أشتاق لرائحه عطرك.
مازلت أتحسس الطريق تجاهك، ومازال جَسدي يلتهف لعطرك، فما ظنك بنا اتحسبنا نتحمل جمالك!
واني أعرف طرقاً كثيرة، لكنها لا تؤدي إليك مثلما فعلت الليله الماضيه، عندما حَملت معطفي الأبيض كَبياض وجهك، وأنرت أضواء حُجرتنا وولعت الشموع، ونظرت لمرايتي ووضعت يدي علي جسدي المؤرق بندبات شوقي، وأنتظرتك تأتي وتعود لي لتداوي شوق جسدي عن غيابك، ولكنك لم تأتي كعادتك، ولكني في انتظارك وفي انتظار موعد أمتزاج عطري بعطرك، فيميلُ لك الورد، فالورد لموطنه يَحنُّ، وأنّ العمر لحظه وانت حبك مره في العمر.
حسن خالد.
روايه عشقت الادهم
للكاتب حسن خالد
البارت ال 23
الشرطه قدرت تخلص علي مطاريد الجبل الي برا البيت..
الظابط مؤنس خد رجالته ودخلو البيت راح البدروم ملقاش ناجي وشاف عشر رجاله مقتوله من المطاريد .
الظابط مؤنس لمح ادهم مثبت ناجي وواقف قدام مصيلحي وبيثاومه بيه، واتحرك عشان ينقذ الموقف.
ادهم بيكسب وقت عمل ما الظابط مؤنس يجي: انتا فاكر هتدخل بيت الجوهري وتطلع سليم يمصيلحي!
مصيلحي: انتا اذتني كثير قوي بس نا هعرف ازاي اخد حقي منك، هو كمال فين اومال مش كان يجي يحضر الموقف العظيم دا.
ربيع: وانتا تعرف كمال من فين يولد الحرام انتا؟
مصيلحي: لا ما ابنك يربيع بيه شغال معايا في تجاره المخدرات، وادهم عارف اكده ومخبي عنكم.
صادق: صحيح الكلام دا يا ادهم.
ادهم: ايوه يبوي صحيح، كمال ولد عمي بيتاجر في المخدرات، عشان كده حاولو يقتلوه اول مره، واما انا انقذته مصيلحي حاول يقتلني وبعت ورايا ناجي ولده واما انا خطفته جه عشان ينقذه.
صادق: يعني كل دا بسبب كمال!
مصيلحي: انا ميمنيش الكلام دا انا عاوز ابني وهمشي.
ادهم: لا لا كان غيرك اشطر يمصيلحي.
مصيلحي: يعني اي؟
ادهم: يعني اما تيجي ارض الفرعون لازم تتلدع من ثمه، وانا هعرفك مين هو ادهم الجوهري.
وفي لحظه الظابط مؤنس رمي قنابل بتصدر ضوء ابيض عشان يغيم المكان..
المكان كله بقا ابيض ومحدش بقا شايف حد وضرب النار بقا عشوائي...
ادم: امسك يبوي ناجي واتحرك انتا وعمي، يلا مفيش وقت..
صادق وربيع خدو ناجي واتحركو...
الضوء الابيض اختفي والكل بخير، لكن ادهم مش موجود وسطهم.
صادق: ولدي فين؟ ادهم فين؟ يا ادهم انتا فين يولدي؟
ربيع: اهدي بس يصادق يخووي، أنشاء الله يبقي بخير.
الظابط مؤنس: بعت رجالته حوالين البيت تشوف وتتابع الموقف، ويعرفو ناجي راح فين.
فلااااااااااش
بعد ما الظابط مؤنس غيم المكان بالون الابيض، ادهم خاف علي ابوه وعمه من ضرب النار العشوائي الي بيحصل وخاف لحد منهم يموت، ادهم ادي ناجي لأبوه واتحرك ناحيه مصيلحي.
ادهم: مصيلحي انا قدامك متأذيش حد من اهلي، عاوز تقتل حد منهم اقتلني انا.
مصيلحي: هو فعلاً هقتلك، بس مش دلوقتي، وضرب ادهم ببطن مسدسه علي راسه بالشكل الي خلا ادهم يغمي عليه..
مطاريد الجيل حاوطو مصيلحي من ضرب النار.
