وأنا فِي مَوج حُبك شراع يتهادىٰ

البارت الثامن

جالسين بالحوش يشربون شاهي ويفصفصون ويحشون التفت نوف على رساله من اشواق فزت وهي تاشر للبنات
اجتمعو البنات حولها وشافو اشواق تصور الغرفه وصورت البيت والدرج شهقو بقوه :هههااااا عايشه حياتها
طالعت فتون بحسره:عطوني حظ اشواق وارموني بالبحر
التفت ميان:بنرميك بعزبه خالي مو بالبحر
ضحكو كلهم التفتت فتون على ميان:هههه سخيفه
ضحكت ميان قفلت نوف الجوال بحسره:مالييي دخل ابي اتزوج غني شوفي بيتهم شكل ساكنين فيه قبيله
التفتو على اتصال اشواق اجتمعو كلهم وفتحو الكام
ابتسمت اشواق وهي تصور شكلها :تخيلووو شفت وحده لا يعلى عليها لو شفتوها بتستلمونها
عقدت نوف حواجبها :مين
ضحكت اشواق بقوه:تخيلو تصير بنت خاله صالح واليوم مسويين عزيمه عشاني وو...
سكتت اشواق اول ماتذكرت علاقتها بذا العايله وتنهدت بضيق
فتون:شفيك سكتتي؟
تنهدت اشواق:تخيلو تعرفون الحرمه الي جت خطبتني وبالعرس حق ماجد كانت لابسه تركوازي
هزو البنات راسهم بالايجاب لفت ميان وانهار
:حنا مانعرفها
نوف:لانكم ماشفتوها كملي اشواق
كملت اشواق: طلعت امي
شهقو البنات باستغراب وصدمه كبيره وولا وحده مصدقه التفت نوف :مستحيل!
التفت اشواق:والله جدي فهاد قال وهو عارف من اول وكان يبي صالح يتزوجني
شهقو بقوه ويدهم على فمهم
وعد:يمه اهل امك اغنياء يعني البيت الي صورتيه بيتهم صح ، يمه اشواق!
هزت اشواق راسها بالايجاب:المهم خلوني اكمل لكم
هزت البنات راسهم وسط صدمتهم الكبيره وودهم يسالون كيف وليش بس مايبون يضغطون على اشواق
ابتسمت اشواق:تخيلو بنت خاله صالح لابسه قصير مره لين فخذها وفستانه لونها احمر وتتغنج بجلستها وحركاتها
وواضح محد يحبها بالبيت الا امها ههههههههه
ضحكو البنات:بالله ورينا شكلها
كملت اشواق:تخيلو كانت خطيبه صالح السابقه وصارت بينهم مشاكل وفسخو الخطوبه
ابتسمت عزيزه :اوههه اخس نفسك واضح مكتوبين لبعض
تغيرت ملامح اشواق ، ودقت نوف عزيزه بقوه
ابتسمت اشواق وهي تلف على الي يناديها ابتسمت للبنات:باي شوق تناديني
هزو راسهم وسكرت اشواق المكالمه
نزلت عزيزه راسها بيأس:جرحتها؟
مسكت فتون عزيزه مع اذنها:المره الثانيه انتي والسلقه وعد ثمنو الي تقولونه
تكتفت وعد:طالعه منها انتي
ضحكت انهار:تصدقون تخيلت شكل دلال ذي ودي اشوفها
ضحكت نوف وهي تتصنع بصوتها:غنوجه
ضحكو البنات
-~~

""عنــد اشـواق""

