الموت الحي

البارت السادس عشر

مرحبا حبايبي العسل شلونكم ❤️

#المـوت الحي
#للكـاتبة بـراء الموسوي

دنيا : زبيدة ليش فشلتي معين هيج وما قبلتي يساعدنا ؟

زبيدة : سديت الكراسة وضميتها ... احسن

ديمة : هو شنو الاحسن ترة حرجتي

زبيدة : هو اني اريد احرجة ، انتن نسيتن شسوة بينا ؟ بهالسهولة تردنا نرجع نتعامل ويا ونقبل يساعدنا وكأن شيئًا لم يكن ؟

دنيا : ما نسينا بس لو مهما يكن لازم نقدر الوضع الي هو بي او على اقل تقدير نحاول نساعدة حتى يتحسن ويمشي عدل بدال ما نصده ونعاملة هيج

زبيدة : شربت مي ، هو اني لان اريدة يمشي عدل ما قبلت يساعدنا ، ترة لتتصورني قاسية لهالدرجة لو ماعندي كلب ، بس معين لازم يتعلم من اخطائه

واذا مو اول موقف زين يسوي ويانا نفتحله كلوبنا ونعامله كأن شيئًا لم يكن ، نكون اكبر اغبياء لان بهالطريقة عبالك دنكله ، معين ترة الموقف السويته ويه بابا مو بالشناعه الي انت متخيلها وممكن بمساعدة بسيطة منك تصلح كل الي انكسر وترجع علاقتك ببابا مثل قبل وهذا الي اني ما اريدة

يا بنات الانسان بينا اذا مينلچم اكثر من مرة ويكعد ويه نفسه ويراجع كل حساباته ويشوف حجم الغلط الي سوا مستحيل يتغير ويتعلم من اخطائه ، واني متعمدة اسوي هالشي لان اريد معين يحس انُ الي سوا شي عظيم ومينغفر بالسهولة الي هو متخيلها
حتى من يتوب يحرم على نفسه يغلط مرة ثانية

ديمة : كلامج بي وجهة نظر بس اكو خطأ بطريقة التعامل ما اعرف احسج قسيتي هواي عليه

زبيدة : اذا جانت القساوة ويا تخلي ضميره يصحى ويكون انسان جديد يختلف عن الخنزير الجان قبل
فعادي واذا قسينا عليه قابل القساوة حتموته ؟

دنيا : دنسولف وطبت امي بس صايرة نار واول ما شافت زبيدة شالت الساعة مالت معين وشمرتها عليها حيل بحيث اجت الساعة على صدرها

اباوع لزبيدة لزمت صدرها وغمضت عيونها متوجعة بس ما بينت ابد وضلت محافظة على ملامحها

وئام : انتتتتِ شلون تتجرأين تفشلييين اخوووج وتحرجي هيج كدامنا متخافين الله انتِ ، متقدرين المريض ! ، حرام عليج شهالقساوة الشايلتها متكليلي ؟ اخوج كاعد هسه بغرفته ويبجي ليش هيج سويتي ليش فوك ما راد يساعدجن

زبيدة : اولاً نصي صوتج مو ماخذتنا بصوتج العالي وثانيًا هالفكرة فكرتي وهالمشروع مشروعي اقبل بي الي يعجبني واطرد منه الي ميعجبني ويناسب مزاجي واذا على ابنج فـبچه لا بچه طبه ستين الف مرض اخر همي افكر بمشاعرة

ثالثًا واخيراً وداعة امي الماتت وكسرت ظهري وراها اذا بعد تفكرين مجرد تفكير تتجاوزين عليه اسوي وياج سواية عمرج وحياتج ممتخيلتها لا عبالج اذا حاطة لساني بلهاتي وعايفتج على راحتج معناها ممكن اسمحلج تتمادين  وياي