مصيلحي خد ادهم ورجالته وهربو من البيت وعمل ما الجو راق من تاني، كان مصيلحي واخد ادهم وخرج بيه بره النجع.
باااااااااك
الظابط مؤنس اتبلغ ب الي حصل من رجالته، مصيلحي خد ادهم رهينه وطلع بيه بره النجع.
ربيع: بس مش غريبه الي حصل ده، كيف مصيلحي خطف ادهم من وسطينا!
الظابط مؤنس: ادهم متخطفش، ادهم هو الي راحلهم برجليه خوفاً عليكم لمصيلحي يضرب نار عشوائي وحد منكم يموت او يتصاب.
ربيع: وانتا عرفت منين انه هو الي سلم نفسه ليهم؟
الظابط مؤنس: يربيع بيه احنا اول ما بنضرب القنابل الي بتصدر اشعاع ابيض دي بيبقا الكل مش شايف معدا احنا، بنكون لابسين نضارات رؤيه بتساعدنا في المواقف الي زي دي، منها بنشوف الشخص الي قدامنا ومنها العدو مبيشوفناش من الغيوم والضباب في الرؤيه.
ربيع: اه فهمتك وانتا شوفت اي بقا واي الي حصل؟
الظابط مؤنس: ادهم بعد ما سلم ناجي لصادق بيه، ضرب النار بقا زي المطر، ادهم مستحملش يشوف حد فيكم سواء ابوه او عمه مقتول، فقرر انه يكون الضحيه ويروح لمصيلحي وهو عارف انه هياخده رهينه بس هو فضل دا احسن ما حد فيكم يتقتل.
صادق واقف وسامع الي بيتقال وتعبيرات وشه جامده ومش مدي اي رده فعل.
صادق اخيراً اتكلم: انا انهارده اتقتلي اثنين واتخطف مني واحد من عيالي.
ربيع: مين الي اتقتل؟
صادق: سالم ولدي الي كنت معتبره ادهم الثاني، اتقتل قدام عيني وخد الرصاصه مكاني، اما الثاني فهو كمال، كمال من انهارده ميت ومش عاوز اسمع سيرته ولا اشوفه في البيت واصل، الي يتاجر بالمخدرات مع مطاريد الجبل ميستهلش يشيل اسم عيله الجوهري.
ربيع اتصدم من كلام صادق علي كمال، واتصدم اكثر علي قتل سالم.
الظابط مؤنس: البقاء لله يصادق بيه انا عارف اني حضرتك كنت بتحب سالم ازاي ومعتبره زي ادهم.
صادق بحده: احنا صعايده ومبنقبلش العزا يبيه الا ما ناخد بتارنا، ودا مش اي تار، دا تار سالم عشره عمري وابني الثاني.
الظابط مؤنس: تقصد اي يصادق بيه؟
صادق مردش علي الظابط، ونزل علي الارض جاب سلاح من الاسلحه الي مرميه علي الارض وراح ناحيه ناجي.
ناجي خاف من هيئه صادق وهو داخل عليه وعاوز يقتله
الظابط مؤنس جري علي ناجي وبيحاول يحميه لاني القضيه كلها هتتبني علي الحادثه الاولي اما ناجي ضرب نار علي ادهم، فوجود ناجي حي يهم الظابط مؤنس عشان تبقي القضيه محكومه.
الظابط مؤنس قف قدام ناجي: صادق بيه اهدي ارجوك مضيعش الي بنناه انا وادهم في لحظه غضب.
صادق مش سامع حد ومش شايف قدامه غير اني ادهم اتخطف واني سالم اتقتل، وعاوز يقتل ناجي ويحرق قلب مصيلحي زي ما حرق قلبه علي سالم.
الظابط مؤنس: صادق بيه، انا وادهب تعبنا قوي في القضيه دي، ارجوك مضيعش كل الي عملناه لاني ساعتها هتتحاكم بتهمه القتل.
صادق هدي شويه اما حس اني ادهم كان بيتعاون مع الشرطه، وهدوئه دا كان بغرض انه يفهم انما من جواه لسه عاوز يقتل ناجي.
صادق: هو ادهم كان بيتعاون معاكم؟
الظابط مؤنس خد صادق بيه علي جنب وابتدي يشرحله الحكايه كلها.
ربيع حاول يروح معاهم ويعرف في اي بالظبط.
