الموت الحي

البارت السادس

مرحبا حبايبي العسل شلونكم ❤️

#الموت الحي
#للكاتبة براء الموسوي

زبيدة : اني سمعت صوت الطلق الملى البيت وصياح خواتي والعاملات ، اريد رجلية يحملني بعد ماكو ، دمي يبس كمت بسرعة فتحت الباب ونزلت لكيت بابا بوجهي ... شكوو بابا شصار ، اباوعلة جرني بسرعة ونزل يركض

ياسر : تعاي بسرعة ودنكي راسچ ، بسرررررعة زبيدة لتجيج طلقة تايهه بوية

زبيدة : اسولف ويا وارجف من الخوف عفية بابا متكلييي شكووو دخلولنه حرامية لو شنوو والله راحت روحي والحرس الزفت ويننن ولو لو هيييي كثرة على الخالي بلاش

ياسر : والله يابوية علمي علمچ كلشي ما ادري هسة طالع اشوف شكو بس خلي اامن عليكم

زبيدة : لا بابا على بختك وين طالع ليصيرلك شي ، خابر الشرطة ، خابر يوسف بس لتطلع

ياسر : يبوية يطبني مرض اني ، المهم انتن ميمسچن مكروهه

زبيدة : وية مداننزل ومنشوف الا جام الصالة كلة يتفلش وصوت الزلم والصياح البرة وصل لداخل البيت بابا بسرعة حضني وجرني جوة الدرج ودخلني بغرفة الكاميرات ... دخلت شفت خواتي وخالة وئام والعاملات

ياسر : اسمعو لحد تطلع منا ابدددد التطلع اكسر رجلها هاي المفتاح تعالن قفلن الباب والكاميرات كدامجن لاي واحد غيري متفتحن خوش

زبيدة : بابا دخلني يمهن وخابر يوسف وطلع يركض ياربي استر دخيل اسمك باوعت لخواتي وخالة وئام التبجي يربي منو ذولة وشيردون منه بهالفجر ، باوعت للكاميرات مجموعة زلم محاوطين البيت من
كل مكان وكلهم معكلين يربي منو ذولة ؟

دُنيا : هو احنه يا زبيدة لو نعرف چان كلنه لابوية الراحت روحة من الخوف والرهبة

زبيدة : واخوتج الشفية وين الشفية مُبين افندي ما نزل وينننه والثاني هم ماكو

وئام : والله يمة صارلي ساعة اخابرهم مُعين هسة جاي ومُبين ماهو بالبيت ندك علية جهازة مغلق

زبيدة : صفنت عليهم ضي ماهي ! عطت بيهن وين ضي بس لا عفتوها فوك تدرن بيها تخاف شلون تعوفنها ، اجيت اروح اجيبها بس استوقفني صوت ديمة 

ديمة :اوكفي زبيدة ترة راح بابا لغرفتهم هي ومُبين ما لكاهم واجهزتهم ثنينهم مغلقة

زبيدة : شنو ما لكاهم بلة مُبين افتهمنا احتمال بايت يم جماعتة بس ضي وينها قابل وين تريد تروح اووف يربي انوب يكلك جهازها مغلق

وئام : اهدي يمة اهدي حبيبتي تلكيهم طلعوا او راحو يغيرون جو لو يجوز طلعوا بالليل حتى يزورون وبقو هناك

زبيدة : مستحيل اليوم عدنة دوام وهاي الاشهر الاخيرة من السنة يادوب نكمل مواد للطلاب وهي حريصة على طلابها مستحيل تكون مستهترة هيج وتعوفهم .... يربي دخيلك وسترك اباوع للكاميرات كلها ملتمة على ابوية والصياح واصللنه من برة خطية عمو فادي واكف وية بابا ودشداشتة مشكوكة وراسة مضروب وينزف ، اريد افتهم ذولة شعدهم هناا ادري شنو بعنا العراق خوما بعنا العراق حتى العشاير تجمع ببابنه