" ငါတို့ကျောင်းကန်တင်းမှာ မင်းကိုလိုက်ကျွေးမယ်လေ ဒါမှမဟုတ် အပြင်မှာစားချင်လား ..."
လုယွင်ဖေးက မေးလိုက်သည်။" ကန်တင်းပဲသွားရအောင် ... ငါ ကန်တင်းမှာ မစားရတာတော်တော်ကြာပြီ ..."
" ဒါဆိုလည်း သွားရအောင် ငါတို့ကျောင်းကန်တင်းက စားစရာတွေက ကောင်းတယ် ..."
" သွားကြတာပေါ့ ..."
ပြန့်ကျင်းယွမ်က သူတို့နောက်မှ တိတ်တဆိတ်သာလိုက်လာပြီး ဝင်မနှောင့်ယှက်ပေ။ သူ့ကိုကြည့်ရသည်မှာ တစ်ယောက်တည်း အေးအေးလူလူ လမ်းလျှောက်နေသည်နှင့်ပင်တူသည်။
လုယွင်ဖေးနှင့် ပြန့်ကျင်းယွမ်က ဝမ်မင်ယီ့အတွက် စားစရာများ မှာပေးလိုက်သည်။ သူတို့စားပွဲတွင် ထိုင်လိုက်ချိန်၌ ဝမ်မင်ယီ့ထံသို့ ဖုန်းတစ်ခု ဝင်လာသည်။
ဝမ်မင်ယီက တစ်ချက်ကြည့်ပြီးနောက် ပြန်မဖြေပဲ စားပွဲပေါ် မှောက်ထားလိုက်သည်။
လုယွင်ဖေးက သူ့ကိုမေးသည်။
" ဖုန်းမကိုင်ဘူးလား ..."" ငါမကိုင်ချင်လို့ ..."
" ဘယ်သူလဲ မင်းအဖေလား ..."
" ငါ့မှာအဖေမှ မရှိတာ အဲ့ဒါ ဒါရိုက်တာကျောက်လေ ... ဆက်ဆံရေးတွေကို မရောထွေးပစ်ပါနဲ့လား အိုကေ..."
လုယွင်ဖေး "....."
ဘေးတွင်ထိုင်နေသည့် ပြန့်ကျင်းယွမ်က ပြုံးရုံသာပြုံးပြီး ဘာမှမပြောပေ။
ဖုန်းက အချိန်အတော်ကြာမြည်နေပြီးမှ ရပ်သွားသည်။ လုယွင်ဖေးက ဝမ်မင်ယီကို လှမ်းကြည့်လိုက်သည့်အခါ သူ့မျက်နှာက တည်ကြည်နေသည်ကိုသာ တွေ့လိုက်ရသည်။ စားနေစဉ်မှာပင် သူကချီးကျူးလိုက်သည်။
" မင်းတို့ ကန်တင်းက စားစရာတွေ တော်တော်ကောင်းတာပဲ ..."" ဒါဆိုလည်း ထပ်စားဦးလေ ..."
လုယွင်ဖေးက ဟင်းများ ထပ်ထည့်ပေးနေသည်။စားပွဲပေါ်မှ ဖုန်းက ထပ်မြည်လာပြန်သည်။
လုယွင်ဖေးက ဖုန်းကိုလှမ်းကြည့်လိုက်သောအခါ screenပေါ်တွင် နည်းပြကျောက်ဟု မှတ်ထားသည်ကို မြင်လိုက်ရသည်။
YOU ARE READING
ဗီလန်ဥက္ကဋ္ဌ၏ခွေးနှင့်ကြောင်အဖြစ် ပြန်လည်၀င်စားခြင်း ( BL ) ( Completed )
AdventureDescription မရေးတော့ဘူနော်။ရေးရင် တင်မရတော့လို့။ IQ team ထံမှ တစ်ဆင့်ပြန်တင်ပြီးဖော်ပြဖို့ ခွင့်ပြုချက်ရပြီးသားပါရှင့်။ဒီစာစဥ်လေးက IQ team အပိုင်ဖြစ်ပြီး ဘာသာပြန်သူတွေကလည်း IQ team က မင်မင်တွေပဲဖြစ်ပါကြောင်း နဲ့ ဒီစာစဥ်ကို အဇူး မပိုင်ပါဘူးဆိုတဲ့အကြေ...