الظابط مؤنس: لو سمحت يربيع بيه الكلام الي هقوله محدش ينفع يسمعه غير صادق بيه.
ربيع رجع لورا، وانتظر اما صادق والظابط يخلصو مع بعض.
الظابط مؤنس ابتدي يشرح ويحكي لصادق بيه الي حصل وازاي ادهم كان بيتعاون معاهم.
فلااااااااااااااااش
بعد ما الظابط مؤنس مشي من عند ادهم بعد ما كان بيتكلم معاهم وقاعد معاهم قعده وديه.
ادهم كان شد مع الظابط مؤنس، واما جه طلع لأوضته ضميره انبه لانه بيضلل العداله، وكمان هو قدامه فرصه يقضي علي تجاره المخدرات الي ملت النجع لو اتعاون مع الحكومه.
ادهم رن علي الظابط مؤنس وطلب مقابلته، وفعلا اتقابلو في الاسطبل عند ادهم قبل الحادثه الاولي مبين ادهم وناجي.
الضابط مؤنس: كتت عارف انك هتكلمني يا ادهم.
ادهم: واكيد عارف انا جايبك هنا ليه
الظابط مؤنس: عارف وياريت تعرفني اكثر.
ادهم بص يمؤنس بيه انا هحكيلك كل حاجه، ارضاءاً لضميري..
ادهم فضل يحكي كل حاجه عن كمال، وعن السبب الي خلا مطاريد الجبل يهاجمو النجع ويحاولو يقتلو كمال، واني السبب في دا كله تجاره كمال معاهم في المخدرات.
ادهم: انا كده قولت كل الي عندي.
الظابط مؤنس: انتا ازاي تضلل العداله وتخفي جريمه زي دي؟ انتا عارف دا معناه اي يا ادهم انتا كمان متورط مع كمال، كمال بتهمه التجاره في المخدرات، وانتا بتهمه تضليل العداله.
ادهم بهدوء: انا عملت كدا عشان اقدر احمي ابن عمي الوحيد، ومع ذلك جيت وعرفتك بكل حاجه بس دا مبينا.
الظابط مؤنس: يعني اي مبينا؟ انتا عاوز اي بالظبط؟
ادهم: انا عاوز الحق يبان والسبب في تجاره المخدرات في النجع يتحاسب.
الظابط مؤنس: تقصد اي بالظبط؟
ادهم: اقصد اني هتعاون معاكم واوقع مصيلحي واخليه ينزل من الجبل، وانتو تقبضو عليه، وبكده نكون قضينا علي المخدرات الي ملت النجع، وبرده قضينا علي المطاريد الي في الجبل.
الظابط مؤنس: ودي هنعملها ازاي؟
ادهم: لا ازاي دي بتاعتي انا، انتو ليكو عندي اسلملكم مصيلحي
الظابط مؤنس: وانا موافق بس هتعملها ازاي؟
ادهم: هقولك بعدين هعملها ازاي، بس قبل اي حاجه انا عندي شرط عشان اتعاون معاكم.
الظابط مؤنس: نعم انتا هتتشرط علي الحكومه!
ادهم بحده: ادهم الجوهري يشرط علي حاكم الهند، هتنفذ شرطي ولا تعتبر كل الي قولته فشنك.
الظابط مؤنس حس اني ادهم مش هيتعاون معاه من غير الشرط الي لسه ميعرفهوش، وفي نفس الوقت هو حابب وجود ادهم وعجباه دماغه.
الظابط مؤنس: اي الشرط؟
ادهم: كمال ابن عمي اسمه ميتجبش نهائي، ومحدش يقربله ولا يتهمه بحاجه ودا وعد مني انا هوديه مصحا يتعالج، وكمان هخليه يبطل شغل في المخدرات.
الظابط مؤنس: نعم! انتي عاوزني اساعد مجرم انه يهرب من عقابه، مستحيل اسمع كلامك.
ادهم: لا هتسمع كلامي وتنفذه كمان.
الظابط مؤنس: واي الي مخليك متأكد كدا؟
ادهم بثقه: لاني انا ممكن اقوم بدل المحامي الف وافتح القضيه من تاني، وساعتها هتهمك انك جيت متأخر ومدخلنش بسرعه اما المطاريد هاجمو كمال اول مره وكمان كنت عارف انهم داخلين النجع وسبتهم وممتعاملتش معاهم ولا قبضت عليهم.
