عشقت الأدهم

البارت ال ٢١|مهندس حرب|

وانا مش شاعر وسط الهوجة
ولا جايلي يومين وامشي لحالي
أنا شاعر له وزن وهيبة
وكلامه بيطلع في الغالي
فإذا قولت كلام يبقى أنا قاصده
وإذا قولت ملام يبقى أنا بعنيه
هنا مش درويش رهن قصايده
هنا في انسان وانتي وحشتيه

عمرو حسن 💛

روايه عشقت الأدهم

للكاتب.. حسن خالد

البارت ال ٢١



ملك اطمنت علي مليكه وخدتها ورجعت علي البيت، فرحانه اني مليكه بخير وفي نفس الوقت زعلانه من ابوها والي عمله خاصه انها مكنتش تتوقع منه كده.

بعد ما وصلت البيت ملك خدت مليكه ويوسف ونيمتهم وبصتلهم وهما نايميين جنب بعض، ملايكه علي هيئه اطفال، طبطبت عليهم وابتسمت وفضلت تدعي اني ربنا يخليهم ليها.

سلمي حاسه بوجعها وحاولت تهون عليها: ملك حبيبتي، فكي بقا الحمد لله اطمنا علي مليكه ودلوقتي هيا في حضنك..

ملك بتعب: الحمد لله ربنا ميحرمني منها ولا من وجودها هيا وكل اطفال الدار.

سلمي: امين يارب، انا همشي بقا عشان الوقت اتأخر ولازم ننزل الجامعه فاتنا محاضرات كثير والفاينل قرب.

ملك: روحي انتي بكره، ونا هفوق كده وهنزل الجامعه من بدايه الاسبوع الجاي.

سلمي: ولا يهمك يحبيبي، ارتاحي انتي وانا هنزل وهبقا ابعتلك الملخصات.

ملك: اتفقنا يسلمي.

سلمي لسه هتمشي وبتشيل شنطتها وبتتحرك ملك ندهت عليها.

ملك: سلمي!

سلمي: نعم يملك؟

ملك جريت علي سلمي واترمت في حضنها وفضلت متبته فيها.

سلمي استقبلت حضن ملك ليها بحب وفرحت من الموقف..

ملك بحب: انا مش عارفه اشكرك ازاي، كنتي معايا لاحظه بلحظه ومتخلتيش عني، انتي بنت اصول وجدعه وتستاهلي كل خير، صاحبتي من الطفوله ونعم الصاحبه والاخت، ربنا مدنيش اخوات بس اداني صاحبه تغنيني عن كل الناس.

سلمي بحب: انتي متعرفيش معزتك عندي عامله ازاي يملك، ربنا يعلم انتي اختي مش صحبتي افديكي بروحي، وانا معملتش حاجه ان مكنتش اقف جنبك في تعب مليكه هقف جنبك امتي؟

ملك: ربنا يديمك في حياتي يسلمي يعسل.

سلمي: ويديمك ليا يلوكه يجممر..

سلمي نزلت من وهيا فرحانه بكلام ملك، ورجعت البيت خدت شاور وبدأت في النوم عشان تروح الجامعه الصبح.

ملك دخلت خدت شاور في محاوله منها لتخفيف التعب والارهاق عنها، وخرجت لبست هدومها وقراءت وردها اليومي من القرءان الكريم، ثم صلت قيام الليل ودعت ربنا بالي في قلبها واني ربنا يحفظلها سلمي ومليكه ويوسف وكل اطفال الدار، ودعت ربنا انها تلاقي شريك حياتها الي تقاسمه وجعها وتعبها وبعدين خدت مليكه ويوسف في حضنها ونامت.



في الأقصر وتحديدًا في بيت الجوهري..

ادهم جمع كل الرجاله في الجنينه ووجه كلامه ليهم، كنوع من التحفيز.

ادهم: اسمعو يرجاله انتو عشتو معانا عمر كامل كلتو من اكلنا وشربتو من شربنا واطبعتو بطبعنا، ولا عمرنا اذينا حد فيكم ولا عمرنا عملناكم انكم الحرس بتوعنا، بالعكس طول عمرنا بنعاملكم ك اهل، واحنا فعلا اهل الي بينا اكبر من شويه رجاله بتحمي البيت والمخازن والمحجر، الي بينا محبه واخوه، وانا يشهد عليا ربنا وسط ضرب النار هكون انا اول واحد فيكم ونا الي بحكميكم مش انتو الي بتحموني، كل الي طالبه منكم، انكم تدافعو عن البيت لأخر رصاصه، وكيف ما هتحافظو علي اهلي هحافظ عليكم، عاوز المطاريد دول يندفنو هنا عشان يبقو عبره للي يفكر يقرب من النجع ولا بيت الجوهري، وحاجه اخيره محدش يقتل حد من المطاريد ضربكم ليهم بالنار يبقي في الرجل وتبعدو تماماً عن مناطق الموت.

ادهم: فاهمين يرجاله؟

كل الرجاله بحب و بصوت عالي: فاهمين يا ادهم بيه..

الكل خد مكانه والكل مستعد للي هيحصل والكل باصص علي ادهم الي ع الرغم من نزيفه واقف زي الأسد وبيحمي اهله.