عشقت الأدهم

البارت الثاني عشر|المهندس ومطاريد الجبل|

*‏إِنَّمَا التَّوْبَةُ عَلَى اللَّهِ لِلَّذِينَ يَعْمَلُونَ السُّوءَ بِجَهَالَةٍ ثُمَّ يَتُوبُونَ مِنْ قَرِيبٍ فَأُولَٰئِكَ يَتُوبُ اللَّهُ عَلَيْهِمْ ۗ وَكَانَ اللَّهُ عَلِيمًا حَكِيمًا*

روايه عشقت الادهم

للكاتب.. حسن خالد

البارت الثاني عشر

في الاسكندريه.. وتحديدا في مستشفي عزيز الصفتي.

ملك بعد ما فاقت وادت فرض ربنا، فضلت طول النهار بجانب مليكه بس من بعيد ومش عارفه تدخل عليها اوضه العمليات..

سلمي حاولت تفكر اي الي وصل مليكه للحاله دي.

سلمي: بس مش غريبه يملك ب الي حصل دا، اول مره تحصل عندنا في الدار حاله تسمم بالشكل دا..

ملك: هيا غريبه فعلا اطمن علي مليكه وساعتها هفتح تحقيق مع العمال واعرف السبب وساعتها مش هرحم اي حد حتي لو كان عمل كده من غير ما يقصد..

ملك: بس الي هيجنني ازاي مليكه بس الي اتصابت بالسم مع اني الاطفال كلهم بياكلو نفس الاكل..

ملك بتفكير: قصدك اني في حد عمل كدا بالقصد؟

سلمي: وارد ووارد كمان يطلع تفكيرنا غلط..

ملك بحده: انا مش هستنا اما مليكه تفوق، وهفتح تحقيق دلوقتي حالاً، لازم اعرف مين الي عمل كدا ولو عرفته يبقي هو الجاني علي روحه..

سلمي: اهدي ي ملك عشان منظلمش حد، ممكن الموضوع كله يبقي من غير قصد، او ممكن عشان مليكه منعتها ضعيفه هيا الي اتأثرت بسرعه..

ملك بتفكر هتعمل اي وتبلغ الشرطه ولا تتصرف هيا الاول، قررت تبلغ ببابها عزيز عشان يساعدها..

ملك: فاهمني يبابا، انا عاوزه اعرف الي حصل لمليكه دا مين السبب فيه..

عزيز بيرد علي ملك وهو بيمضي علي ورق صفقه جديده: فاهمك يا ملك، نص ساعه وفضل هيكون عندك ويساعدك..

ملك: ماشي يبابا وانا هقفل مع حضرتك وهبعت اجيب العمال واحقق معاهم.. وقفلت المكالمه..

عزيز لفضل دراعه اليمين: فاهم هتعمل اي طبعا؟

فضل: طبعا يباشا، متشلش هم انتا.

عزيز: خلص الموضوع دا انهارده، ولو ف حاجه تستدعي وجودي عرفني..

فضل طلع من مكتب عزيز بيه، وراح لملك المستشفي عشان يبدأو التحقيق..

ملك كانت بعتت جابت كل العمال في الدار، الطباخين وعمال الاداره والنظافه، والأمن..

الكل كان واقف وفي حاله قلق وتوتر من رد فعل ملك عن الي حصل..

ملك: انتو عارفين طبعا انتو هنا ليه، وانا حبيت الموضوع يبقي ودي ومندخلش الشرطه مبينا، هتساعدوني ونوصل للسبب الي وصل مليكه للحاله دي، ولا هنسيب الجاني يفلت بعملته..

عمال الدار: حضرتك دي اول مره تحصل، واحنا بقالنا سنه معاكي يا ملك هانم، وعمرنا مقصرنا في شغلنا..

سلمي: اومال الي حصل دا حصل ازاي، واي الي مليكه كلته وصلها لكده؟

طباخين الدار: لو علي الاكل فكل الأطفال بياكلو نفس الاكل، حتي العمال بياكلو من اكل الاطفال

سلمي: يبقي ازاي كله اكل من نفس الاكل ومليكه الوحيده الي جالها تسمم؟

طباخين الدار: دا الغريب فعلا لاني بأكد ليكم كل الاطفال اكلو من نفس الاكل..

فضل: يمكن يكون حد دخل من برا الدار وهو الي عمل كدا؟

امن الدار: لا يبه انا بأكدلك محدش دخل، اصلا احنا مبندخلش ولا نخرج حد من الدار من غير تعليمات ملك هانم..

