"ဘယ်နှစ်ရက်နေချင်လဲဝေ"
"သုံးရက်လောက်ပေါ့ကလေးရယ်"
"ကလေးကမြို့မှာအနေကြာတော့ တောဓလေ့တွေနဲ့အံ၀င်ဂွင်ကျမဖြစ်မှာဝေသိတယ်"
"ဝေတို့သုံးရက်လောက်တော့နေမယ်လေ"
"အဲ့ဒီအချိန်အတွင်း အနေအစားအခက်အခဲလေးတွေရှိနိုင်တယ်"
"ကလေးဖြစ်ရဲ့လား"
"ဝေရဲ့ကလေးကလုပ်ငန်းရှင်ဖြစ်နေပါပြီ"
"ကလေးမဟုတ်တော့ဘူး ဝေခေါ်လို့သာဝေကလေးဖြစ်နေတာ"
"ဝေဆန္ဒမှန်သမျှဖြည့်ဆည်းချင်တယ်"
"ဒီအတွက် ဘာအခက်အခဲမဆို စိတ်ထဲမှာအဲ့ဒီလောက်ကြီးမတွေးထားဘူး"
"ဝေအနားရှိပြီးတာပဲ"
"သံသရာကတစ်ပတ်ပြန်လည်ခဲ့ရင် ဝေကလေးကိုပဲဝေလက်ထပ်မယ်"
"ဝေသိပ်ချစ်တာပဲကလေးလေးရယ်"
"ညနက်ပြီ အိပ်ကြစို့"
"မနက်ဖြန်ခရီးသွားရမှာ အားပြည့်နေဖို့လိုတယ်"
"မနက်ကျရင် နှင်းပဲထလိုက်မယ် အထုတ်တွေပြင်ရမယ်ခရီးသွားဖို့"
"အိမ်ကလူတွေလည်းမှာစရာရှိတာမှာရမယ်"
"မနက်၉နာရီလောက်ထွက်ကြမယ်အိမ်က"
"ဝေလည်းအိပ်ရေး၀ပြီဒါဆို"
"အိမ်ဦးနတ်ကလေးရယ် စီစဉ်လိုက်တာဒီကအဖွားကြီးတစ်ပိုင်းဇနီးမယားက ကျေနပ်ပီတီဖြစ်နေရပါရောလား"
"နှင်းအိပ်မက်လေးလေဝေက အလှဆုံးဖြစ်စေရမှာပေါ့"
ထိုညကုန်လွန်ပြီးနောက် မနက်လင်းသည့်အခါ နှင်းကခရီးသွားရန်အတွက်လိုအပ်သည့်ပစ္စည်းများကို ခရီးဆောင်အိတ်တစ်ခုအတွင်းသို့ ထည့်နေလေသည်။ဒေါ်သက်ဝေ၏မနက်ခင်းလုပ်ငန်းများဖြစ်သည့် ဘုရားရှိခိုး၊တရားထိုင်ပြီးမှ မနက်စာစားရန်အောက်ထပ်သို့ဆင်းလာသည်။မီးဖိုခန်းရောက်၍ နှင်းကိုမတွေ့လျှင် အိမ်အကူကောင်မလေးများအား -
"ကလေးရော"
"မမလားအန်တီ"
"သူမနက်အစောကြီးထလာပြီးစားပြီးသွားပြီ အပေါ်ကိုတက်သွားပြီရှင့်"
Episode - 21(Extra- 2) Unicode
Start from the beginning
