قلب يتآلم وعقل يفڪر ڪطفل مات والده،
ولا يعرف ماذا يفعل في الحياه وڪيف سيطعم أخوته.
روايه عشقت الأدهم
للكاتب» حسن خالد
البارت ال 29
سلمي: بس لي برده افتكرتيه دلوقتي؟
ملك: مش عارفه وفضلت ادعيله وانا بصلي.
سلمي: ملك! هسألك سؤال
ملك: عارفاه بس اسئلي
سلمي: انتي حبيتي ادهم؟
ملك بتوتر: ها لا معرفش
سلمي: يبت دا انا الي مربياكي
ملك: تربيه وسخه
سلمي: متتهربيش من السؤال بقا وجاوبي.
ملك: بصي هو فعلا كان واخد تفكيري اوي بعد المسابقه مش عارفه بقا دا تسميه اي بس هو احساس حلو
سلمي: طب لي متكلمتيش معاه في المسابقه؟
ملك: هو انا لحقت يا سلمي، دا هو كان بيجي يقولي كلمتين حلوين وانا اغمض مسافه مفتح الاقيه اختفي زي العفريت.
سلمي: ولي تغمضي عينك ها لي؟
ملك: منا بتكسف الله
سلمي: وش كسوف يبت اوي، بس برده اشمعنا ادهم دا الي شدك؟
ملك: مش عارفه والله يسلمي، يمكن هو تركيبته غريبه كدا، باين انه محترم تتكلمي معاه تحسي انه مستفز، مؤدب وفي نفس الوقت رومانسي، شاطر وواخد وضعه وواثق من نفسه.
سلمي: لا وامور اوي، دا شبه ممثلين هوليود.
ملك حدفتها بالمخده: متتلمي بقا.. يلا نتخمد ورانا جامعه.
سلمي بمداعبه: تصبحي من نصيب ادهم يعسل.
ملك: تفتكري هنتقابل تاني؟
سلمي: القدر ممكن يجيبه لحد عندك، متفكريش كثير ويلا نامي.
عند ادهم الجوهري ف المستشفى.
صافيه فاقت وفضلت تكسر ف الاوضه.
الممرضه:اهدي بس يمدام والله ابنك كويس
صافيه مش سامعه حد وافتكرت موت صادق وافتكرت ادهم اما انضرب بالرصاص قدامها،فقامت وفضلت تكسر في الاوضه بعياط.
الممرضه جريت تنادي علي الدكتور.
توحيد: اي الخبط الي في اوضه صافيه دا؟
ربيع: انا رايح اشوف في اي.
توحيد: ابقي طمني يربيع.
ربيع: معلوم هطمنك يا ام كمال.
حسام سامعهم وخايف يتحرك من قدام اوضه ادهم وفي نفس الوقت مش عارف يسيب عمته لوحدها.
حسام لفرد الامن المسؤل عن تأمين ادهم: محدش يدخل الاوضه لحد ما اجي، حتي الست الي وراك دي.
حسام جري يشوف عمته.
صافيه شافت حسام علي الباب جريت عليها وخدته في حضنها وشمت فيه ريحه ادهم.
حسام: اطمني يعمتي، والله ادهم بخير
صافيه: هو فين دلوقتي؟
حسام: ادهم حاليًا من تأثير العمليه مغمي عليه، هو محتاج دعواتك دلوقتي.
صافيه بدموع: وصادق مات خلاص، مش هشوفه تاني يحسام.
حسام بدموع: ميغلاش علي ربه يعمتي، افتكريه بالخير واترحمي عليه.
صافيه: انا عاوزه اشوف جوزي.
الدكتور: هو حاليا في المشرحه بيخرجو منه الرصاص ومش هينفع تدخلي عليه.
صافيه: يعني اي قولتلكم عاوزه اشوف جوزي واوضعه قبل ما يندفن.
الدكتور: للأسف مش هينفع يفندم.
صافيه زقت الدكتور وخرجت عشان تشوف صادق وتودعه.
الكل راح ورا صافيه وانشغل بيها.
توحيد قربت من اوضه ادهم.
توحيد: دخلني يبني اشوف ولدي.
الأمن: مش هينفع يفندم دي تعليمات.
توحيد بخداع: تعليمات اي دي الي تمنعني عن ولدي، الله يباركلك هتكسب فيا صواب، نفسي اشوف ولدي واطمن عليه بس حتي من بعيد.
فرد الامن صدقها..
