عشقت الأدهم

البارت الثامن(طفلتي سكنت قلبي فأنارت طريقي)

معاهدة القرآن ستهذبك وتهذبك حتى تبلغ ببركاته هذه المنزلة "اقرأ وارق ورتِّل كما كنتَ ترتّل في الدنيا فإنَّ منزلتك عند آخر آيةٍ تقرؤها.♡

روايه عشقت الأدهم

للكاتب.. حسن خالد

البارت الثامن..



في المستشفي عند عزيز بيه..

ملك قاعده بتعيط ومستنيه اي حد يخرج ويطمنها علي مليكه..

سلمي قربت من ملك: ملك ارجوكي اهدي مليكه هتبقي كويسه والله، متخافيش عليهاا..

ملك بعياط: مليكه لو راحت مني حياتي هتدمر يا سلمي، من ساعه ما شوفتها ودخلت حياتي وانا اتحولت واتغيرت بسببهاا، انا خايفه عليها قوي لتروح مني..

عزيز بحب: لا يحبيبه بابا، متخافيش خالص عليها، الدكتور هيطلع دلوقتي ويطمنا عليهاا..

الدكتور خرج من اوضه العمليات بتعب وارهاق، وخلع كمامته وابتدي يشرح حاله مليكه لعزيز بيه، وملك سمعاه ومستمره في العياط..

الدكتور: عزيز بيه حفيده حضرتك الي جوه دي؟

استووب..

مليكه طفله عمرها لا يتعدي ال 6 سنوات، ملك لقتها في الشوارع الجانبيه علي بحر اسكندريه،في الاول فكرتها ضايعه من اهلها بس بعد بحث عن ابوها وامها للأسف ملقوش ليهم اي اثر، وخدتها ملك وعاملتها كأنها بنتها واتعلقت بيها بالشكل الي خلاها متعرفش تنام غير وهيا في حضنها..

عزيز: لا مش حفيدتي،بس دي طفله من دار الايتام بتاعت ملك بنتي، بس هيا مالها، واي الي واصلها للحاله دي؟

الدكتور: من الواضح انها كلت حاجه وفيها بكتريا، ودا ادي الي حدوث حاله تسمم في الدم..

سلمي بعياط: يعني هتعيش يا دكتور

الدكتور: دي حاجه بأيد ربنا، بس احنا عملنا اللازم..

هنا ملك اتحولت وقامت مسكت الدكتور من البالطو: يعني اي عملت الي عليك، مليكه هتعيش ولا لا؟

عزيز قرب عشان ياخد ملك ويبعدها عن الدكتور، بس مقدرش عليها..

عزيز: سيبي الدكتور يا ملك، هو ملوش ذنب..

ملك: مش هسيبه يبابا غير اما يفهمني في اي بالظبط، ومش بس يفهمني وينقذ مليكه..

عزيز مش عارف يخلص الدكتور من ايد ملك، شاور لفضل دراعه اليمين وسلمي صاحبه ملك، انهم يدخلو ويسحبو ملك ويبعدوها عن الدكتور، بس برده محدش قدر علي ملك..

الدكتور مع كل الشد والجذب دا، واقف هادي وراسي جدا، هو متعود علي كده كل يوم ولازم يراعي شعور اهل المرضى..

الدكتور بدأ يتكلم وبهدوء شديد: حقك يا ملك هانم تعملي اكثر من كدا، انا مقدر حالتك ومتفهمها، بس صدقيني احنا عملنا كل الي نقدر عليه، التسمم كان بقاله يومين في جسمها وظهر اعراضه دلوقتي يعني التدخل الطبي كان متأخر، وكمان البنت صغيره ومناعتها ضعيفه اوي انها تستحمل ميكروب وتسمم زي دا، بس انا بطمنك احنا عملنا وبنعمل اللازم وانا شخصياً هتابع حالتها..

