စစ်ကျွင်းတောက်သည် ဘေစင်တွင်ခေါင်းငုံ့ကာ လက်ထောက်လျက်သားပင် ရေပန်းကိုပိတ်လိုက်သည်။
သူပါးစပ်နှင့်မျက်နှာကိုဆေးကြောပြီးသည်နှင့် အ၀တ်အစားလဲပြီး ရေချိုးခန်းထဲမှထွက်လာခဲ့တော့သည်။ ထို့နောက်၀မ်မင်ယီမှာ သူ့အိပ်ယာပေါ်တွင် ညအိပ်၀တ်စုံပင်မလဲရသေးပဲ ထိုင်နေဆဲဖြစ်သည်ကိုတွေ့လိုက်ရသည်။ သူ၏ခေါင်းလေးကိုငုံ့လျက်ဖုန်းကိုကြည့်နေသည်မို့ နူးညံ့သောလည်တိုင်လေးမှာ မျက်စိကျိန်းဖွယ်တောက်ပနေခဲ့သည်။
စစ်ကျွင်းတောက် အလွန်သက်တောင့်သက်သာမရှိစွာချောင်းဟန့်လိုက်သည်။
၀မ်မင်ယီ ခေါင်းမော့ကြည့်ပြီးမေးလိုက်သည်။
"အပြင်သွားမလို့လား"
"အင်း လုပ်စရာလေးရှိလို့၊ မင်းရော ကျောင်းသွားစရာမလိုဘူးလား"
"ဟင့်အင်း" ၀မ်မင်ယီခေါင်းခါလိုက်သည်။
"ကျွန်တော်မနေ့ကမှရှာဖွေမှုထိပ်ဆုံး၀င်ထားတာ...ကျောင်းဂိတ်တံခါးမှာ ဖန်တွေတိုးကြိတ်နေလိမ့်မယ်...
အခြေအနေနည်းနည်းငြိမ်သွားမှ သွားတော့မယ်"
"ကောင်းတယ်"
စစ်ကျွင်းတောက် သူ့အား အတင်းမတိုက်တွန်းချေ။
၀မ်မင်ယီက စစ်ကျွင်းတောက်၏စကားလုံးသေးသေးမွှားမွှားကပင် အာရုံစိုက်သည်။ သူကအလုပ်သွားမှာဟုမပြောပဲ လုပ်စရာရှိ၍ အပြင်သွားမည်ဟုသာပြောသဖြင့်ထပ်မေးလိုက်သည်။
"အလုပ်ကိုမသွားဘူးလား"
"အင်း"
"ဒါဆိုဘယ်သွားမလို့လဲ" ထို့နောက်မျက်လုံးကိုကျဉ်းမြောင်းလိုက်ပြီး
"ကျန်းဇီမော့ကိုသွားတွေ့မှာလို့တော့မပြောနဲ့နော်"
စစ်ကျွင်းတောက်မှာ ဆွံ့အသွားရသည်။
"ကိုယ်ကတိပေးထားတာကိုမဖျက်ပါဘူး ။ စိတ်မပူပါနဲ့ ...ကိုယ် ကျောက်ယန် ကိုသွားပြီး အဲဒီကဘော့စ်နဲ့ မင်းရဲ့စာချုပ်အကြောင်းဆွေးနွေးမလို့ပါ"
"ကျွန်တော်လည်းလိုက်မယ်"
၀မ်မင်ယီကဆိုလိုက်သည်။
"မဟုတ်ရင်လည်းကျွန်တော်အားနေတာပဲလေ"
YOU ARE READING
ဗီလန်ဥက္ကဋ္ဌ၏ခွေးနှင့်ကြောင်အဖြစ် ပြန်လည်၀င်စားခြင်း ( BL ) ( Completed )
AdventureDescription မရေးတော့ဘူနော်။ရေးရင် တင်မရတော့လို့။ IQ team ထံမှ တစ်ဆင့်ပြန်တင်ပြီးဖော်ပြဖို့ ခွင့်ပြုချက်ရပြီးသားပါရှင့်။ဒီစာစဥ်လေးက IQ team အပိုင်ဖြစ်ပြီး ဘာသာပြန်သူတွေကလည်း IQ team က မင်မင်တွေပဲဖြစ်ပါကြောင်း နဲ့ ဒီစာစဥ်ကို အဇူး မပိုင်ပါဘူးဆိုတဲ့အကြေ...