فضل لرجل الأمن: اي الي مخليك متأكد كدا؟

امن الدار: لاننا راجعنا كاميرات الدار كلها يوم ما مليكه تعبت واتنقلت المستشفي، وملقناش اي حاجه غريبه، ولا حد دخل ولا خرج من الدار، واليوم كان ماشي طبيعي جدا..

ملك: سيبكم من الكلام دا كله، مش هنوصل للسبب.. هيا فين تهاني؟

تهاني بتكون مسؤله عن الواريدات الي داخله الدار يعني اكل وشرب ولبس وكتب مذاكره، وبتكون من نفس سن ملك وسلمي، وملك بتثق فيها جداً..

تهاني: انا هنا يملك هانم.

ملك: تهاني انا اديتك فلوس الاكل ومستلزمات المطبخ للاطفال للأسبوع دا.. صح؟

تهاني: ايوه يا ملك هانم حضرتك ادتيني فلوس وانا جبت بيها مستلزمات الدار من لبس واكل واي حاجه تنقصنا..

ملك: فين الفواتير يا تهاني؟

تهاني بدموع: يا ملك هانم حضرتك بتخونيني، عمتا الفواتير اهي..

ملك بهدوء: يا تهاني انا بثق فيكي الموضوع مش موضوع فلوس والله، انا باخد منك الفواتير لغرض تاني..

تهاني اديتها الفواتير كلها، ملك بصت فيهم وابتسمت..

ملك: فضل كدا اعتقد وصلنا للسبب.. وادته الفواتير...

فضل مسك الفواتير وبص فيها ملقاش حاجه مهمه كلها شويه ارقام ومنافذ بيع منتجات..

فضل بعدم فهم: تقصدي اي يملك هانم؟

ملك: اصحي معايا يفضل، دلوقتي انتا معاك الفواتير سيبك من الارقام لاني تهاني عمرها ما هتسرقنا..

فضل: ايوه برده هنوصل لسبب التسمم ازاي من خلال الفواتير؟

ملك: هتلاقي عندك المنافذ والسوبر ماركت الي تهاني اشترت منها مستلزمات الاكل للدار، مهمتنا بقا ندور ورا كل منفذ ونحدد اي الحاجه الي الأطفال اكلوها وأدت الي تسمم مليكه، وبكده نوصل للسبب..

فضل بص لمليكه بأعجاب من طريقه تفكيرها

فضل: وانتي يملك هانم اي الي خلاكي تفكري اني السبب في الاكل؟

ملك: لاني التقرير الطبي لحاله مليكه وصلي وبعد التحاليل اكدولي اني السبب في دا اكل فاسد ومنتهي الصلاحيه..

فضل: ايوه يملك هانم بس كده هناخد وقت كثير، في اكثر من منفذ تهاني جابت منه الاكل، ودا صعب علينا اوي..

ملك بصت لفضل ولأول مره تتعصب علي حد من موظفين بباها، وتعاملهم كأنها ملك بنت عزيز الصفتي الي الكل لازم يهابها.

ملك بعصبيه: وانا قولت تروح وتدور انهي منفذ من دول هو الي عنده الاكل الفاسد ومنتهي الصلاحيه، نفذ الاوامر، وان كان علي شغلك مع بابا اعتبر نفسك في اجازه لحد ما تخلص الي انا طلباه منك..

فضل باصص لملك بذهول، اول مره تكلمه كده وتديه اوامر، بس لانه عارف انها مش في احسن حاله وانها بتحب مليكه جدا مزعلش منها..

فضل: علم وينفذ يملك هانم..

ملك ندهت للدكتور: تطلع بنفسك وحالا للدار وتاخد معاك عربيه اسعاف، وتعملي تحاليل لكل الاطفال الي ف الدار، لانهم اكلو نفس الاكل الي كلت منه مليكه، يعني هما معرضين للسم دا..

الدكاتره فعلا نفذو كلام ملك واتحركو وعملو تحاليل لأطفال الدار عشان يطمنو علي صحتهم..

فضل خرج من عند ملك، واتصل علي عزيز بيه وبلغه ب الي حصل...

عزيز بأعجاب: والله ملك بنتي فكرت كدا وعملت كدا؟

فضل: ايوه يعزيز بيه، انا اتصدمت من طريقه تفكيرها، ازاي ربطت مبين سبب مرض مليكه بالفواتير!

عزيز بضحكه: لا بجد تفكير عالي اوي من ملك انها تربط بين منافذ بيع الاكل الي في الفواتير وبين السبب في حاله التسمم، ملك بنتي بتحب مليكه اوي يفضل عشان كده بتحاول توصل للسبب وتحاسبه..