ملك سابت الدكتور، وكملت عياط علي مليكه والي حصلها..

عزيز بحب: احنا ممكن نسفر مليكه بره وانا هتكفل بكل فلوسها بس تفوق وتبقي كويسه..

الدكتور بتفهم: مش هيحصل جديد يعزيز بيه، الي كان هيتعمل بره مصر احنا عملناه، كل الي نقدر نعمله دلوقتي هنحطها في غرفه العمليات وتحت المتابعه، ال 48 ساعه الي جايين مهمين جدا وانو عدو بسلامه بكده مرحله الخطر هتنتهي...

ملك اطمنت لحد ما لكلام الدكتور، وفضلت تدعي اني ال 48 ساعه الجايين يعدو علي خير..

مليكه خرجت من غرفه العمليات عشان تتنقل لغرفه تانيه مجهزه بشكل اكبر لحلات التسمم..

مليكه كانت نايمه ومغمي عليها، وجسمها متوصل بمجموعه كبيره من الاجهزه منها لمتابعه النبض في القلب، ومنها الي متوصل عشان يقيس نسبه السموم في الدم..

ملك بصتلها وفضلت تعيط بحسره عليها، وجريت علي سريرها وفضلت تبوس في اديها: مليكه ارجيعلي يا روحي، مليكه متسبنيش انا مش هعرف اعيش من غيرك..

ملك فضلت جنب مليكه وماسكه في اديها ومش راديه تسيبها.. وافتكرت اول مره شافت فيها مليكه وكانت علي البحر.. وسرحت وشرددت في اول لقاء مبينهم..

فلااااااش..

ملك بتحب البحر جداً، ومبتحبش تروح الساحل ولا مارينا وكده، علي الرغم من غناها واني بباها بيمتلك شواطئ ومنتجعات سياحيه في شرم ومارينا والساحل، الا انها بتحب اجواء وبحر اسكندريه...

في يوم بعد ما اتعشت هيا وبباها، طلبت منه طلب...

ملك: بابا انا هخرج شويه، اتمشي علي البحر.

عزيز بقلق: دلوقتي يا ملك، الوقت اتأخر خليها لبكره..

ملك بمحايله: لا والنبي يبابا سبني اخرج ومتخافش هرجع علطول ومش هتأخر..

عزيز: طب خدي معاكي حد من الحرس عشان ابقي مطمن..

ملك بحده: لا يبابا انا مش هاخد حد من الحرس، حضرتك عارف اني بحب اخرج لوحدي..

عزيز قدام مكابره بنته: ماشي يا ملك روحي بس متتأخريش...

ملك بحب: احلي اب دا ولا اي..وطلعت تلبس ونزلت ركبت عربيتها لحد ما وصلت المكان الي بتقعد فيه دايما، المكان بيطل علي البحر، وبيكون قريب من بيتها اوي بتروحله اما تكون حابه تقضي وقت لطيف مع نفسها..

ملك قاعده ومستمتعه بالجو اللطيف، ومستمتعه بالبحر وهدوئه اللافت وفي نفس الوقت الموج بيزيد ويعلي..

وهيا سرحانه مع البحر وبتفكر في احلامها، فجأه لقت طفله قاعده جنب البحر..

ملك بصتلها بأبتسامه علي برائتها وشكلها الجميل وشعرها الناعم..

ملك قاعده باصه علي البحر وفي نفس الوقت عنيها علي الطفله الي خطفت قلبها،وفكرتها مع امها او بباها في الاول.. بس فجأه لقتها بتعيط وبتصرخ بشكل طفولي..

ملك جريت عليها وبكل برائه: اي دا يا انهر ابيض في بنوته حلوه تعيط كده..

مليكه مستمره في العياط، ومش راديه تسكت..

ملك قربت منها ونزلت علي ركبتها ونزلت لمستواها بالشكل الي خلا وشهم في وش بعض..وبصت في عنيها ومره واحده راحت حضناها..

