She Will Be Loved

Chapter 14

I didn't know how I remained calm and composed. Napuyat ako. Though we arrived home early last night. Nakasabay ko pa maghapunan ang mga magulang. Hindi rin ako nagtrabaho dahil sa pagod.

It just that, I waited for Seryo's call. Akala ko ay tatawag ito sa akin. We're okay when he dropped me home. Kaya lang ay hindi tumawag. And I don't know why!

Mabilis akong naglakad papasok ng kompanya. There are some employees there, greeting me, pero tanging tango lang ang isinasagot ko.

Sa pangatlong pagkakataon ay muli kong tiningnan ang telepono. Iyong schedule ko ngayon ang huling mensahe sa akin ng lalaki. No explanation about why he didn't call.

Tumikhim ako para itago ang inis. Lumabas ako nang bumukas ang elevator. Abala ang mga tao roon sa palapag, panandalian lang na tumigil nang dumaan ako.

Lumapit ako kay Kate. Tambak ang mga papel sa mesa nito habang mabilis na nagtitipa sa computer. Ngumiti siya nang makita ako.

"Good morning, Ms. Ella. Dadalhan na kita ng kape?"

Tumango ako. "How's your son? Hindi na ba nilalagnat? I can give you another day-off para matutukan mo."

Mabilis na umiling si Kate. "He's fine, Ms. Ella. Bumaba na ang lagnat. Saka maraming trabaho, baka matambakan ako."

Muli akong tumango. Siya naman ay nagpaalam na para magtimpla ng kape kaya iniwan ko na. Mula sa malayo ay natanaw ko si Seryo, abala ring nakaupo sa pwesto nito. May mga dokumento ring nasa mesa, kaya lang ay tutok ito sa pagsagot ng mga tawag. Nagtaas ako ng kilay. Naglakad ako papalapit sa kaniya. Nag-angat ang tingin nito sa akin nang bahagyang makalapit, eksakto namang ibinababa nito ang telepono. Mabilis siyang tumayo.

"Good morning, Ms. Ella. I already sent you your schedule today."

Tinanguhan ko lang ang lalaki. Mabilisan kong tinungo ang opisina, kitang-kita ang tambak na papeles doon. Kahit pala tinapos ko ang trabaho hanggang kahapon, mukhang doble naman ang dami ngayon.

"Ms. Ella, your schedule today, you haven't checked it already?"

Sinundan ako ni Seryo sa loob ng opisina. Nilapag nito ang mainit na kape sa mesa, mukhang katitimpla lang iyon. Kinuha ko ang telepono para tingnan ang sinasabi nito. Muli kong binalikan ang message niya, isang oras na ang nakakaraan. Sinend lang nito ang schedule ko na may kasamang 'Good morning' GIF.

Nilingon ko siya. "Okay, Seryo. You can go back to work."

Bahagyang kumunot ang noo nito pero tumalikod din, kalaunan. Ako naman ay itinuon ang atensyon sa mga papeles na nasa mesa.

Huminga ako ng malalim. Natawa ako sa sariling paghihimutok. Hindi man lang makaramdam ang lalaki.

Tanghali nang magtungo kaming dalawa ni Kate sa Bohol. Ito iyong pinuntahan ni Seryo para sa inspection. Bibisita raw doon ang ibang investors kaya naisipan ni Papa na papuntahin ako. Nasabi rin niya na gusto akong makilala ng mga staff doon. Hanggang ngayon ay marami pa rin pala ang tumatawag, gustong mag-invest doon kahit tapos na. Ang tanging alam ko lang ay on-going pa rin ang pagre-recruit ng mga tauhan doon dahil dumarami ang mga kliyente kahit na kabubukas pa lang.

Hindi ko ipinaalam kay Seryo ang pag-alis. Bukod kasi sa hindi ko nadatnan ang lalaki sa pwesto nito kanina, hindi rin naman siya nagtatanong. Ano naman ang gagawin ko sa sinend nitong schedule ko na puro blanko ang laman? Sigurado akong napapaisip ito sa kung ano'ng gagawin ko sa mga bakanteng oras. Iyon ay kung may...pakialam nga siya sa akin.

Pagkarating, sinalubong kami ng mga staff ng bagong tayong rental apartments. Napangiti ako nang may bitbit pang mga bulaklak ang ilan sa kanila na ibinigay sa akin. Kinamayan ko ang lahat bago nagpasyang ilibot kami sa naturang gusali.