توحيد: اصلك متعرفش الضنا غالي قد اي، ربنا ميوريك حاجه وحشه في حبايبك دخلني وانا مش هعرف حد، بس هاخده في حضني.
الامن: ماشي ادخلي معاكي ثلاث دقايق.
توحيد دخلت عند ادهم، لقته نايم شبه الملايكه ومتحاوط بالأجهزه.
توحيد: حتي وانتا نايم ليك هيبه، طالع لأبوك وشارب منه الهيبه والطبع الصعيدي.
ربيع رجع من عند صافية ووقف يأمن المكان بره قبل ما حد يجي.
توحيد قربت من ادهم بغل وطلعت من شنطتها حقنه سامه مفعولها بيشتغل بعد ثلاث ايام.
توحيد وهيا ماسكه الحقنه: زي ما انتي جرحت ابني، انا بقا همحيك من علي وش الدنيا يا ادهم.
توحيد: هتوحشني يا ادهم والله.
ادهم بدأ يفوق واحده واحده، وبيفتح عنيه ببطيء واول ما فتحها شاف ست قدامه عمل ما الصوره وضحت لقاها توحيد ومعاها حقنه.
توحيد وهيا بتجهز الحقنه بصت لقت ادهم فاق اتخضت ورجعت لورا من الخوف.
توحيد: اي انتا زي القطط مش كان مغمي عليك.
ادهم مبيردش عليها من تاثير البنج مش عارف ولا يتحرك ولا يتكلم.
توحيد: تلاقيك مش عارف تتكلم من الآلم، بص بقا انا هريحك خالص يقلب مرات عمك، هديك حقنه تخليك تفارق الدنيا بعد 3 ايام.
ادهم بيحاول يتحرك او يقوم مش قادر.
توحيد: اهو بالمره تندفن مع ابوك في تربه واحده وتتهنو ببعض.
ادهم بيستجمع قوته وبيحاول يقوم او يصدر صوت مش قادر.
توحيد قربت من ادهم بعد ما جهزت الحقنه.
ادهم غمض عنيه ونطق الشهاده في سره واستعد للموت ببطيء
توحيد قربت من المحلول ولسه هتحقن المحلول بالحقنه، كانت صافيه صويتها مالي المستشفي.
صافيه بزعيق: بقولكم هشوف جوزي يعني هشوفه، اوعو كده محدش يمسكني.
صافيه بتتحرك وبتخبط اي حد يقابلها ومره واحده وقفت قدام الاوضه الي عندها ربيع.
صافيه: هو ادهم في الاوضه دي يربيع؟
ربيع لسه هيرد كانت صافيه حطت اديها علي الباب وفتحته ودخلت.
حسام لاحظ اني توحيد مش موجوده خالص فخمن انها عند ادهم جوه فدخل بسرعه يشوف في اي.
توحيد كانت لسه هتحقن المحلول بالحقنه السامه واول ما سمعت حوار صافيه مع ربيع جابت طبق الفاكهه الي محطوط و عملت نفسها بتدي الاكل لأدهم.
صافيه دخلت ووراها حسام والاثنين استغربو من الوضع الي هما فيه.
حسام فهم اني توحيد كانت داخله تعمل حاجه ف ادهم واما ملحقتش عملت نفسها بتوكله.
صافيه شافت ادهم وهو علي السرير.
ادهم شاف امه وهيا معيطه وملامح وجهّا باهته.
ادهم بيحاول يمتص حزنها ف ابتسم ليها.
صافيه شافت في ادهم الابتسامه زي ما يكون صادق هو الي بيبتسملها.
صافيه جريت علي ادهم واترمت في حضنه.
ادهم مبيتحركش ولا بيصدر صوت هو بس عنيه الي شغاله وبيحركها.
صافيه: ادهم انتا مبتردش عليا لي؟
الدكتور: لا دا من تاثير البنج بس، كلها ساعه ولا اثنين وهيرجع يتكلم.
حسام بص علي ادهم وغمزله بعنيه فيما معناه بيسأله توحيد عملت حاجه؟
ادهم بص لحسام وعمال يشاور بعنيه علي شنطه توحيد بس حسام مش فاهم حاجه.
الدكتور خرج كل الي في اوضه ادهم.
الكل خرج... صافيه اطمنت علي ادهم من الدكتور وبرده مصممه تنزل لصادق تودعه.
صافيه استغلت اني حسام بيتابع التحقيق مع الشرطه ونزلت تشوف صادق وتودعه.
