عسلچنت منزلة راسي
ودموعي تنزل بغزارة
خجلانة حيل
عمري ما تخيلت انحط بمثل هالموقف
أضطر أشرح لشخص لقائاتي بي معدودة
شلون حملت بدون زواج
تمنيت الارض تبلعني وأختفيدحگت على نوح اللي چان منتظر جواب
عسل : منين عرفت ؟
صاح
نوح : دأسالج جاوبي منييين حامل
شهگت
عسل : غيث
فتح عيونه بصدمة
نوح : أبن عموو حسن ؟
هزيت راسي
نوح : مستحيل
بقيت منزلة راسي
نوح : عسل بدون جذب
عسل : والله من غيث
ضرب الستيررن بقوة
نوح : الخسيس
رجع كمل
انـتِ ما فكرتـي بأهلج .. جدج ، جدتج
لج ذولا نـاس مريضـة وكبيرة لو سمعـوا شنو ممـكن يصيـر ... مع الأسـف واصـلة لهالمرحلـة من السقوط
حـرت شسـوي ويـاج انـيزدت بالبجي
عسل : اللي صار مو بكيفييي
نوح : أغتصبج مثلاً ؟
بقيت ادحگ
وما نطقت كلمةضحك بأستهزاء
نوح : هسه تگولي اعتداء
عسل : اييي اعتداء
نوح : أياج عسل مو اني اللي تمشي عليه هالسوالف
عسل : تتوقعني إنسانة رخيصة لهالدرجة !
دار وجهه
نوح : البشر ما ينحزر
أغتاضيت
وأحس صرت نارعسل : اللي صار اعتداء ونصب نوح
نوح : وشلون أعتدى عليج ؟
بيتكم ما يفرغ لا تقنعيني بيوم بقيتوا وحدكمعسل : من الكلية
نوح : شلون ؟!
صرت احجيله التفاصيل
وأني أبجي
وچان مبين مو مصدگ
وأصعب شي من تكون مظلوم
وتشوف الظالم لاعب بكيفه
وانت ابسط دليل لبرائتك ما عندك
وما تملك إلا كلمات
تحجيها بگلب مشلوع
والمقابل يردلك بملامح تكذبك
وتخليك تندم على اللي حجيتهچنت اعرف محد يصدگ
لكن ما اگدر اسكت
ما اگدر ابقى مُدانة بعيون شخص
بدون ما أبرر موقفيكملت قصتي البائسة
لزم راسه ورجع لورا
غمض عيونه
وطال الصمتعسل : ما مقتنع مو ؟
فتح عيونه ونظرلي
نوح : أريد أصدك بس صعب
YOU ARE READING
إعوجاج الفنن
רומנטיקה" ما خفي كان اعظم " جملةٌ تستحقُ الوقوف والتفكير . كم من الاشياء ، الاحداث ، الاشخاص كان ظاهرهم بريء وما اخفوه كان مخالف ... تدور احداث الرواية حول فتاة عراقية يتيمة الاب تعيش مع عائلتها المتكونة من ام واخ وثلاثة اخوات لتواجه هذه العائلة البسيطة...