عشقت الأدهم

البارت الرابع(ذكاء ودهاء مهندس)

﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

روايه.. عشقت الادهم

للكاتب.. حسن خالد

البارت الرابع..



ادهم وهو باصص علي عمه ربيع: بووي انا عاوزك في موضوع كده ميتأجلش..

صافيه: وانا كمان يصادق عوزاك في موضوع مهم ولازم لوحدينا..

صادق: موضوع اي دا؟ اتكلمو مفيش حد غريب.

ربيع وكمال وتوحيد بصو لبعض بتوتر ليكون لعبتهم اتكشفت..

صادق بزعيق: متنطقو في اي يا ادهم؟ في اي يصافيه؟..

لسه هيردو عليه وادهم بيطلع الورقه الي لقاها وهيشرح لأبوه الموقف كله... فجأه دخل الحارس سالم بدون اذن..

سالم بتوتر: صادق بيه.. صادق بيه

صادق: في اي يسالم مالك مزعور اكده لي؟

سالم: الحكومه يا صادق بيه في اول النجع وداخله علي البيت، ومعاهم قوه كبيره قوي واظاهر اكده من مديريه الامن..

ادهم اتنهد وحط الورقه في جيبه من تاني، وبدأ يفكر هيخرج اهلو من الحوار دا كله ازاي، وشرد في تفكيره بيحاول يلاقي صرفه ويرتب اقواله بحيث المحضر يتعمل ويتسجل انه حادث سرقه..

ادهم اول حاجه جت في باله لازم يعطل كاميرات البيت ويحذف الفديوهات الي عليها علي الاقل اخر يومين.. ولازم يخفي ابن عمه كمال من البوليس لحد ميتصرف ويحل المصيبه الي عملها..

ادهم بهدوء: بووي لازم نخفي كمال وحالاً..

صادق بعدم فهم: لي يولدي، عمل اي عاد دا كمال المجني عليه..

ادهم بص لكمال الي بدأت عليه علامات التوتر والخوف..

ادهم: ويمكن يكون برده هو الجاني يبووي.

توحيد ام كمال: اي الي انتا بتقوله دا علي ولدي، كيف يعني هو الجاني وهو الي مضروب عليه نار؟

ربيع بص لأبنه كمال: عملت اي يولدي، ومين الناس دي؟ ولي ولد عمك عم يقولك عنك اكده؟

كمال واقف متلجم ومش عارف ينطق من كثر الخوف، ومش عارف يقولهم الحقيقه ازاي.

ادهم قرب منه وقرأ عنيه لقاها كلها خوف ومخبي حجات كثيره اوي، اتأكد ساعتها الي موجود في الورقه صحيح..

ادهم بص لأبن عمه بعتاب: كل حاجه هتبان يولد عمي، المهم دلوقتي تنزل البدروم ومتخرجش منه غير ما الحكومه تمشي والجو يروق.

صادق بغضب: كيف دا ينزل يروح فين، كمال مش هيتحرك من هنا ولا يروح في اي حته غير ما افهم اي الي بيحصل بالظبط..

ادهم بهدوء: مش واقته يبووي هفهمك كل حاجه بعدين، المهم دلوقتي نخفي كمال من البيت وننزله البدروم، مفيش وقت يبووي الحكومه في اول النجع وبتقرب من البيت..

صادق سمع كلام ادهم، لانه حس انه عارف حاجه وهيقوله عليها بعدين..

ادهم خد كمال ونزلو البدروم، بيحاول ينقذ ابن عمه الوحيد وفي نفس الوقت زعلان من تصرفاته الي وصلتهم لدا كله.

كمال: اخرتها يا ادهم بيه هتحبسني كيف الحراميه في البدروم..

ادهم: شوف مين الي بيتكلم، وهو مين الي وصلنا لدا كله يكمال؟

كمال بيماطل: انا معملتش حاجه.. دول هما قطاع الطرق الي حاولو يتعدو عليا ويسرقوني.

ادهم بغضب: بكفياك يولد عمي بكفياك، اوعاك تكذب علي ادهم الجوهري، ثم لو خدعت الكل ب اني الي ضربو عليك نار دول قطاع طرق فا مش هتعرف تخدعني..

كمال بتوتر ليكون ادهم عرف حاجه: كيف يعني هكدب عليك عاد.. واي الكلام الماسخ الي عم تقوله ده؟

ادهم صاح فيه بغضب: يعني دول مش مطاريد الجبل الي انتا بتاجر معاهم في المخدرات يكمال بيه؟