الظابط مؤنس خاف من كلام ادهم، وفي نفس الوقت حاول يلاعبه.
الظابط مؤنس: كان غيرك اشطر العب غيرها يا ادهم، انتا ممعكش دليل واحد يثبت كلامي.... وسابه ومشي.
ادهم: لا معايا دليل، انا مسجلك يباشا بكاميرات البيت، وانتا بتكلمني وبتحقق معايا وانتا قولت بعضمه لسانك احنا اتاخرنا عليكم وكنا شايفين المطاريد وهما داخلين النجع ومع ذلك مقبضش عليهم.
الظابط مؤنس: حتي لو معاك دليل بكده ومسجلي المحكمه مش هتعترف بدا لانه متسجل بدون وجه حق وبدون اذن رسمي من النيابه.
ادهم: لا هياخدو بالتسجل، وكمان اما القضيه تبقي قضيه رأي عام واني ظابط لسه متعين مدخلش في الوقت المناسب واتأخر في التعامل بقصد مع مطاريد الجبل بالشكل الي ادي لموت كثير من الطرفين.
الظابط مؤنس خاف من كلام ادهم، وفضل يفكر هيتصرف ازاي ويعمل قدام ادهم.
ادهم لاحظ شروده وانه بيفكر في العرض بتاعه.
ادهم: متفكرش كثير يا مؤنس بيه، ياما تكون ضدي وتروح تغلط غلطه عمرك وتفتح القضيه وتتهم كمال بتجارته بالمخدرات وتتهمني انا بأني ضللت العدله، ساعتها انا كمان هطلع التسجيل وهتهمك بالتقصير في شغلك، ودا جزائه النفي او الفصل وانتا مش حمل دا انتا لسه متعين ومستلم الشغل ولسه اسمك مكتوب بالرصاص في الداخليه..
الظابط مؤنس بيفكر وسرحان في الي ممكن يحصل.
ادهم لف حواليه: ولا تسمع كلامي وتحط ايدك في ايدي ونقبض علي المطاريد وعلي مصيلحي واسمك يسمع في الوزاره اني الظابط مؤنس الي لسه متعين قدر يقبض علي اكبر تاجر مخدرات في الصعيد.
الظابط مؤنس: خلاص يا ادهم انا هتعاون معاك.
ادهم: كده يبقي اتفقنا يمؤنس بيه.
الظابط مؤنس: بس انا عندي سؤال، انتا لي بتعمل دا كله؟ واحد غيرك كان قال ابن عمي في امان والقضيه اتقفلت!
ادهم ابتسم: بعمل كدا لسببين اولهم اني احافظ علي ابن عمي لانه اسمه من اسمي وهو حامل اسم عيله الجوهري، السبب الثاني شباب البلد الي اتأذو بسبب ادمانهم للمخدرات، المخدرات الي خلتهم يفقضو الوعي ويسرقو وينهبو ويغتصبو حتي الاطفال، فعشان كده عاوز اسلم مصيلحي الحكومه.
الظابط مؤنس: كدا هدفنا واحد يا ادهم، بينا نقرأ الفاتحه علي الكلام دا.
ادهم حط ايده في ايد الظابط مؤنس وقراءو الفاتحه، واتعاهدو انهم يقضو علي مصيلحي وتجاره المخدرات في النجع كله.
وبعد كده ادهم نسق مع الظابط مؤنس في كل التحركات، لحد ما ادهم قدر ياخد ناجي رهينه عنده، وبكده يكونو استفزو مصيلحي وهينزل النجع عشان ينقذ ابنه الوحيد من آثر ادهم.
باااااااااااااااااااااك
صادق واقف وسامع الاتفاق الي ادهم عمله وانه عرض حياته للموت اكثر من مره عشان يحمي ابن عمه ويحافظ علي بيت الجوهري.
صادق: ولدي راجل وانا هعرف ازاي ارجعه.
الظابط مؤنس: نرجعه ها يصادق بيه نرجعه، ادهم مسؤليتي نا كمان اوعاك تعمل حاجه ولا تتصرف تصرف احادي يرجعنا تاني لنقطه السفر..
