عسلنوح : تگدرين تطلعين ؟
عسل : وين ؟
نوح : على أساس طالعين شهر عسل
وين اكو شهر عسل بدون صورة وحدة على الاقل
وشنو راح تجاوبين رند من تسألج وين طلعتوا شوفيني
بما انه احنا بأربيل فـ ليش لأعسل : وياك حق ، خلص شوكت ما تحب نطلع أني جاهزة
نوح : هسه ، خلي نتريك برا
مشيت حتى أغير ملابسي
نوح : مو تنسين تاخذين الادوية
صحت
عسل : تمام
غيرت ملابسي وخليت مكياج
عود اني عروسة
خليت الادوية والموبايل بالجنطةوطلعت وياه
أخذني لمطعم
چان حيل حلو
عالي وأطلالته تجننطلبنا ريوك
صرت أصور المكانونوح أخذ سلفي النا
جابوا الاكلوبلشنا ناكل واحنا ساكتين
اليوم حسيت نفسي مرتاحةبعده الحزن بيا
اني مو سعيدة ولا ممكن اكون سعيدة
بس على أقل تقدير القلق والوجع اختفوا
چنت خجلانة من نوح
اللي أحسه مغرگني بفضله
ما أخذ شي
بس انطاني كثييرعسل : نوح شكراً على كلشي ، هاي ثاني مرة اشكرك بس جد أحس أقل شي لازم أسوي هو الشكر
أنت سويت كثير شغلات وتعبت بدون مقابل
صدگني ضايجة لأن ما اگدر اردلك تعبكأبتسم وحجى بطريقة غريبة
نوح : لا تضوجين من هالناحية راح ترديها ألي
عسل : شلون ؟
نوح : لا تتصورين اكو شي بدون مقابل
عسل : وشنو المقابل ؟
نوح : لا تشغلين نفسج بهالامور ، حالياً المطلوب منج تتعافين وترجعين لدراستج .. لازم تنجحين حاولي ما تطلعين دور ثاني لأن لو وگعتي ولو بمادة ما اضمنلج تگدرين تمتحنين
عسل : ليش ؟؟؟
شنو اللي راح يصير ؟نوح : گتلج لا تفكرين بيها هسه خليها لوكتها
عسل : قلقتني لازم اعرف ليش ما اگدر اكمل اذا طلعت دور ثاني !
ما جاوب
وبقى يغير المواضيع
اخر شي مليت وسديت السالفة
بس رجع القلق بداخليمقابل !
خلصنا أكل
وطلعنا
چان محتار وين نروحنوح : ببالج مكان معين ؟
عسل : لا
نوح : زايرة فاملي مول من قبل ؟
عسل : سمعانة بي بس ما شايفته
نوح : تمام خلي نروح نشتري شوية شغلات للأهل
وصلنا المول
حلو ومتوفر كلشي بي
الواحد يحير شنو ياخذ
YOU ARE READING
إعوجاج الفنن
Romance" ما خفي كان اعظم " جملةٌ تستحقُ الوقوف والتفكير . كم من الاشياء ، الاحداث ، الاشخاص كان ظاهرهم بريء وما اخفوه كان مخالف ... تدور احداث الرواية حول فتاة عراقية يتيمة الاب تعيش مع عائلتها المتكونة من ام واخ وثلاثة اخوات لتواجه هذه العائلة البسيطة...