يعنييي انطااااح حظييي وحظكم وياي سودة بوجهج يا وئام اي والله سودة بوجهج

ديمة : شكو يا اميي والله حيصير بيه سكر متحجين

وئام : ولچن ساعتي الذهب وزوجين تراچي من تراجيي وكلادة القرآن مالتي ماهي ويه الذهب 

ياسر : شنو ماهي قابل طارن اهدئي وصلِ على محمد ودوريهن زين خاف واكعات شو وين هسه نلكاهم

وئام : شيوكعهن اصلا اني خالة الذهب بعلبه خاصة وعازلته بكنتوري وهاي كدامكم هستوني فتحت العلبة داريد انزع تراجيي وارجعهن لان اذاناتي اذني بس هالتشوفون فتحت العلبة وتفاجئت لكيت الذهب ناقص هاكم شوفو اذا متصدكوني 

دُنيا : ما معقولة امي شنو تبخر خوما تبخر ، وخري خلي احنه ندورة خاف واكعات من ايدج بدون متنتبهين انتِ ، اجيت اني وديمة دورنه بالكنتور وبابا يدور هو وام حسن بالكاع بس كُلشي ماكو

ياسر : ماكو الكاع فارغة

ديمة : والكنتور هم مابي اي قطعه من الي حجت عنهن امي

دُنيا : درت وجهي لكيت زبيدة مكتفة اديها وصافنة بالفراغ ، هاا زبيدة لكيتي شي

زبيدة : ما دورت اصلا ، باوعتلهم اكلكم هي اسماء مرت مُعين البارحة هم دخلت لهنا ؟

ديمة : ليش؟ وشجابها على بالچ اصلا

زبيدة : جاوبوني على كد السؤال رجاءًا ، احد بيكم شافها دخلت لهنا البارحة

دُنيا : حاولت اتذكر .... اي ، اي اتذكر اول ما دخلت راحت كبل خلت غراضها بهالغرفة

ديمة : وحتى من صارت العركة ومُعين صاحلها وطلع اتذكر دخلت للغرفة وتأخرت ياله طلعت ورا