الموت الحي

البارت الثامن والعشرون

مرحبا حبايبي العسل شلونكم ❤️

#الموت الحي
#للكاتبة براء الموسوي

ياسر : اريدك تساعدني

يوسف : بشنو ؟

ياسر : بفحيح ما اريده يبقى عايش

يوسف : باستنكار تحجي صدك  ؟

ياسر : ليش وجهي مبين عليه جاي اشاقة ؟

يوسف : عمي تره الجاي تحجي عنه على حسب علمي بشر مو حيوان شنو متريده يبقى عايش !!

ياسر : ولانه بشر مو حيوان وعنده عقل وادراك لازم اوكفه عند حده واعلمه ان الله حق وانُ مو كل واحد ينلعب ويا ، اني صح الظروف كسرتني بس ابقى ياسر النوح اليندك بيه افصم ظهره وحق الحق

يوسف : تصدك هاي اول مرة اشوفك متلهف على اذيه احد لهالدرجة ، احجيلي شمسويلك هالولد حتى حاقد عليه هيج  ؟

ياسر : اسمع يوسف الراح احجي هسه يبقى بيني وبينك وايالك وبالك هالموضوع يوصل لاي احد وخصوصا ابوك ، ان سمعت بأحد دره قسمًا عظمًا
يالموت ميكفيني بيك ولا يبرد كلبي منك

يوسف : تفاجئت من كلامه اول مرة اشوفه يحجي بهاللهجة وخصوصا وياي ، جاوبته بكل هدوء مجاري

اطمئن عمي اني قبل لا اكون ابن صديق عمرك فاني ابنك ومستحيل اسوي اي شي يأذيك بس فهمني
شنو سالفة هالولد وخلينا نتناقش بهداوه

ياسر : اسمع وركز وياي لان الراح هسه ما اكدر اعيده

يوسف : اومئت براسي موافق ، اباوعله ركز نظرة على مكان بعيد وبده يحجيلي الموضوع بالتفصيل الممل من البداية وكلما يتقدم بالكلام والأحداث اكثر كلما  تطغى على ملامحي اثار التعجب اكثر

معقولة ديمة البريئة توكع بهيج فخ ، ما انكر عدم استغرابي للسمعتة لان بحكم شغلي سابقًا بالشرطة
هواي جانت تمر عليه هيج حالات

وبنفس الوقت من كل هالموضوع ما صدمني غير ديمة ، من هي وصغيرة اني اتذكرها انسانة بريئة لدرجة ميتخيلها العقل ودائما تصرفاتها تكون بحسن نيه ولهالسبب مستحيل الشخص المقابل يستوعب انُ كل هذا ممكن يطلع منها

ياسر : هذا كل ما بالموضوع ، هالولد دمرني ودمر بناتي ، انتهك حريتهن واعتدى على خصوصيهن ، جبرني امد ايدي على بنتي الغبية الانصاعتله وباعتنا كلنا علموده وتاليها هو أول الناس الباعها وباع شرفها وسمعتها مجرد ان سمحتله الفرصة المناسبة

استغلها واستغل طيبتها بابشع الطرق ، هددها بصورها وصور خواتها يوسف هالحقير شاف صور بناتي وانتهك حرمتهن وهنه يا غافلين لكم الله ، دمر ديمة ودمرنا كلنا وياها واني لا يمكن اسمح بالي صار يمر مرور الكرام

يوسف : اسمعه واهز براسي بسيطة والله لانعل والد والديه ، اذا ما الزمة وارده بـ***** اني مو يوسف هين هين وين يريد يروح وهاي الگ***** ام الـ****** اني دواها والله لاخليها تعض اصابعها ندم