الموصل / حي السكر
الساعة ٦ مساءاً
رزان
الدنيـا مغـرب وبـاردة
واكـو مطـر بالخـارج
گاعدة بصـف الصـوبة الكهـربائية
وگدامي كـتاب النحـو
سمعـت صـوت خطـوات على الدرج
نفـخت بـضوجة .. اكيد هـاي رنـا
مستحيل بمرة تـجي طبيعي وتروح
لازم بـكل مـرة تكون جـايبة معاها مغـثة
اول ما صـعدت شافتني وحـدي بالصـالة
رنـا : ماما تگول طفـو الصـوبة الكهربائية
رزان : تـرا مامشغلـين شـي غيـرها !
رنـا : مو تسـحب كثيـر
بهالاثنـاء طلعـت ماما من الـمطبخ
كانت تحضـر العشـى
يمامة : هـا رنـا محتاجة شـي خالـة ؟
رنـا : خـالـة بـس ماما تگول طفـو الصوبـة الكهربائية لأن تسـحب كثير والمولـدة تفصل
لاحظـت الضوجـة على وجـه امـي بس ما حجـت شـي
يمامة : رزان ماما طفي هـاي وشغلـي النفطـية
نزلـت رنـا واني گمت طفيتها وشغلت النفطية
لشـوكـت نبقـى نتحمـل ما ادري
العيشـة ويـاهم ما تنـجرع ، الله يرحـمك بابا
بعـدك تبهذلـنـا كثيـر ...
شويـة وطلعـت رنـد من الحمـام وهي تنشـف شعرهـا
دحگت بأستغـراب
رنـد : هاي ليش مشغليـن النفطـية ؟
تدخـن واني عنـدي ربـو هسـه يهيـج
رزان : أجت رنـا تگول طفو الكهربائية لا تفصل المولدة
رنـد : واحـنا نمشـي بمـزاج رنوش وامـها ؟
دخلي تطيـــر
جـت تطفيها گتلها
رزان : رنـد لخاطر امـي ما نريد مشـاكل
رنـد : وحـق الله روحـي صايـرة بخشمي خلـي تولـي ، اني اختنگ عـادي مـثلاً ؟؟؟
اذا يخافون على مشـاعر المـولدة خلي هـم اللي يخففون ، احـنا مامشغليـن غيرها اما هـم بكل غرفـة وحدة
سكـتت مـا اگدر الومـها كلامـها صـح
لمـيت كتبي ودخلـت للغرفة
والخنگـة ماليـة صدري ... ما بقـى عنـدي طـاقة اتحمل بيهـا ولا اكـو امـل بأنه الوضـع يصيـر احسـن ...
رنـد
وگفـت على المرايـا امشـط شعـري
وطلـعت رنـا صفـنت بيا وبيـدها علاگـة
دحگتلـها بمعنى شتريدين
رنـا : هـاي فواكـه جابـها بابا وعزلـنا الكـم
ابتسـمت
الله على الحنـية
رحـت فتـحت العلاگـة
وانـي متوقعـة المنظـر
كالعـادة مخلين الشغلات الذبلانـة واللي ما تنكـال
هـم يجيبـون بالصناديـگ
فأي شـي تعبـان يحولـوه الـنا
رنـد : تفضلي عيني هاي ما تنكـال
ذبيها بـدربج بالحاويـة ما بيا حيـل انـزل أذبـها
رنـا : شقصـــــدج ؟؟؟
YOU ARE READING
إعوجاج الفنن
Romantikk" ما خفي كان اعظم " جملةٌ تستحقُ الوقوف والتفكير . كم من الاشياء ، الاحداث ، الاشخاص كان ظاهرهم بريء وما اخفوه كان مخالف ... تدور احداث الرواية حول فتاة عراقية يتيمة الاب تعيش مع عائلتها المتكونة من ام واخ وثلاثة اخوات لتواجه هذه العائلة البسيطة...