فضل: هنوصله يعزيز بيه وعن قريب، انا بعد اذنك طبعا هتصرف واحل الموضوع دا..

عزيز: معاك يومين تفرغ فيهم نفسك من الشغل، وتوصل للسبب، وبعدين نرجع لشغلنا..

فضل قفل مع عزيز، وفعلا بدأ في تنفيذ تعليمات ملك، ودخل كل منفذ عشان يعرف من فيهم بيبيع اكل ومنتجات منتهيه الصلاحيه..





في الاقصر، وفي منطقه ضرب النار علي ادهم..

ادهم وهو بيتنقل مبين الشجر عشان ياخد ساتر جديد، ومع كل الرصاص العشوائي من كل جه، ادهم خد رصاصه كانت كفيله انها تشل حركته وتوقعه علي الارض..

ناجي بخوف لرجالته: يخرب بيت ابوكم، انا مش قولت محدش يصيبه، انتو عارفين دا ولد مين ومن عيله مين؟ دا النجع كله هيطربق فوق دماغنا لو جراله حاجه..

واحد من العصابه بتوتر: بس يا ناجي بيه احنا مكناش نقصد نقتله..

ناجي بخوف: انتا تخرص خالص، الله في سماه لو مات لاقتلك بيدي..

ناجي والعصابه كلها اتحركت وراحو يشفوه، ادهم كان واقع علي الارض ومتصاب اصابه جامده في كتفه الشمال، والرصاصه من قوتها دخلت وخرجت من الكتف، ونزف كثير اوي، بس كان في وعيه وحاول يفكر وهو واقع ع الارض هيعمل اي، ويخلص من الناس دي ازاي..

ناجي شاف ادهم واقع علي الارض، اطمن لحد ما انه لسه عايش واني الرصاصه جت في كتفه..

ناجي: اي يولد الجوهري، لساك عايش اياك دنا قولت مت..

ادهم اتعدل في قعدته علي الارض: اه لساني عايش، رجاله عيله الجوهري بيموتو وراسهم مرفوعه، ولا متعرفش اياك؟

ناجي بخوف: ها لا اعرف زين، وعشان اكده انا مش مأمنلك.. اربطو يده الاثنين يا رجاله..

الرجاله قربت من ادهم وربطو ايده بس لسه قاعد ع الارض ومش قادر يتحرك، ادهم حس بألم رهيب عند ربط درعاته الاثنين ورا ضهره، ومع ذلك محسسش ناجي انه بيتألم..

ناجي: اي يا ادهم بيه، مهتتألمش عاد ولا اي؟

ادهم بهدوء وبيحاول يخبي تعبه: لا يا جبان مهتألمش، انا لو مت دلوق هموت راجل..

ناجي بضحكه: راجل كيف الي متربط علي الارض كيف الحرمه اكده..

ادهم بعيون حاده: طب ما تفكني، وراجل لراجل ونشوف مين فينا الي حرمه..

ناجي خاف واتوتر من ادهم، وانه لسه بيكابر وبيعافر معاه لأخر نفس حتي وهو متكتف..

ادهم قرأ في عنيه الخوف: اي خايف عاد، لأضربك قدام رجالتك..

ناجي قرب من ادهم وهو مربوط علي الارض، وضربه بضهر البندقيه علي كتفه المصاب..

ادهم استقبل الضربه بألم رهيب، ولكن كتم الالم والوجع جواه..

ادهم بضحكه ممزوجه بتعب من الخبطه: علفكره ايدك حنينه قوي كيف حريم النجع الي حدانا..

ناجي بغيظ قرب منه وفضل يضرب في ادهم وهو متربط علي الارض، وادي اوامره لرجالته يكملو عليه ضرب..

ادهم بيستقبل الضرب وكاتم وجعه والمه جواه، ومبيديش اي رد فعل بيستقبل الضرب وبس..

فرد من العصابه: يا ناجي بيه اكده هيموت منينا..

ناجي: خلاص وقفو ضرب فيه، هو اكده استوي علي الاخر..

فرد العصابه: وهنعمل اي دلوق؟ ناخده معانا الجبل؟

ناجي: اكيد هناخده الجبل، دا الكبير طالبه حي..

فرد الصابه: وهناخد فلوسنا وباقي البضاعه من كمال ولد عمه كيف؟

ناجي: دي بقا صرفه الكبير هو هيحلها بمعرفته..

