နတ်ဘုရားမအဖြစ် ပြန်လည်ပေါ်ထွက်လာခြင်း[ဘာသာပြန်] ✔️✔️✔️

Chapter [1]

Unicode

ဇွန်လဖြစ်၍ မြို့တော်၏အပူချိန်က အလွန်အမင်း ပူပြင်းနေတော့သည်။

နဉ်ရှီက လေယာဉ်ကွင်းထဲမှ ထွက်လာလိုက်ပြီး လူအုပ်ကြားထဲမှ အဖြူရောင်ရှပ်အင်္ကျီနှင့် အနက်ရောင်နေကာမျက်မှန်ကို ဝတ်ဆင်ထားသည့် လူငယ်လေးတစ်ဦးကို ရှာဖွေလိုက်သည်။ ထိုလူငယ်လေး၏လက်ထဲ၌ သူမ၏နာမည်ကို ရေးသားထားသည့် ဘုတ်ပြားတစ်ခုကို ကိုင်ဆောင်ထား၏။ ထို့ကြောင့် နဉ်ရှီလည်း ထိုအမျိုးသားဆီသို့ လျှောက်သွားလိုက်သည်။

ဝမ်ဟယ်တစ်ယောက် ဒေါပွနေခဲ့သည်။ ယခုကဲ့သို့ ပူပြင်းသည့်နေ့မျိုး၌ ကုမ္ပဏီအတွက် လူသစ်တစ်ယောက်ကို သွားကြိုပေးသည့်လူတိုင်း ပျော်ရွှင်နိုင်မည်မဟုတ်။ အဆက်အသွယ်မရှိပဲ ကိုယ့်ခြေထောက်ပေါ် ရပ်တည်နေရသည့် လူတစ်ယောက်အတွက် အခြေတကျဖြစ်နိုင်ရန် ကြိုးစားရချေဦးမည်။ ထို့ကြောင့် သူ့ရဲ့နှလုံးသားထဲ၌ စိတ်မပျော်မရွှင် ဖြစ်နေပါသော်ငြား မျက်နှာပေါ်၌ ထုတ်မပြခဲ့ချေ။

နှစ်နာရီခန့် ကြာမြင့်ခဲ့ပြီးနောက် သူ့စောင့်နေသည့်လေယာဉ်က ဆိုက်ရောက်တော့မည်ဖြစ်ကြောင်း ကြေညာသည့်အသံကို ကြားလိုက်ရသည်နှင့် ဝမ်ဟယ့်လည်း စိတ်သက်သာရာရသွားခဲ့သည်။

သူကြိုရမည့်လူ ထွက်မလာသေးတာကြောင့် အတွေးလွန်နေသည့်အချိန် သူ့ဆီကို လှမ်းလာနေသည့် အမျိုးသမီးလေးတစ်ဦးကို တွေ့လိုက်သည်။ ထိုအမျိုးသမီးလေးက ဖြူဖွေးသည့် အသားအရေနှင့် ရွှန်းစိုတောက်ပနေသည့် နှုတ်ခမ်းဖူးဖူး၊ အနက်ရောင်ဆံနွယ်လှိုင်းများဖြင့် ရင်သပ်ရှုမောဖွယ်ကောင်းလောက်အောင် လှပလွန်းပါ၏။

ထိုအမျိုးသမီး သူ့အနားသို့ နီးကပ်လာသည်နှင့်တပြိုင်နက် မွှေးပျံသည့်ကိုယ်သင်းနံ့ကို ခပ်ရေးရေး ရလိုက်တာကြောင့် သူ့ရဲ့ပါးပြင်နှစ်ဖက်လုံး မထိန်းချုပ်ထားနိုင်လောက်အောင် နီရဲသွားရသည်။

"Hello.. ကျွန်မက နင်ရှီပါ.."

နင်ရှီက လူငယ်လေးဆီကို ချဉ်းကပ်သွားလိုက်ပြီး ပြုံးပြလိုက်သည်။

ဝမ်ဟယ်က သူ့လက်ထဲမှ ဆိုင်းဘုတ်ကို အောက်ချလိုက်ကာ နင်ရှီကို လေးလေးစားစား နှုတ်ဆက်လိုက်သည်။