جالسه بينهم بعد مانادتها شوق جلست ولفت دلال على اشواق وهي تقول بغنج :اسمك اشواق صح؟
هزت اشواق راسها ، لفو على الخدامه الي توزع كابتشينو ابتسمت اشواق واشرت لها انها ماتبي
ابتسمت دلال بخبث:ليه ماتبين؟
ابتسمت اشواق:مااشربه
ضحكت دلال بغنجه:ههههههه نسيت انك قرويه وجايه من قريه
ضحكت ليالي بغنج مثل دلال ولفت شوق على دلال بقهر
:لو تمسكين لسانك قبل اقص...
قطعت اشواق كلام شوق قبل تكمل كلامها وطالعت فيها اشواق بثقه:تحسبين بتهزيني بكلمه ترا محد يتكلم على الناس ويعيبهم الا الناقص مثلك
امتلى صوت المجلس بضحك البنات طالعت دلال في اشواق بقهر وهي تقول:وقحه!
ضحكت اشواق :مااشوف اني وقحه كثرك
قامت دلال من المجلس بقهر ومعصبه التفتو البنات لاشواق
ديما:زين ماسويتي تكفين شبعي ناري فيها
ضحكت اشواق:معليك خلي تفتح فمها
قامت اشواق وتوجهت للحديقه الخلفيه تاركتهم تبي تقعد وقت لحالها بعيد عن اي شخص ماتعودت على الجماعات الثقيله تعودت في الديره يضحكون ويسولفون كلهم ومافي نفس ثقيله توجهت للمسبح وفسخت الصندل حقها وحطت رجلها فيه ورجعت شعرها وراء وهي تطالع القمر المكتمل بتامل وافكارها متبعثّره ودها بس تخلص ذا العزيمه وتروح لغرفتها تنام
،تعبت اشتاقت لحياتها الي بالديره مع بنات عمها اشتقت للديره تبي تطلق منه باقرب وقت لكن ماتبي الناس تتكلم فيها هي مااهتمت لكلامهم لانهم دخلو في شرفها واهانوها ولا اهتمت بس عمها تأذى من ذا الكلام وماتبي تأذي عمها المريض بالسكر شالت رجلها من المسبح ولبست شوزها وتوجهت لداخل البيت دخلت وجت تبي تطلع فوق مسكتها شيهانه:وين رايحه؟
اشرت لها اشواق بتعب:بروح انام تعبانه
ابتسمت شيهانه :براحتك
من قوه تعبها مو الجسدي الفكري توجهت لاحد الغرف من دون تحس او تطالع في الغرفه ورمت نفسها على سريرها
ونامت من دون ماتحس
~~
توجهت نوره لشيهانه وشوق:وين اشواق؟
ابتسمت شيهانه :تقول انها تعبانه وتبي تنام
شهقت نوره:كيف تنام وهي ماتعشت
توجهت نوره لدرج وتوجهت للجناح دقت الباب اكثر من مره محد رد نزلت تحت وهي تتنهد

^^

بدو يفضون المعازيم دخل البـيت وتوجه للصاله وهو يسلم على جدته جلس جنب امه وعمته ولف على عمته:وينها؟
لفت نوره باستغراب :مين؟
صالح وهو عاقد حواجبه:بنتك؟
نوره:شيهانه؟
تنهد صالح:لا اشواق
لفت نوره:اي نايمه
لف صالح ثم صد وهو يشوف دلال الي تحاول تلفت انتباهه دخل مصعب وراكان وتميم ورائد وهتان
دخل رائد وهو يطالع جدته:هاييي
طالعته سلوى من فوق لتحت:استرجل
ضحكو العيال والبنات بقوه:افا ياجده وشسويت لك
صدت سلوى عن رائد :وشو هاي الناس تسلم السلام عليكم
ضحك رائد بصوت عالي وقرب من سلوى وباس راسها ويدها
ضحك مصعب:هاييي بنات
ضحكو البنات وهم يقولون:استرجل
شهق مصعب وهو يقول:تقولون لعمكم استرجل
ضحكت شوق وقربت وهي تحضن مصعب:شدعوه مانمون
ضحك مصعب بقوه:وانا بمون عليكم واناديك زوجاتي الاربع
ضحكو البنات والعيال وسط نظرات الجده سلوى ضحك مصعب :لا ياامي صفي النيه
ضحكو الكل بقوه قام صالح وهو مستغرب تعبها توجه للدرج وفتح باب الجناح
-

...

اعذروني على اي خطأ إملائي من غير قصد

تفاعلكم🤍