رنابعد معرفة غيث
حياتي أنقلبت بالكامل
كلشي تدمر
ضربني كثير
وشكك بكثير أمور ما موجودة
أي اخ ما راح يتقبل مثل هيج موضوع بأريحية
بس هو عاملني بوحشية زايدة
خلاني أكرهه بكل ما بياحجى لبابا ولمؤمن
سمعت كلام كثير وأنحرمت من كثير شغلات
واللي سببلي رعب حرماني من الدراسة
رغم ما مصدگة انه ما أداوم بعد
بس أمري بأيد غيث
وغيث حقير وخبيث وكلشي يطلع منه
چان يگول لبابا ما تطلع وما تداوم و..و...و..
وبابا چان يهز راسه
هذا اللي چان يخليني بحالة رعب دائمةما أدري وين أخذ موبايلي
بس چنت بالسكتة أخذ موبايل ماما
وأحاول أتواصل مع أحمد
بس ما چان أكو رد !بين أحساسي بالخذلان منه
وبين خوفي يكون بيه شي
تهت حيل
وحسيت تجمعت عليا من كل الجهات
ما چنت اگدر أنام زين ولا حتى أكل
وكلمن يشوفني يعلق على شگد ضعفانةواليوم أشوف نفسي بالمرايا
أنسانة منطفية
مليانة خوف وقلق وخجل
من اللي صار ومن اللي راح يصير
طلعت على صوت ماما
اللي چانت گاعدة تنگي خضرةطلبت مني اگعد
گعدت وانتظرها تحجيسمر : جاج خطابة
وجعني گلبي وضجت
ما وكت خطابةرنا : منو ؟
سمر : عمر
رفعت حاجبي مستفهمة
رنا : يا عمر ؟؟؟
سمر : أبن عمج
الصدمة بينت على وجهي
اني وعمر وخطوبة ما نرهم بجملة وحدة !رنا : تشاقين ماما
سمر : لا والله اليوم من چانت يمامة يمنا حجت بالموضوع
رنا : بابا يدري ؟
سمر : ايي
رنا : تعرفين جوابي
دحگتلي بضوجة
وجرت نفسسمر : هاي إذا أحد سمع جوابج
رنا : ماما ما اتزوج
سمر : ما فرحانة أني تعرفين ما أتصور عمر
بس شسويلج طيحتي حظج بأيدج بعملتج .. أبوج شكله مهتدي وغيث يحش براسهرنا : ماما صدك تحجين !
عمر اصلاً ما يجرعني ولا أني اجرعه شنو متقدملي شهالسالفة هاي ؟سمر : ما ادري منين نزلت عليه الحنية راح لجدج يگوله أريد أستر على بنت عمي قبل ما تطلع عليها سمعة وتدرين بجدج يقدس هالسوالف
گمت متعصبة
وصرت أروح وأجي بالمطبخرنا : وشبيا اني حتى يستر عليا ؟
سمر : شبيج غير طيحتي حظج وحظي وهاي أبوج ليل نهار تربيتج وتربيتج
ما يسمع مني حتى أني ما اگدر اساعدج انتِ وحظج
YOU ARE READING
إعوجاج الفنن
Romance" ما خفي كان اعظم " جملةٌ تستحقُ الوقوف والتفكير . كم من الاشياء ، الاحداث ، الاشخاص كان ظاهرهم بريء وما اخفوه كان مخالف ... تدور احداث الرواية حول فتاة عراقية يتيمة الاب تعيش مع عائلتها المتكونة من ام واخ وثلاثة اخوات لتواجه هذه العائلة البسيطة...