စစ်ကျွင်းတောက်က သူ့လက်ထဲရှိ ကတ်ကလေးကိုကြည့်လိုက်သည်။ ထိုကတ်က အသည်းပုံလေးဖြစ်သည်။ ၎င်းပေါ်တွင် အဖြူအမဲဖြင့်ရေးသားထားသည်မှာ :
ဗယ်လင်တိုင်းနေ့ရောက်တော့ပါမယ်... မစ္စတာစစ်နဲ့ မစ္စတာဝမ်တို့ ပျော်ရွှင်စရာဗယ်လင်တိုင်းနေ့လေး ရပါစေလို့ ဆုတောင်းပေးပါတယ်....
ထိုကတ်နှင့်အတူ နှင်းဆီပန်းတစ်သေတ္တာလည်း ရှိနေသည်။
ဝမ်မင်ယီက ထိုပန်းဆိုင်မှ နှင်းဆီပန်းတို့ကို မှာယူသည်မှာ တစ်နှစ်မျှရှိနေလေပြီ။ သူက နှင်းဆီပန်းများကို မကြာခဏမှာလေ့ရှိသည်။ သူက သုံးလေးရက်တစ်ခါတိုင်း လက်တစ်ဆုပ်စာပန်းစည်းကို မှာလေ့ရှိ၍ ထိုဆိုင်တွင် VIPဖြစ်လာခဲ့သညိ။ ဗယ်လင်တိုင်းနေ့နီးလာပြီဖြစ်၍ ပန်းဆိုင်မှာ သူ၏VIPဖောက်သည်ကို ကျေးဇူးတင်ရန် နှင်းဆီပန်းတစ်သေတ္တာပို့ပေးပြီး သူတို့၏အချစ် ထာဝရတည်မြဲရန်ဆုတောင်းပေးလေသည်။
စစ်ကျွင်းတောက်က စာကတ်ကိုကြည့်ရင်း ဗယ်လင်တိုင်းနေ့ လာတော့မည်မှန်း သိလိုက်ရသည်။ သူနှင့် ဝမ်မင်ယီတို့ ဗယ်လင်တိုင်းနေ့ကို အတူတူမဖြတ်သန်းရလောက်ပေ။
သူတို့က ဗယ်လင်တိုင်းနေ့ကို အတူတူမဖြတ်သန်းရရုံမျှမက ပုံမှန်နေ့များလို ဖြတ်ကျော်ရမည့်ပုံပင်။ ၎င်းက အတော်လေးရင်းနှီးကျွမ်းဝင်လာ၍ ဖြစ်လာသည့် ကိစ္စမျိုးပင်။ စစ်ကျွင်းတောက်က သူတို့နှစ်ယောက်၏ခံစားချက်များမှာ အလွန်တရာရင်းနှီးကျွမ်းဝင်နေပြီဖြစ်၍ အပြင်ထွက်လည်ပြီး အချိန်ကောင်းလေးများ အတူတူဖြုန်းကြခြင်းဟူသည်ကိုပင် သိပ်မမျှော်လင့်မိကြတော့ပေ။
စစ်ကျွင်းတောက်က သူ့ပြက္ခဒိန်ပေါ်တွင် ဆယ့်လေးရက်နေ့ကို ဝိုင်းလိုက်ပြီး လင်းမူကိုပြောလိုက်သည်။
"ငါ ၁၄ရက်နေ့မှာ နားမယ်... အဲ့နေ့အတွက် အချိန်ဇယားတွေ ဖယ်ပေးဦး..."
လင်းမူက ဖေဖော်ဝါရီ၁၄ရက်နေ့တွင် နားမည်ဟူသော စကားကြောင့် ထိတ်လန့်သွားရသည်။
ဘော့စ်က နှင်းဆီပန်းမိန်းကလေးနဲ့ ဒိတ်လုပ်မလို့များလား...
"ဟုတ်ကဲ့..."
သူမပြောလိုက်သည်။
"ကျွန်မစီစဉ်လိုက်ပါ့မယ်..."
YOU ARE READING
ဗီလန်ဥက္ကဋ္ဌ၏ခွေးနှင့်ကြောင်အဖြစ် ပြန်လည်၀င်စားခြင်း ( BL ) ( Completed )
AdventureDescription မရေးတော့ဘူနော်။ရေးရင် တင်မရတော့လို့။ IQ team ထံမှ တစ်ဆင့်ပြန်တင်ပြီးဖော်ပြဖို့ ခွင့်ပြုချက်ရပြီးသားပါရှင့်။ဒီစာစဥ်လေးက IQ team အပိုင်ဖြစ်ပြီး ဘာသာပြန်သူတွေကလည်း IQ team က မင်မင်တွေပဲဖြစ်ပါကြောင်း နဲ့ ဒီစာစဥ်ကို အဇူး မပိုင်ပါဘူးဆိုတဲ့အကြေ...
Extra 1
Start from the beginning
