عسل
نزلت رند خلف ماما
وأني بقيت انتظرهم حتى أفهم شكو
على صوتنا طلعت رزان من الغرفة
رزان : اكو شي ؟
عسل : طلعت ريماس تگول غيث مكسور وما ادري شبي ... ماما ورند نزلوا يشوفون شبي
رزان : ما أنقهرت
عسل : ولا اني طبعاً
لاحظت وجها تعبان
وحتى كلامها
تجر بالكلام جر
عسل : رزان بيج شي ، صاير وياج شي ؟
رزان : اني ؟ .. لا
عسل : مو عليا رزان .. وجهج تعبان ومبينة ضايجة
رزان : ماكو شي بس ضايجة عليج
خوما اللي ديصير قليل !
شلون تريدين اكون
سكتت
وهي رجعت للغرفة
شوية وطلعت رند تبتسم
عسل : ها شكو ؟
رند : ربج حكيم طلعها من خشمه
أيده مكسورة ووجهه صاير خريطة
عسل : وشنو السبب ؟
رند : واگع من ماطور صديقه
ما أقتنعت
هو سياقته بالماطور مضبوطة
رند : هسه تعالي احجيلي شصار البارحة لا تنهزمين
ضحكت
وحجيتلها تفاصيل اليوم
رند : حمستيني على الفاضي ماكو اكشن
عسل : ردت بس أدعبلج
رند : دروحي مو صوجج صوج اللي يهتم بسوالفج
صفنت
احياناً على گد ما تكون حياتنا راگدة
نتمنى يكون بيها ولو شوية أكشن
بعد الاكشن اللي عشته وداعيشه
اگول وبكل ثقة
اليوم العادي اللي يمر بشكل روتيني وملل
هو نعمة تستحق صلاة شُكر
وراها بساعة دگ موبايلي
چان إتصال من نوح
رديت على إتصاله
نوح : شلونج ؟ .. شلون صرتي على المسكن ؟
عسل : اليوم احسن مفعوله قوي
نوح : إذا تأذيتي مرة ثانية أخذي حبتين مو وحدة
عسل : تمام
سكت لحظات
رجع گال
نوح : ايي شكو ماكو يمكم ؟
گالها بنبرة غريبة وكأنما يعرف شي
عسل : سمعان شي ؟
نوح : لا احجي بشكل عام ، ما جاكم اليوم شخص مكسور أو مشوه ... تدرين هالأحداث تصير بكل بيت
رفعت حاجبي
عسل : نوح أنت الك علاقة بحالة غيث ؟
نوح : جرة أذن بسيطة حتى يتأدب
YOU ARE READING
إعوجاج الفنن
Romance" ما خفي كان اعظم " جملةٌ تستحقُ الوقوف والتفكير . كم من الاشياء ، الاحداث ، الاشخاص كان ظاهرهم بريء وما اخفوه كان مخالف ... تدور احداث الرواية حول فتاة عراقية يتيمة الاب تعيش مع عائلتها المتكونة من ام واخ وثلاثة اخوات لتواجه هذه العائلة البسيطة...