صافيه وهيا بتتحرك دخلت اوضه الممرضين وخدت لبس منها لبسته عشان تعرف تدخل لصادق.
صافيه لبست لبس الممرضه ودخلت فعلا المشرحه.
الرعب في قلب صافيه اول مره تخش مكان زي دا بس كله يهون عشان تودع حبيبها.
صافيه شافت جثث كثيره وفضلت تدور علي صادق مش لقياه.
صافيه اتكلمت مع حد من الممرضين: بقولك لو سمحتي دي اول مره ادخل المشرحه من بعد ما اتعينت في المستشفي وكان متكلفلي اتابع الحالات الي وصلت انهارده.
الممرضه: بس مش غريبه واضح اني سنك كبير ازاي اول مره تدخلي المشرحه وبعدين انا اول مره اشوفك هنا.
صافيه: لا منا مكنتش شغاله هنا كنت شغاله في مستشفي تانيه ونقلت لهنا، عمتن لو مش هتساعديني خلاص.
الممرضه: لا طبعًا هساعدك، نورتي المستشفي، عمتن الجثث الي وصلت انهارده موجوده في غرفه 11اخر الطرقه شمال.
صافيه: شكرًا جدًا عن اذنك.
صافيه بتتحرك في الطرقه ورجليها مش شيلاها من كثر ما هيا رافضه فكره انها تودع حبيبها.
صافيه بتتحرك بعياط لحد ما وصلت اخر الطرقه وشافت رقم 11 علي احدي الغرف.
صافيه وقفت وبعدين استجمعت قوتها ودخلت.
صافيه شافت شافت اربع جثث.
كل ما ترفع الملايه عن حد فيهم متلاقيش صادق، لحد ما وصلت للجثه الرابعه، وعرفت اني دي جثه صادق من قبل ما ترفع الملايه لانها شافت دبلتهم في صباعه.
صافيه رفعت الملايه بدموع وشافت وش صادق.
صادق كان جثه خامده لا روح لا نبض لا نفس، مجرد جسد ميت وفي انتظار كفنه.
صافيه فضلت تعيط اكثر ومقدرتش تمسك نفسها من العياط.
ونزلت علي الارض وركعت علي رجليها بالشكل الي خلا وشها قريب من وش صادق .
صافيه حطت ايد علي شعره والايد الثانيه مسكت بيها ايده.
صافيه بدموع: روحت وسبتني لمين يحبيبي، هكمل ازاي من غيرك، مش متخيله حياتي وانتا مش موجود، ازاي هنام وانتا مش في حضني، ازاي مش هكون قاعده ومتجيش تاخدني في حضنك زي ما كنت بتعمل.
لو اقدر اموت نفسي واجي اونسك في تربتك هعمل كده، بس اسيب ابننا لمين؟
ادهم العيون عليه وكله باصصله وعاوز ينتقم منك في ابننا، متخافش انا هبقا معاه وهدعمه وبكره يتخرج ويبقي احلي مهندس زي ما كنت بتتمني.
صافيه بتكمل كلامها بعياط: ثم انك عارف اني بخاف من الضلمه ومبعرفش انام غير وانا في حضنك، هعمل اي دلوقتي من غيرك؟
هزورك علطول واجيب معايا ادهم وعياله وانتا خلي عينك علينا ولو وحشتنا ابقا تعلالي في المنام.
صافيه نزلت في حضن صادق وعيطت:
اوعدك اني اخلي بالي من ادهم وهخليه احسن راجل في الدنيا زي ما كنت بتتمني.
و أوعدك كمان يحبيبي اني محدش هيلمسني من بعدك مفيش حد هيقرب مني من بعدك لاني مفيش راجل مليّ ولا هيمليّ عيني غيرك.
صافيه باست راس صادق بحب وخدت منه الدبله ولبستها: في جنه الخلد يحبيبي ويارب احصلك عن قريب لاني مش متخيله حياتي من غيرك.
صافيه قامت تخرج بعد ما ودعت صادق بس مش قادره تتحرك وتسيبه، لحد ما استجمعت قوتها واتحركت وخرجت بره المشرحه.
صافيه راحت وغيرت لبس التمريض ولبست لبسها.
صافيه كل ما تفتكر صادق وهيا بتودعه قلبها يتنفض وتعيط.
ادهم كان فاق شويه، بس من تاثير البنج غلبه النوم بس حلم بحلم غريب.
ادهم حلم::::
:: انه ماشي في الشارع وهدومه كلها متقطعه ومتبهدل ومعاه روشته وكل ما يدخل صيدليه يلاقي العلاج غالي فيخرج مكسور الخاطر.