ادهم كان واقع علي الارض، بس سامع الحوار كله، وفهم اني دول رجاله من مطاريد الجبل وعاوزينه عشان ياخدو حقهم من كمال ابن عمه..

ادهم للحظه ابتسم اني دول مش رجاله عمه ربيع ولا كمال ومش عاوزين يخلصو منه..

ناجي: يلا روحو هاتو حبال من العربيه وكتفوه عشان ناخده ونطلع الجبل للكبير..



صادق وربيع بيدورو علي ادهم علي الطريق والدنيا بدأت تليل والجو بقا عتمه، واصبح البحث شئ صعب..

صادق رن علي سالم لعله وصل لأدهم قبل منه: اي يسالم لقيت ادهم؟

سالم بحسره: لا يصادق بيه، وكمان الدنيا ضلمت دلوق، ومش شايفين الطريق زين..

صادق بغضب: الله في سماه يسالم لو ولدي ادهم جراله حاجه لاقتلك بسبب عملتك دي.. دورو كويس والا هموتكم كلكم.. وقفل السكه.

ربيع: اهدي بس يصادق يخووي، هنلاقيه ان شاء الله..

صادق بص لربيع اخوه، وهو عنده شك اني ربيع هو الي ورا الي حصل، وانه حاول يتخلص من ادهم..

ربيع فهم نظره اخوه ليه: يصادق والله ما عملت حاجه ولا قربت من ادهم، وكلامي امبارح كان ساعه شيطان..

صادق بحده: كله هيبان يربيع يخووي، وسواء انتا او غيرك مش هرحم الي يمس شعره من ولدي.. وفضل يدور علي ادهم وميأسش



ادهم حاول يقوم من علي الارض وفعلا قام وقعد علي ركبه الاثنين..ولمح قزاره مرميه علي جنبه من قزار عربيته الي اتكسرت من ضرب النار، خدها وحاول يفك نفسه من غير ما حد يحس..

ناجي كان ساعتها لوحده مستني الرجاله تجيب الحبال وتربط ادهم وياخدوه علي الجبل..

ناجي: اي لساك فيك حيل يولد الجوهري؟

ادهم: قولتلك بنموت رجاله، اما انتا والي شبهك بتموت كيف الحريم..

ناجي: انا والي شبهي هنعرفك اصلك كمان شويه..

ادهم بعيون حاده: انا اصلي معروف ولاد اصول شجرتنا مأصله، انتو بقا مين وولاد مين تلاقيكم ولاد حرام..

ادهم كان بيحاول يلهي ناجي، ويشغله بالكلام عشان ميخدش باله انه بيفك الحبال الي متربط بيها..

ناجي: احنا برده الي ولاد حرام يا ادهم بيه احنا اه يمكن نكون مطاريد، بس ولاد حلال هيا بس الظروف الي وصلتنا لكده..

ادهم: انتو متغرفوش حاجه عن الحلال والحرام عشان تتكلمو عنه..

مستمر ادهم في فك الحبال الي مربوط بيها لحد ما وصل للنهايه..

ناجي: انتو الي هتعرفو الحلال عاد يولاد الجوهري، دا انتو تلاقيكم....

ولسه هيكمل ناجي كلامه لقي ادهم كان وقف بسرعه بعد ما فك الحبال الي مربوط بيها..

ناجي اتخض ازاي ادهم قدر يفك الحبال، ولسه بيحط ايده في جيبه عشان يطلع سلاحه، كان ادهم قرب منه وضربه ضربه وقعت السلاح من ايده. 

ادهم شاط السلاح برجله بعيد عن ناجي.. وفضل يقرب من ناجي بثقه وهدوء..

ادهم: مش قولتلك فكني وانا اعرفك من فيا الراجل ومين فينا الحرمه، انا بقا هعرفك وفضل ادهم يضرب في ناجي بدراعه اليمين..

ناجي كان من خوفه مش عارف يهاجم ادهم، ولا حتي يدافع عن نفسه، وفي نفس الوقت رجالته مش هنا ومحدش هيقدر يحميه..

ادهم خبط ناجي اكثر من خبطه، وكلهم في مناطق موت بحيث يشل قدرته علي التحرك

ناجي فعلا وقع علي الارض من كثر ضرب ادهم ليه، وفقد القدره علي الحركه..

ادهم اتنهد انه خلص من ناجي وداس عليه برجله، وفضل يفكر هيخلص من باقي الرجاله ازاي زمانهم جايين عليهم بعد ما جابو الحبال من العربيه..