ملك اول ما حضنت مليكه حست بدفا رهيب، محستش انها بتحضن طفله عاديه، من اول حضن اتعلقت بمليكه وحست اني وراها حكايه..

مليكه هديت واطمنت من حضن ملك ليها، وبطلت عياط، وفضلت حضنا ملك ومتبته فيها زي ما يكون بتقولها متسبنيش..

ملك بحب مسكت وشها ومسحت دموعها برقه: ها قوليلي بقا، اسمك اي يجميل انتا؟

مليكه ردت عليها بطفوليه: اثمي مليته..

ملك ضحكت علي برائتها وانها مش عارفه تنطق اسمها صح..

ملك: قصدك مليكه مش مليته؟

مليكه هزت راسها بمعني ايوه..

ملك: طب يا جميل ادينا عرفنا اني اسمك مليكه، فين بقا ماما وبابا هما مش هنا؟

مليكه فضلت تعيط: بابا وماما معرفث..

ملك بطفوله: يحرام انتي شكلك ضايعه يا مليكه..

ملك ادركت اني مليكه ضايعه من مامتها وبباها، ومش عارفه تاخد اي معلومه منها لانها لسه طفله وبتقول اسمها بالعافيه... ملك مش عارفه تتصرف ازاي وتعمل اي لحد ما شافت عم رضا بائع البطاطا في المكان وكانت تعرفه وبتشتري منه..

ملك ندهت لعم رضا: عم رضا، يعم رضا..

عم رضا: ايوه يملك يبنتي في حد مضايقك؟

ملك: لا يعم رضا انا كويسه، بس البنوته دي بتقول اني اسمها مليكه وشكلها كده ضايعه من مامتها وبباها..

عم رضا: هيا شكلها فعلا ضايعه، لاني بقالها ساعتين هنا وعماله تعيط..

ملك بحسره علي مليكه: ساعتين بتعيط وضايعه، دا تلاقي اهلها اتجننو عليها..

عم رضا:وانتي هتعملي اي يبنتي معاها؟

ملك: والله منا عارفه يعم رضا، انا من ساعه مشفتها وانا بحاول افهم منها او اعرف اسم ابوها او امها بس هيا مش عارفه تنطق، وانا دورت وسألت في المكان كله قبل ما اجيلك كله قال محدش يعرفها.. ومش عارفه اعمل اي!

عم رضا: ممكن تاخديها وتوديها للقسم يملك يبنتي وتريحي دماغك وهما هناك هيتصرفو..

ملك: لا لا يعم رضا كده البنت هتتبهدل، انا هاخدها معايا البيت، وانتا عارفني انا ملك عزيز الصفتي، لو حد جه وسأل عليها اديهم الورقه دي دا عنوان الفيلا بتاعتي وهما يجو ياخدوها، وانا بكره برده هاجي هنا وادور علي بباها ومامتها تاني..

عم رضا: ربنا يقدرك علي فعل الخير يملك يبنتي انتي بنت حلال وتستاهلي كل خير، انا هخلي الورقه معايا وان حد سأل علي البنت وقال مواصفتها صح هدلهم علي عنوان بيتك..

ملك خدت مليكه الي كانت نامت علي كتفها من كثر العياط، وركبت العربيه ونيمتها في الكرسي الي جنبها..

ملك وصلت البيت دخلت لقت بباها في مكتبه بيخلص شويه شغل.. خدت مليكه وطلعت الاوضه وغطتها ونيمتها في سريرها..

ملك بصالها وسرحانه في جمالها، طفله عسوله اوي وعنيها جملي، وشعرها ناعم، وفوق كل دا برائتها ورقتها..

ملك بعد ما نيمت مليكه، نزلت لبباها وحكتله كل الي حصل، وبباها وعدها انه هيخلي رجالته يدورو علي بباها ومامتها في اسكندريه كلها..

