إعوجاج الفنن

بارت ٣

رنـد

حاوطـنا ماما ثلاثتنا
اني ورزان وعسل

وسألنا كثير اسئلة

شكو ؟
شصـار ؟
شبـي عمـر ؟
ليـش تبجـين ؟

وصبـرنا خلصـان نريـدها بـس تحجـي

ماما ضربـت علـى رجلها وگالـت بحـسرة

يمامة : يريد يتـرك الجامـعة

رزان : لا والله !!!

يمامة : تخبـل ابنـي تخبل

عسل : شنـو السبب ليـش يريد يتـرك ؟

يمامة : يگول اشتغل مـع خالي بالمعارض

رنـد : ماما علـى كيفـج بنفسـج سالفة وحجاهـا عـود نحجي مـع عمـو حسـن يقنعه مستحيـل يترك

يمامة : لا رنـد ابني واعرفـه لو شفتي عيـونه تقـدح نـار ما يقتنع انـي ادري ما چان هيـج شنو اللي گلبه
ابوكم دفع دم گلبه حتى يوصلكم
چان دائماً يگول عمـر ما يصير مثلـي عمـر يكمل
هسه مـن وصـل يريد يخرب كلشـي ويتـرك

سكتت ما حجـيت شي وطلـعت برا مختنگـة
عمـر طول حياتـه چان الولد المـؤدب
اللي دائماً رافـع راس اهلـه والعالم تحجـي بأخلاقه
دائماً الاول على صفـه ولا بمـرة زعـل وحـدة مـنا
حتـى ما مُتعـب بالبيـت ولا مـتطلب
الذكـر الوحيـد اللي شفته بحياتـي يغـسل المواعيـن بعد اكلـه هـو عمـر
بعدهـا ببالي اللحظة اللي استـلم بيهـا نتيجة السـادس
معـدلـه ٩٧.٥٠
اتذكـر شلون بابا ترك شغـل الورشـة وجـا يركـض ويحضـن بي
وصوتـه يرن بأذني وهـو يصيح

: عفيـة البطل عفية دكتـورنا

حـتى عمـر مـن هـو وصغيـر يصيح اريـد اصير دكتور اسنان ... كتل نفسـه حتـى وصـل

بـس هالفترة صايـر انسـان مختلـف
وكلنـا نافريـن منه
نحاول نحجـي وياه بس ماكـو فائدة
ما يقبـل ينطـق بأي شي مأذي
وهاي الصفـة مو جديـدة ، طـول عمـره كتـوم

چنت مقهورة على وضعية ماما والقهـر ماكلـها
وضغطها كل شويـة يعلگ
قررنـا بس يرجع نحجـي وياه
ورزان اقرب وحـدة اله فهـي اكثـر شي راح تحاول

اول ما رجـع وگعد تجمعنـا حولـه

رزان : عمـر ليش تريد تترك شنـو السبب ؟

عمـر : ما بقي الـي واهـس للدراسة واريـد اشتغل

رزان : صدك تحجي ترا انـت وصلـت حرامات تتركهـا هسه لك المرحلة الثانيـة هاي خلصت نصهـا
ماظل شـي وتصير ثالثـة تترك هسـه ؟

عمـر : ما اتحمـل دقيقة

رنـد : على الاقل فكـر بماما ماكلهـا القهـر وضغطها معلگ تتوقـع تتقبل هالشـي

عمـر : اييي انـي لازم افكـر طبعاً
بـس ما ضروري احـد يفكـر بيا ، نأجـل رغباتي لأنها شي مـو مهم مووو صح ست رنـد