ادهم استعمل ناجي ك غطاء وقومه وصوب السلاح عليه، في نفس الوقت الرجاله جت..

حاولو ينقذو ناجي، الي كان في ايد ادهم..

ادهم بهدوء: لا لا اي حركه منكم ناجي بيه هيموت وبطلقه واحده مني..

ادهم بحده: شاور لرجالتك يا ناجي تنزل السلاح، اخلص شاورلهم بدل ما اخلص عليك..

ناجي: الي انتا بتعمله دا عواقبه وخيمه علي النجع كله، انا ناجي ابن مصيلحي كبير مطاريد الجبل، ولو عرف بالي بتعمله هيقلب النجع بحر من الدم عليكم يولاد الجوهري..

ادهم: احنا بقا بنموت في الدم، واخرتكم علي يدي يولاد الليل..

ادهم صوب سلاحه ناحيه ناجي: ها رصاصه واخلص منك ولا تخلي رجالتك تسلم السلاح؟

ناجي بأستسلام تام: نزلو السلاح يا رجاله..

ادهم: اسمعو الكلام احسن اخرطلكم كبيركم واضربه بالنار وهموتكم من بعده برده..

ناجي: قولت نزلو السلاح..

رجاله ناجي نزلو السلاح بأستسلام تام.. ادهم قرب منهم وشال السلاح بعيد عنهم بعد ما رموه علي الارض..

ادهم بعد ما ثبت الرجاله كلها وربط ناجي، وراح علي رجالته وربطهم كلهم معدا واحد..

ادهم: انتا بقا هسيبك ومش هربطك، تطلع دلوقتي علي الجبل وتبلغ كبيركم الي هو مصيلحي ب الي حصل وقوله ابنك ناجي رهينه ومتكتف كيف الحريم عند ادهم الجوهري..

ادهم خدهم كلهم وحطهم في العربيه بعد ما ربطهم..وساب واحد منهم عشان يبلغ مصيلحي ب الي حصل..

حاول ادهم يرن علي ابوه صادق ويطمنه بس للأسف التلفون كان فصل شحن، قرر يرجع البيت، بص ادهم علي مكان الرصاله بألم ولقا اني النزيف بيزيد شويه بشويه..

ادهم اتحرك بعربيته للبيت وهو تعبان ومنهك ونزيفه في زياده..


صادق وربيع كانو وصلو البيت، اما ملقوش ادهم علي الطريق، بس ادي اوامره لباقي الرجاله انهم يدورو علي ادهم حتي في الليل، وقرر صادق يبلغ الشرطه يمكن تساعده..

صادق بعد ما وصل البيت لاحظ اني كمال مش في البيت ولا البدروم، ساعتها شك اني كمال هو الي ورا سر اختفاء ادهم..

صادق لربيع: ولدك كمال فين يا ربيع؟

ربيع بتوتر: مخبرش والله يخووي

صادق مسك ربيع من هدومه: يعني اي مخبرش، وهو مش موجود في البدروم، وابني ادهم مختفي، تفسر دا ب اي؟

ربيع بخوف: والله ما اعرف يصادق، انا كنت سايبه في البدروم قبل ما اطلع معاك ندور علي ادهم..

صادق اتعصب وطلع سلاحه ووجه سلاحه علي اخوه ربيع..

صادق بعصبيه: هتقول ادهم فين يا ربيع ولا اطخك بالنار؟

توحيد ادخلت وصوتت: والله ميعرف يصادق، احنا ملناش صالح..

صافيه وسالم حاولو يمنعو صادق: اهدي يصادق بيه، اكيد ربيع اخوك عمره ما يفكر يأذي ادهم ابن اخوه..

صادق مسمعش لحد فيهم،وحس اني ادهم مش بخير وفكر انه ابنه الوحيد ممكن يكون اتقتل،وفي لحظه ضرب صادق طلقه من سلاحه وعم السكوت علي المكان كله..

استوووب..

يا ترا ملك هتوصل لسبب تسمم مليكه؟ وهل في حد من اطفال الدار اتعرض للتسمم غير مليكه؟

يا ترا مصيلحي كبير مطاريد الجبل هيعمل اي مع ادهم اما يعرف انه اخد ابنه ناجي ورجالته ادهم اثيرهم عنده؟

يا ترا ادهم هيعرف يرجع البيت، ولا النزيف هيمنعه من القدره علي السواقه؟

يا ترا صادق ضرب نار علي اخوه ربيع؟ وهل ربيع هيموت علي يد صادق؟

وللحديث بقيه..

دمتم بود..

للكاتب.. حسن خالد.