ملك طلعت لمليكه تاني وفضلت بصالها، وبتفكر يا ترا انتي مين وفين بباكي ومامتك يا مليكه وازاي يسبوكي كده..

وملك نامت من تعب اليوم وتدوير عن اهل مليكه ، بس صحيت من النوم في الليل وقامت مفزوعه علي صويت مليكه..

ملك فتحت النور، وقربت من مليكه خدتها في حضنها وفضلت تهديها وتقرالها قرءان، لحد ما مليكه راحت في النوم تاني، بس ملك فضلت سهرانه لمليكه تقوم مفزوعه من النوم تاني..

تاني يوم عزيز امر رجالته انهم يدورو علي اهل مليكه، بس للأسف مفيش جديد ومش عارفين يوصلو لحاجه..

عدا يوم واثنين واسبوع وشهر وفضل الوضع علي ما هو عليه عزيز ورجالته بيحاولو يدورو علي اهل مليكه ولكن برده مفيش جديد..

ملك يوم عن يوم زاد تعلقها بمليكه، بالشكل الي خلاها تتمني اني اهلها ميزهروش عشان مليكه تفضل في حضنها، ومليكه اتعودت علي ملك وعزيز، وكانت مبتعرفش تنام الا في حضن ملك، وملك كمان اتعودت عليها وبقت مبتعرفش تنام الا في حضن مليكه..

بااااااك..

ملك قاعده مع مليكه في اوضته العمليات وماسكه في اديها وبتعيط وسرحانه في اول لقاء مبينها وبين مليكه..

فاقت ملك من شرودها علي خبطه عزيز بباها علي كتفها..

عزيز: لوكا يا حبيبتي، مش يلا بقا نروح ولو في جديد الدكاتره هيبلغونا..

ملك: لا يا بابا، مش هتحرك ولا امشي من هنا غير اما اطمن علي مليكه..

عزيز: بس يا ملك كده مينفعش، هيا كلها ساعه ولا اثنين وتفوق، يلا نروح ونبقا نجيلها بكره..

ملك بوجع وهيا ماسكه ايد مليكه: قولتلك يبابا مش هتحرك من هنا ومش ماشيه غير اما اطمن عليها..

سلمي: خلاص يعمو عزيز، سيبها علي راحتها، وانا كمان هبقا معاها روح انتا ولو في جديد احنا هنبلغك..

عزيز: خليكي معاها يسلمي وخلي بالك منها دي بتحب مليكه اوي ولو مليكه لقدر الله حصلها حاجه، ممكن ملك تعمل حاجة في نفسها..

سلمي: لا متخافش ان شاء الله مش هيحصل حاجه، ومليكه هتقوم وتبقي زي الفل..

عزيز اتحرك وراح علي الشركه يخلص شويه شغل...

سلمي فضلت قاعده مع ملك وبتخفف عنها، ملك كانت في دنيا تانيه خالص وسرحانه مع مليكه الي مغمي عليها والاجهزه محوطاها في كل حتهه..وفضلو علي كده طول الليل منتظرين مليكه تفوق...



في الاقصر وتحديدا في بيت مريم..

مريم بعد ما رجعت البيت بعد مقابلتها مع ادهم..جت دخلت اوضتها وفضلت تفكر في ادهم والي حصل مبينهم من شويه.

حكمت امها دخلت عليها: مالك جايه مبسوطه اكده؟ ادهم بخير بقا ومكنش في حاجه زي ما كمال قالك..

مريم بحب: ايوه بخير ويارب يفضل بخير دايما

حكمت: مالك يا مريم، متبطلي محن بنات عاد

مريم: في اي يا امي، بحبه بحبه حسي بيا..

حكمت: واخره الحب دا اي يمريم، لازم يجي ويتقدملك، ولو ادهم مجاش خدي كمال ولد عمه..