من كثر اللف قعد علي الارض بقله حيله وحط راسه مبين اديه الاثنين وفضل يفكر ف الي جاي.
ابوه صادق جاله وقاله: مش قولتلك الي جاي تقيل عليك يولدي، ربنا يعينك متنساش تخلي بالك من امك ولو داقت بيك الدنيا افرد سجادتك واشكي وجعك لرب العباد.
ادهم شاف ابوه وسمع كلامه لسه هيقوم ياخده في حضنه مقدرش يقوم، وفجأه ابوه اختفي من قدامه.
ادهم بيحاول يقوم مش عارف، ومره واحده ظهرت بنت قدامه ومدتله اديها بأبتسامه.
ادهم شافها بيحاول يفتكرها معرفش.
البنت: مش هتقوم معايا، انا مدالك ايدي!
ادهم: خايف اقوم، وخايف احب، وخايف اتعلق بحد تاني يخوني.
البنت: انا غيرها وخوفك هحوله لطمأنينه قوم انتا بس وانا هسندك وهنكمل كل حاجه سوا.
ادهم مد ايده والبنت قومته من تاني وخدته في حضنها وادهم استسلم لحضنها زي ما يكون بيقولها خديني معاكي لجنتك.:::
بااااااك حلم..
ادهم بعد الحلم فاق من تاني وافتكر مريم والي عملته فيه ودموعه نزلت منه، ومره واحده جسمه كله وجعه و فقد الوعي وجهاز القلب بدأ يصدر صوته بالتراجع.
الممرضه طلعت تجري وتنادي للدكتور.
حسام كان خلص التحقيق مع الظابط مؤنس ولاحظ اني صافيه مش موجوده.
حسام:عمتي صافيه فين يدكتور؟
الدكتور: مش عارف اخر مره شوفتها كانت بتتحرك لتحت.
حسام: يبقي اكيد راحت لعمي صادق، لازم نتحرك ونجبها عشان هتتعب لو شافته ميت.
حسام لسه هيتحرك، كانت صافيه جايه وظهرت قدامهم.
حسام: انتي كويسه يعمتي؟
صافيه: واحده جوزها مات وابنها بيواجه الموت هتكون كويسه!
حسام: برده نزلتي المشرحه وعملتي الي في دماغك.
صافيه: مكنش ينفع مودعش جوزي وابو ابني، صادق مكنش جوزي، لا كان حبيبي وابني واخويا وابويا، كان عيني الي بشوف بيها وعكازي وسندي في الدنيا.
صافيه: ادهم اخباره اي دلوقتي؟
الدكتور: بخير يمدام صافيه متخافيش هيبقا كويس.
الممرضه فتحت الاوضه وبعلو صوتها: الحق يدكتور ادهم الجوهري بيموت.
الكل استنفر من مكانه والدكتور جري يشوف ادهم.
صافيه مقدرتش تتحرك وهيا لسه جايه من عند صادق وشافته جثه، معندهاش استعداد تشوف تخسر ادهم كمان وتشوفه جثه زي ابوه.
صافيه وقعت علي الأرض واغمي عليها من الوجع والتفكير..
حسام: يدكتور الحق عمتي صافيه.
توحيد بصالها بفرحه.
ربيع: هو انتي اديتي لأدهم الحقنه ولا لا؟
توحيد:....
استووووووب.
يا ترا فين مريم لحد دلوقتي؟
يا ترا البنت الي جت في الحلم لادهم هيا ملك؟
هل ادهم هيقابل ملك ويحبو بعض؟
يا ترا صافيه هتقدر تنفذ وعدها لصادق وانها هتحافظ علي ادهم وتحميه؟
يا ترا توحيد ادت لأدهم الحقنه المسممه ولا لا؟
يا ترا ادهم هيفوق منها ويبقي كويس ويرجع ويستمد مملكه الجوهري؟
وللحديث بقيه.
دمتم بود.
للكاتب» حسن خالد.
CZYTASZ
عشقت الأدهم
Romansلا مجال لتأنيب النفس، وجلد الذات، لا مجال للأنكسار في هذه الحياه، سنحاول بشتي الطرق في هذه الروايه التركيز علي تناول مفهوم الحب والعلاقات في مجتمعنا، ولكن بوجه نظر مختلفه، فالحب وان كان جميلاً، في كسرته تأخذك الي عالم التدني،ولكن عوض الله احن واجمل،...
