"နောင့်" ရိုးမ ရာဇာ

Ch 41

နေထိုင်ခဲ့သည့် နှစ်ပေါင်းရာထောင်ချီအတွင်း ကြုံဆုံခဲ့ရသည်၊ ခွဲခွာခဲ့ရသည်ကို အကြိမ်ကြိမ်ကြုံတွေ့ခဲ့ရသည်။ ချစ်ရသူတို့ကို လည်း အကြိမ်ကြိမ်ဆုံးရှုံးခဲ့ရဖူးသည်။ ထိုသို့သောအ‌ခြေအနေတွင်နေထိုင်နိုင်ခဲ့ဖို့ သူက စိတ်ကို များစွာပြင်ဆင်ခဲ့ရသည်။ တရားဓမ္မတို့ကို ကျင့်ကြံခဲ့ရသည်။ အခုတော့သုနန္ဒာဟူသည့် ကျားဖြူသခင်မ တဖြစ်လဲ သမီးရင်းချာတစ်ယောက်လို သတ်မှတ်ထားရသည့် သူသည်ခွဲခွာခြင်း၏ ဒဏ်ကို နင့်နင့်သည်းသည်းခံစားနေခဲ့ရလေပြီ။

သစ္စာတရားကို လက်ကိုင်ထားပြီး တစ်သက်တွင် တစ်ဦးကို သာချစ်မြတ်နိုးကြသည့် သမန်းကျားတို့၏ ဗီဇအရ သုနန္ဒာသည်လည်း တစ်သက်တွင် တစ်ဦးကို သာနင့်နင့်သည်းသည်းချစ်မြတ်နိုးခဲ့သည်။ ကျိန်စာဆိုသည့် အရာရစ်ပတ်တွယ်နှောင်ခံထားရတာတောင် ထိုသူကို အဆုံးစွန်ထိလက်မလွှတ်ခဲ့ပါလေ။ ကြီးမားလိုက်သည့် သစ္စာတရားနှင့် မေတ္တာတရားရယ်လို့ ကောက်ချက်ချရုံမှလွဲ သူ မည်သို့မှမတတ်နိုင်ပါ။

ထိုကျိန်စာကို ဖြေဖျောက်စေသူ က ရင်နှင့်အမျှချစ်ရသည့် သားတော် ဖြစ်နေလေပြန်တော့ သုနန္ဒာက မည်သူ့ကိုမှ အပြစ်ဖို့ ဖို့ မတတ်နိုင်ခဲ့ပြီထင်ပါ၏ ထိုနေရာမှာ တခြားသူသာဆို သုနန္ဒာတစ်ယောက်မည်သို့တုန့်ပြန်မည်ကို သူကိုယ်တိုင် မခန့်မှန်းနိုင်ပါလေ။

"ချစ်ရသူကိုအကြိမ်ကြိမ်ဆုံးရှုံးနေရပါပေါ့လားသုနန္ဒာ။ စက္ကငယ်က မှန်ကန်တဲ့ဆုံးဖြတ်ချက်ကိုချခဲ့တာပါ။ သူကိုယ်တိုင်လည်း နာကျင်၀မ်းနည်းမှုကိုကြိတ်မှိတ်ခံစားနေမယ့်သူပါကွယ်။ စိတ်ဖြတ်လိုက်ပါလေတော့ သမီးတော်....။ ဘ၀ကိုအေးချမ်းစွာဖြတ်သန်းပါလေတော့"

နန္ဒိယအဘိုးအို၏ ကရုဏာသံသည် တြိဂံနယ်မြေမှသည် မြောက်ကျွန်း၊ ရိုးမနှင့် တိဗတ်နယ်မြေတစ်ခွင် လွမ်းလွမ်းဆွတ်ဆွတ်ပျံ့နှံ့၏ ကောင်းကင်ယံသည် ကြီးမားသည့်သစ္စာတရားနှင့် အရှင်သခင်မ၏ ၀မ်းနည်းပူဆွေးမှုကိုအသိအမှတ်ပြုသည့်အလား အုံ့အုံ့ဆိုင်းဆိုင်းနှင့်။ စိတ်၏ ထမ်းပိုးထားရသည့်၀န်ကြောင့်ဖြစ်ပေါ်လာသည့် ပင်ပန်းခြင်းကိုအပြီးတိုင်လျှော့ချလိုက်သည့် ကျားဖြူကြီးသည် အဘိုးအို၏ ကိုယ်ပေါ်ဦးခေါင်းကိုမှေးစက်တင်ရင် ခဏအကြာနှစ်ခြိုက်စွာပြန်လည်အိပ်စက်သွားတော့၏ ဒီနေ့တော့ ရိုးမနှင့် တိဗက်နယ်မြေတို့သည် သခင်မ၏ ၀မ်းနည်းခြင်းကိုထပ်တူခံစားမိသလို ပုံမှန်ထက်ပိုတိတ်ဆိတ်နေပါတော့၏
.
.
.
.
.
လည်ဆွဲကို ခပ်ဖွဖွဆုပ်ကိုင်ထားမိသည့် နောင်က သက်ပြင်းအကြိမ်ကြိမ်ချမိသည်မှာ ဘယ်နခေါက်မှန်းမသိတော့။ ဒီဆွဲပြားကို စက္ကက နောင့်ကို ဆွဲပေးသည့် နေ့မှစ၍ ညစဥ်ညတိုင်း ဆွဲပြားထဲမှ ငွေရောင်အလင်းမှုန်တို့သည် နောင့်နှလုံးအိမ်ထဲ တဖြည်းဖြည်းစိမ့်ဝင်နေသည်ဆိုသည့် အိမ်မက်ကို မြင်မက်ခဲ့သည်။ စက္ကကို ပြောပြတော့ ခပ်ရေးရေးပြုံးသည့် ချစ်ရသူက *အရာဝတ္ထုပစ္စည်းတွေက သူ့ရဲ့ပိုင်ရှင်ကို ကောင်းကောင်းသိတယ် နောင်* ဆိုသည့် စကားကို သာပြော၍ မည်သည့် စကားမှထပ်မဆိုခဲ့။