صافيه كانت في المخازن الغربيه، وللحظه قررت تتحرك اما حست اني قلبها مقبوض.
حسام: رايحه فين بس يعمتي؟
صافيه: سبني يحسام، ادهم وصادق مش بخير سبني اروحلهم.
صافيه قدرت تخلص نفسها من ايد حسام ابن اخوها، وجريت عشان تطمن علي ابنها وجوزها
توحيد كمان خرجت من المخزن وحسام راح معاهم.
الجده نوال طلعت وراهم، وتطمن علي ادهم واهل البيت.
صافيه كل ما تمشي شويه تلاقي جثث علي الارض، قلبها يرتجف وتخاف ليكون ادهم ولا صادق حصلهم حاجه.
صافيه وصلت لصادف، واطمنت انه بخير واترمت في حضنه.
صافيه: الحمد لله انك بخير يصادق، فين ادهم؟
توحيد واقفه وبتدعي ربنا اني ادهم يكون مات.
صادق عنيه كلها دموع ولأول مره يحس انه عاجز قدام صافيه، وانه معرفش يحافظ ولا يحمي ادهم.
الطب الشرعي كان وصل وخلص شغله، ومن بعدها الاسعاف وصلت وحطت سالم علي نقاله ولفوه ب ملايه بيضه الي من كثر الدم بقا كلها احمر.
صافيه لسه بتسأل وخايفه ليكون ادهم جراله حاجه: رد عليا يصادق، ادهم فين؟ هو كويس صح؟
صادق عنيه دمعت من الموقف واني صافيه في حاله هستريا وهو مش عارف يقولها ازاي اني ابنها اتخطف.
بالصدفه الدكاتره كانو واخدين سالم علي نقاله وكان متغطي بملايه كلها دم وماشيين بيه.
صافيه شافت شخص ميت والاسعاف بتشيله بس متعرفش مين دا، ومع دموع صادق خمنت اني الي ميت دا يكون ادهم.
صافيه صوتت بعلو صوتها: ادهممممممم ابني، وجريت تشوفه وتاخده في حضنها.
توحيد من جواها فرحت اوي، خلاص ادهم الجوهري مات والساحه بقت فاضيه ليها ولأبنها.
صادق جري وراها وبيحاول يشرحلها الموقف ويقولها دا سالم مش ادهم.
صافيه مسمتره في الجري وبتصوت وتقول ادهممم ابني مات..
الكل بيجري ورا صافيه عشان يمنعها من الوصول لجثه سالم ويفهموها اني دا سالم مش ادهم.
القناص كان فاق من حاله الأغماء الي كان فيها، ومسك القناصه من تاني وبدأ يضرب النار ويصتطاد في عيله الجوهري.
القناص مركز مع صادق وضرب عليه النار.
صادق لمح القناص بيصوب عليه، نزل خد صافيه في حضنه وخلاها تحت منه علي الارض وهو فوق عشان يستقبل الرصاصه بدلها.
صادق وهو في حضن صافيه: بحبك يا ام ادهم، ابننا عايش متخافيش..
صادق نطق جملته الاخيره وابتسم لصافيه ونطق الشهاده.
القناص كان ضرب طلقته ونهي الموقف برصاصه اطلقت وعم الصمت المكان من كثره الدماء التي سالت علي الارض....
استوووب.
يا ترا كمال حالته عامله ازاي دلوقتي؟
يا ترا ادهم فين دلوقتي بعد ما مصيلحي اخذه رهينه؟
يا ترا القناص قتل صادق فعلاً؟
يا ترا صافيه حالتها هتكون عامله ازاي بعد ما جوزها يتقتل وابنها يتخطف؟
يا ترا توحيد هتعمل اي وتحكم مملكه الجوهري ازاي بعد موت صادق وخطف ادهم؟
وللحديث بقيه..
دمتم بود..
للكاتب حسن خالد.
YOU ARE READING
عشقت الأدهم
Romanceلا مجال لتأنيب النفس، وجلد الذات، لا مجال للأنكسار في هذه الحياه، سنحاول بشتي الطرق في هذه الروايه التركيز علي تناول مفهوم الحب والعلاقات في مجتمعنا، ولكن بوجه نظر مختلفه، فالحب وان كان جميلاً، في كسرته تأخذك الي عالم التدني،ولكن عوض الله احن واجمل،...
