Chapter 105
.
ဝမ်မင်ယီက နောက်တစ်နေ့တွင် ကားအသစ်ကိုစီးကြည့်ပြီး ညနေဘက်တွင် စစ်ကျွင်းတောက်ကို သွားကြိုသည့်အခါ ဝမ်ပေါ်၏ မတော်တဆမှုသတင်းကို ကြားလိုက်ရသည်။
" ဘယ်လိုဖြစ်တာလဲ ..."
" ကြည့်ရတာ ကျန်းဇီမော့နဲ့စကားများလို့ ရုန်းရင်းဆန်ခတ်ဖြစ်ရင်း ကားတိုက်ခံရတာထင်တယ် ... အခု လောလောဆယ် ဝမ်ပေါ်က ဆေးရုံမှာရှိနေတုန်းပဲ ... ဒီရက်ပိုင်းအတွင်း မနိုးလာရင် အသက်မရှင်နိုင်တော့ဘူးတဲ့ ..."
ဝမ်မင်ယီ ခဏတာ အံ့အားသင့်သွားပြီး သူ့ယခင်ဘဝကို တွေးမိလိုက်သည်။ သူသည်လည်း ကျန်းဇီမော့နှင့် စကားအချေအတင်များခဲ့ရာမှ ယာဉ်တိုက်မှုဖြစ်ခဲ့ရသည်ပင်။ မမျှော်လင့်ပဲ ဤဘဝတွင် ယာဉ်တိုက်မှုဖြစ်ခဲ့သူက ဝမ်ပေါ်ဖြစ်နေခဲ့သည်။
ဤကိစ္စက မကောင်းမှုအတွက် လက်စားချေတုံ့ပြန်ချက်တစ်ခုဖြစ်သည်ဟု ဝမ်မင်ယီ တွေးလိုက်မိသည်။ သူသေဆုံးခဲ့စဉ်အချိန်က ဝမ်ပေါ်က ကျန်းဇီမော့ကို ကာကွယ်ပေးခဲ့ရုံသာမက စစ်ကျွင်းတောက်ကိုပါ စွပ်စွဲခဲ့သည်။
" ဝမ်မင်ယီ ဆုံးရှုံးတာ ဘဝတစ်ခုတည်းပါ ... ရှောင်မော့ကတော့ သူ့အချစ်ကိုဆုံးရှုံးခဲ့တာလေ အဲ့ဒါကြောင့် ရှောင်မော့ကို ခွင့်လွှတ်ပေးလိုက်ပါ ...."
သို့သော် ယခုအခါ ဝမ်ပေါ်က မျက်လုံးများမှိတ်ကာ သတိမေ့နေပြီဖြစ်၍ ထိုကဲ့သို့မေးခွန်းမျိုး အမေးခံရတော့မည်မဟုတ်ပေ။
ဝမ်မင်ယီ ထိုအကြောင်းကိုတွေးမိတိုင်း ဒေါသထွက်လာပြီး ဝမ်ပေါ်ကို ထိုးပစ်ချင်လာသည်။ သို့သော် ဝမ်ပေါ်က မျက်လုံးများပိတ်နေပြီဖြစ်၍ ဘာမှခံစားနိုင်တော့မည်မဟုတ်ပေ။ သူ လက်စားသွားချေလျှင်ပင် ဝမ်ပေါ်က မြင်နိုင်ကြားနိုင်တော့မည်မဟုတ်သာ့်အတွက် ပျင်းစရာကောင်းလွန်းလှသည်။
" ကျွန်တော်တို့ သူ့ကိုသွားတွေ့ကြမှာလား ..."
ဝမ်မင်ယီမေးလိုက်သည်။
" မင်မင်သွားချင်လို့လား ..."
စစ်ကျွင်းတောက်သူ့ကိုမေးလိုက်သည်။
YOU ARE READING
ဗီလန်ဥက္ကဋ္ဌ၏ခွေးနှင့်ကြောင်အဖြစ် ပြန်လည်၀င်စားခြင်း ( BL ) ( Completed )
AdventureDescription မရေးတော့ဘူနော်။ရေးရင် တင်မရတော့လို့။ IQ team ထံမှ တစ်ဆင့်ပြန်တင်ပြီးဖော်ပြဖို့ ခွင့်ပြုချက်ရပြီးသားပါရှင့်။ဒီစာစဥ်လေးက IQ team အပိုင်ဖြစ်ပြီး ဘာသာပြန်သူတွေကလည်း IQ team က မင်မင်တွေပဲဖြစ်ပါကြောင်း နဲ့ ဒီစာစဥ်ကို အဇူး မပိုင်ပါဘူးဆိုတဲ့အကြေ...
