رند
أول ما نزلت رجلي
حسيت بألم قوي اخذ روحي
رجعت گعدت مباشرةً ولزمتهانزل زاد بسرعة
زاد : شكو شبيج ؟
رند : ما ادري يمكن التوت
نزل وصار يقلبها ويفحصها
ويطلب مني اوصف الوجعرند : خلص ما صار شي هسه احسن
وگفت بس بعدها تأذيني
زاد : متأكدة تگدرين تمشين ؟
رند : ايي
زاد : تمام عود بقيها بماي دافي مائل للحرارة عشر دقايق ولفي مكان الوجع لفة قوية بس مو تضغطين عليها كثير
هزيت راسي ومشيت
وهو حرك السيارة ومشىدخلت وگعدت على الدرج
طلعت روحي
على الاغلب التواء
لأن السيارة شوية عالية
ومن نزلت انعكست رجليصعدت اسحل بيها
دگيت الباب وفتحته مامامن شافتني قلقت
يمامة : خير شبيها رجلج
رند : من نزلت من السيارة انعكست رجلي
يمكن التوتيمامة : يووه شجاج غير تنتبهين
رند : ما ادري السيارة عالية وما سيطرت
يمامة : يلا هسه افركها بزيت زيتون
طبعاً عدها زيت الزيتون مقدس
وحل لجميع المشاكل الصحية
سويت مثل ما گال زادخليتها بماي حار
ومن طلعت ماما خلت زيت زيتون وفركتها
حسيت ارتاحيت شوية
ولفيتهاگمت طلعت كتبي وادرس لأن طوختها
وامتحاناتي بعد امتحانات البنات مباشرةًمرت الايام بشكل عادي
ورجعنا للوضع الطبيعي
عمر يطلع للشغل من الـ ٦ الصبح ويرجع بالـ ١٠ بالليل
حتى اكل ياكل برا
يرجع بس يسبح وينامماما ملتهية بريماس اللي ما تقبل تگعد بالبيت
وحابستها ما تخليها تطلعرزان وعسل بلشت امتحاناتهم وملتهين بالدراسة
واكيد الشغل كله براس رند لأن ما عدها امتحاناتحياة هادئة لولا ازعاجات سمر
وتعليقها على كلشي
وبساميرها المستمرةبس عموماً تعودنا
او نحاول نمشيها ...عمو ناصر استقر مع عائلته ببيتهم
وطول هالفترة ما شفتهم
مرات قليلة شفت بيها عمو ناصر وعمة ياسميننوح مختفي لأن لگى شغل بشركة
ويشتغل لساعات كثيرةاما زاد حسب ما سمعت فتح صيدلية
وملتهي بتجهيزهازيد ابن خالي سعد خطب هالفترة
وقرروا يسوون العرس بعطلة نصف السنة
وفرحنا لأن من فترة طويلة ما صار عدنا عرس
ويوميا نخطط شنسوي وشنلبس وملهين نفسنا بهالسوالف
YOU ARE READING
إعوجاج الفنن
Romance" ما خفي كان اعظم " جملةٌ تستحقُ الوقوف والتفكير . كم من الاشياء ، الاحداث ، الاشخاص كان ظاهرهم بريء وما اخفوه كان مخالف ... تدور احداث الرواية حول فتاة عراقية يتيمة الاب تعيش مع عائلتها المتكونة من ام واخ وثلاثة اخوات لتواجه هذه العائلة البسيطة...