مريم بأستغراب علي كلام امها: كمال مين يا امي انا عاوزه ادهم، انا بحب ادهم مش كمال..

حكمت بهدوء وخبث: وانا ميهمنيش انتي بتحبي مين فيهم الي يهمني انك تتجوزي شاب من شباب بيت الجوهري ان كان ادهم او كمال..

مريم فضلت تعيط: حرام عليكي يا امي، متفرقيش مبيني وبين ادهم، انا بحب ادهم ومش هعرف اعيش من غيره..

حكمت سابتها تعيط وخرجت من الاوضه..

مريم فضلت تعيط علي الي بيحصلها هيا وادهم، واني مهما ان كان هيا بتحبه اوي، بس برده متعرفش هيكون من نصيبها ولا لا..



في الاقصر ولكن في بيت الجوهري..

صادق قرر قرار مصيري بالنسبه لادهم، ومرديش يقوله عليه الا ما يعرف ازاي ادهم كلم كمال ورن عليه قدام الظابط مع اني دا مش كمال..

صادق: ممنوش فايده انا خلاص قررت قرار مهم ليك يا ادهم..

ادهم: قرار اي ده يبووي؟

صادق: قولي الاول كيف رنيت علي كمال قدام الظابط، وازاي كلمته وكلمك مع اني سألت كمال بعديها قالي ادهم مرنش عليا واصل..

ادهم افتكر الموقف وضحك علي الي عمله، وكمل كلامه وقعد يفهمهم عمل كدا ازاي..

ادهم: مهو فعلا الي رانيت عليه دا مش كمال، دا حسام ابن خالي.

صافيه: حسام!! كيف ده وازاي هو كان بيكلمك علي انه كمال..

ادهم: انا هفهمك وابتدي يحكي الي عمله واتصرف ازاي..

فلاااااش..

ادهم بعد ما رتب كل حاجه وعطل الكاميرات، ونزل كمال البدروم، وادي اوامره للحارس سالم انه يخفي عربيه كمال، قعد يفكر اي الي ممكن ظابط المباحث يعمله اما يجي، وخمن انه ممكن يرن علي كمال قدامهم عشان يوقعه انه مش في مصر وانه في النجع ومستخبي في البيت..

ادهم قعد يفكر يعمل اي ويتصرف ازاي لو اتحط في موقف زي دا، لحد ما جاتله فكره انه يرن علي حسام ابن خاله وبما اني حسام عنده ملكه وموهبه تقليد الاصوات فهيعرف يقلد صوت كمال، وخاصه اني حسام يعرف كمال واتعامل معاه يعني هيعرف يقلد صوته وبسهوله..

استووب..

حسام يكون ابن خال ادهم، شاب زكي جدا ، بيدرس في كليه الهندسه جامعه اسكندريه، بس مبيحضرش ومع ذلك بيجيب تقديرات عاليه،روحه حلوه وخفيف الظل وبيحب الهزار، عايش مع ابوه، وعنده ملكه وموهبه تقليد الاصوات..

قرر ادهم يرن علي حسام لانه الوحيد الي هيعرف يقلد صوت كمال.. ومسك تلفونه ورن عليه بسرعه قبل ما الحكومه توصل..

حسام : البشمهندس ادهم ابن عمتي الي مطنشني ومبيسألش عليا بقاله فتره..

ادهم بحده: حسام اسمعني مفيش وقت عاوزك في طلب ومحدش غيرك هيعرف يعمل دا

حسام بخوف علي ابن عمته وصديق عمره: مالك يا ادهم انتا كويس؟

ادهم: انا كويس بس لحد دلوقتي، لازم تساعدني والا كمال هيروح في داهيه..

حسام: اؤمرني وقولي انتا عاوز اي وانا مش هتأخر عنكم..

