Unicode
"ကျွန်တော့်အတွက်လား"
တံကျင်လျိုထားသည့် ကင်ပြီးသား ငါးတစ်ကောင်ကို နောင့် ကိုလာထိုးပေးနေသည့် မုဆိုးကြီးကြောင့် နောင် မော့ကြည့်ကာမေးတော့ ခေါင်းတစ်ချက်ညိတ်ပြ၏ အင်း...... ဒါက လေးကောင်မြောက်။တောထဲမှ ပြန်ရောက်ကတည်းက နောင့် ကို ငါးတစ်နေ့တစ်ကောင်ဖမ်းလာပြီး ကင်ပေးသည်မှာ ဒါနဲ့ဆို လေးရက်မြောက်ရှိပြီဖြစ်သည်။
ဘာမှ မပြောဘဲငါးကင်ကိုယူရင်း ပုခုံးပေါ်တင်ထားသည့် ပုဝါကို ကမ်းပေးတော့ မုဆိုးကြီးက နောင့် ကို တစ်ချက်ကြည့်၏ လက်ထဲပုဝါစဖြူဖြူကိုမြင်တော့ အလှုပ်မယှက်။
"သုတ်လိုက်စက္က.... ရတယ်"
နောင့် စကားကြားမှ မုဆိုးကြီးက ပုဝါစကိုယူကာ အနည်းငယ်စီးကျနေသည့် ချွေးတို့ကို သုတ်၏ ကြည့်ရသည်က ချောင်းစပ်သွားခဲ့သည် ထင်ပါ၏ နွေရာသီနေ့လည်ခင်းအချိန်သည် ချောင်းစပ်၌ ရေငွေ့တို့ပျံတက်သည်ကြောင့် သာမန်ထက် ပိုပူနေတတ်သည်။ သို့သော် မုဆိုးကြီးကတော့ ထိုအချိန်ရောက်တိုင်း ငါးဖမ်းထွက်မြဲပင်။
စက္က ငါးဖမ်းထွက်ပုံကရိုးရှင်းသည်။ ပုဆိုးကိုခပ်တိုတိုဝတ်ကာ ဝါးကို အချောသတ်ထားသည့် မှိန်း တစ်ချောင်းနှင့်ဖြစ်၏ ငါးဖမ်းထွက်သည့်နေရာက ရိုးမထဲစီးဝင်သည့် ချောင်းမကြီး၏ အစပ်တွင်ဖြစ်၏
ဘာကြောင့်ရယ်မသိပေမယ့် ငါးဖမ်းထွက်တိုင်း ငါးတစ်ကောင်သာ ပါလာတတ်ပြီး ထိုငါးကို သေချာအကြေးခွံခွာ၍ မလိုအပ်သည်တို့ကို ပစ်ထုတ်သန့်ရှင်းစေကာ တံကျင်လျိုကင်ပြီး နောင့် ကိုလာပေးတတ်၏ မုဆိုးကြီးက တစ်ရက် ငါးတစ်ကောင်နှုန်းနှင့် အကြောင်းပြချက်မဲ့လာပေးတတ်သလို နောင်သည်လည်း ဘာကြောင့်ဆိုသည့် အကြောင်းအရင်းကို အမေးအမြန်းမရှိယူစမြဲပင်။
ရိုးမထဲရှိစဥ်က သူကင်ပေးသည့်ငါးကိုအားရပါရစားတတ်သည်ကြောင့် နောင် ငါးကင်ကြိုက်သည်ဟု မှတ်ယူလိုက်ပုံပင်။ သို့သော်ဘယ်လောက်ကြိုက်ကြိုက် လူတစ်ယောက်က အစားအစာတစ်ခုတည်းကိုဘယ်လိုနေ့စဥ်ရက်ဆက်စားနိုင်မှာတဲ့လဲ။ ဒီပုံစံအတိုင်းဆို နောင် တော့ တောကြောင်တစ်ကောင်လောက်မွေးမှရတော့မည် ထင်ပါ၏
YOU ARE READING
"နောင့်" ရိုးမ ရာဇာ
Fantasyကြမ်းတမ်းတဲ့ ရိုးမရာဇာ မုဆိုးကြီးရဲ့ အသည်းနှလုံးကိုခြွေယူဖို့က ဘိလပ်ပြန် သုတေသနပညာရှင်လေးရဲ့ အပြုံးနုနုသာလိုပါသတဲ့...... မြို့ပေါ်မှာမွေး ဘိလပ်မှာ ပညာသင်ကြားခဲ့တဲ့ သုတေသန ပညာရှင်လေးဟာ မုဆိုးကြီးရဲ့ လက်ဖဝါးကြမ်းကြမ်းကိုကိုင်ဆွဲလိုက်ရရင်ဖြင့် ပဲခူးရို...