နတ်ဘုရားမအဖြစ် ပြန်လည်ပေါ်ထွက်လာခြင်း[ဘာသာပြန်] ✔️✔️✔️

Chapter [74.1]

[Unicode]

Translated by Melinoe_Megami

အခန်း - (၇၄/၁)

S မြို့တော်သို့ လေကြောင်းခရီးဖြင့် အချိန်ခဏသာ ကြာ၏။ S မြို့တော်၏ လေဆိပ်သို့ ရောက်သည်နှင့် ‘Tomato Station’ မှ ဝန်ထမ်းတစ်ယောက် လာကြိုပေးသည်။

‘Joyous Gathering’ သည် ‘Tomato Station’ ၏ နာမည်အကြီးဆုံး Variety Show ဖြစ်သည်။ ထို Show သည် ထိပ်တန်းသရုပ်ဆောင်များ၊ အနားယူသွားသော ပုဂ္ဂိုလ်ကြီးများ၊ နာမည်ကျော် Variety Show များပင် မဖိတ်ကြားနိုင်သော အနုပညာရှင်များကို အမြဲတစေ ဖိတ်ကြားနိုင်သဖြင့် ပရိသတ်များ အံ့ဩခဲ့ရသည်ချည်း။ ‘Tomato Station’ သည် ထိုသို့သော လူသိများထင်ရှားသည့် ဧည့်သည်တော်များကို ဖိတ်ခေါ်နိုင်စွမ်း ရှိပေသည်။

(TN : ‘Joyous Gathering’ က ‘ပျော်ရွှယ်ဖွယ်ရာ တွေ့ဆုံပွဲ’လို့ အဓိပ္ပါယ်ရပါတယ်။ ‘Tomato Station’ ကတော့ ‘ခရမ်းချဉ်သီး ရုပ်သံဌာန’ ပေါ့။ Variety Show က ရသစုံလင်ရှိုးလို့ပဲ ပြောရမလား။ အတော်များများက TV အစီအစဉ်တွေနဲ့ ရင်းနှီးပြီးသားဆိုတော့ မြန်မာလိုပြန်ရင် စိမ်းသက်နေလို့ ‘Eng’ လိုပဲ ရေးပေးထားပါတယ်နော်။)

‘The Unrivalled 2’ ၏ အဓိကဇာတ်လိုက်နှစ်ဦးသည် ကမ္ဘာကျော်သရုပ်ဆောင်များ ဖြစ်သည့်အားလျော်စွာ ပရိသတ်အင်အား ကြီးမား၏။ ထို့ကြောင့် ရုပ်သံဌာန၏ ဝန်ထမ်းသည် အတော်လေး အလေးထားကာ ကြိုဆိုပေးခဲ့သည်။

“ဒါရိုက်တာ.. ‘The Unrivalled 2’ ကို သွားကြိုတဲ့ ကျုပ်တို့ဝန်ထမ်း ပြောတာတော့ ချန်းရှီကွေ့ပါ ပါလာတယ်တဲ့..”

Show ၏ ပရိုဂျူဆာက သတင်းရရချင်း ဒါရိုက်တာထံ ချက်ချင်း ဖုန်းဆက်တော့သည်။ တိုက်ဆိုင်စွာဖြင့် ‘Joyous Gathering’၏ အဓိကစပွန်ဆာသည် ချန်းလုပ်ငန်းစုအောက်မှ လုပ်ငန်းခွဲတစ်ခု ဖြစ်နေသည်။ သို့ဖြစ်ရာ သရုပ်ဆောင်များနှင့်အတူ ချန်းရှီကွေ့ လိုက်ပါလာကြောင်း သတင်းကြားလိုက်သည်နှင့် ဒါရိုက်တာလည်း ရှော့ရသွားခဲ့သည်။ “ဘာလို့ လိုက်လာတာလဲ..?”

ထိုသို့ပြောပြီးမှ မလုံမလဲ ပြုံးလိုက်ရင်း သူ့မေးခွန်းသူ ပြန်ဖြေလိုက်သည်။ “ကြည့်ရတာ နဉ်ရှီကို တကယ်ချစ်တဲ့ပုံပဲ..”