ادهم بدأ يشرح لحسام بسرعه الي هيعمله: كل الي طالبه منك اني ممكن ارن عليك كمان شويه، انتا ترد عليا وتتعامل معايا كأنك كمال ابن عمي، وانا هقولك انتا فين تقولي انا في مصر مع صحابي ودا طبعا بعد ما تعمل نفسك قلقان وتقولي ازاي ترن عليا دلوقتي والوقت متأخر، بس اهم حاجه اما اسئلك انتا فين ترد عليا وتقولي انك في مصر.. ودي حاجه ساهله بالنسبالك دا تقليد الاصوات لعبتك

حسام بعدم فهم: طب قولي بس في اي يا ادهم؟

ادهم: هفهمك بكره يلا سلام دلوقت،  ومتنساش تنفذ الي اتفقنا عليه..

حسام: ماشي خلي بالك انتا من نفسك..

ادهم قفل مع حسام ابن خاله ونزل يقابل الظابط وزي ما اتوقع وتخمينه طلع صح والظابط طلب منه يرن علي كمال ابن عمه..

باااااااااك

ادهم بيحكي لاهله الي حصل مبينه وبين حسام وازاي اتوقع اني ممكن الظابط يفكر بالطريقه دي...

صافيه بضحك: وحسام ابن خوووي، عرف يقلد صوت كمال؟

ادهم بضحك: نفس الصوت يا امي، حسام بسم الله ماشاء الله عليه عنده ملكه التقليد بشكل زايد عن الحد، انا كنت هضحك من كثر ما بيقلد كمال بس مسكت نفسي.

توحيد عملت فيها ناصحه: طب كيف الظابط مخدش باله اني الرقم الي بترن عليه متسجل بأسم حسام ابن خالك، مش كمال ولد عمك..

ادهم: ودي حاجه تفوتني برده، اكيد غيرت الرقم وبدل مكان بتسجل بحسام سجلته بكمال، والظابط مركزش علي الاسم هو كان مركز علي الصوت والي هيتقال في المكالمه..

صادق: عفاهم عليك يا ولدي، انتا كبرت في نظري قووي قووي، ربنا يحميك، انتا تستحق المكانه الي هحطك فيها..

ادهم: انا تربيتك يا بووي وكل الي وصلتله من نجاحات والي لسه هوصله فالفضل اولاً لربنا ثم ليك يبووي..

صافيه بحب وفخر علي ولدها: ادهم طول عمره دماغه زينه، ومولود راجل وكبير..

صادق: بمناسبه الكبير، انا خلاص قررت ولسه هيكمل لقا الحارث سالم داخل عليهم..

سالم: صادق بيه، الظابط الي كان بيحقق في التحقيق بره وطالب يقابل ادهم بيه..

صادق: طالب يقابل ادهم، اشمعنا ادهم يعني؟

سالم: مخبرش يبيه هو طلب انه يقابل ادهم بيه ومقالش اكثر من كده..

صادق: جاي لوحده ولا معاه قوه من المركز..

سالم: لا لوحده يبيه وبلبسه الملكي مش الميري كمان..

صادق: طب خليه يتفضل ودخله غرفه استقبال الضيوف..

صافيه بخوف علي ابنها: لي يعني طالب ادهم بالاسم يقابله؟

صادق: ادينا هنشوف يا ام ادهم..

ادهم: انا بقا عارف هو جااي ليه... ونزل عشان يقابل الظابط..



يا ترا مليكه هتفوق وتبقا كويسه؟ ولا السم هيكون له رأيه تاني وهيتغلب عليها ويموتها؟

يا ترا مريم هتعمل اي وتتصرف ازاي مع امها؟ وهل هتسمع كلامها وتفكر انها تحب كمال؟

يا ترا اي القرار المصيري الي خده صادق بخصوص ادهم؟

يا ترا لي الظابط طلب مقابله ادهم بالتحديد؟ وادهم هيتصرف معاه ازاي؟

وللحديث بقيه..

دمتم بود..

للكاتب.. حسن خالد..