🔮المكتوب ما منو هروب🔮
كولنا كانعرفو هاد الجملة، كولنا كانعرفو معناها، كولنا راضيين بمكتابنا و قدرنا خيره و شره، كيفاش غانكون عااايشة ما بيا ما عليا حتى يتسلط عليا المكتوب من حيث لا أحتسب؟ حاجة صعيبة نتقبلو فاللول ولكن هادشي كايبقى قدر مكتبولنا الل...
بعد مرور سنوات💠 هي سنين كاتفوت .. كايموت اللي يموت و يعيش اللي يعيش و يتولد فرد ولا أفراد جديدة ينورو عائلتنا اللي زااادت كبرات، هادي حالة عائلتنا السعيدة "عائلة مالك"
خارجة من الماريو دماماها .. فتاة شقراء الشعر .. عندها مكريپي و العوينات كوحل كباار .. فمها عامر عكر مجخمط، لابسة كسوة سوارية خاصة بالليالي الحمر جاتها طويييلة نازلة علىى كتافها و شعرها مشنتف زعما راها طالقاه، لابسة طالون كبيييير عليها ديال ماماها و غادة كاتبتاسم و تشوف فراسها فالمراية
ياقوت من باب البيت داخلة شادة على نصها .. مسبقة كرشها المقنبلة:وفااء .. واش ديما غانبقى نقلب عليك هاكا فحال الحمقة (قربات عندها مغوبشة) اوووف ثاني لابسالي كسوتي و صباطي .. لقيتييني كرشي سابقاني امانا نوريك الشغل
ياقوت مخنزرة:لا لا كبرتي وولا ليك اللسان كاترادي معايا .. اصلا شغانتسنا من تريكة باك .. لسانك ماضي ياختيي .. زيدي قدامي دابا راني على أعصااابي
وفاء مخنزرة فيها:مسمومة
ياقوت بعصبية:وفااء .. دويت معاك .. اجي لهنا (قربات عندها كاتحيدلها الكسوة و الصباط و وفاء كاتهرنن و تدوي بلساان ثقييل .. تعطلات فالهضرة و باقي كايتلفولها الحرووف .. عندها حاليا قريبة ثلث سنين .. واخدة شوية من باها شوية من مها، مزاج باها و الگانة دمها .. كايحمقها الماكياج و اللباس الكبير عليها .. دايرة فحال شي شوييرفة، حيداتلها ياقوت داكشي و جراتها خارجين من البيت) -زيدي راه جدك مختار كايقلب عليك و حتى ولاد خالتك و حبيبك واش ماتوحشتيهمش! راهما جاو
ياقوت بالكاد باش تمالكات أعصابها مع هاد البنية اللي عندها .. عريييفة و مكاتعرفش تسكت .. نزلو لتحت فين كانو چالسين صغار العائلة .. البراهش اللي جاو ضياف للفيرمة .. اصلا حتى ياقوت و سليمان وبنتهم جاو ضياف علاما تولد ياقوت محتاجة اللي يقابلها .. حيت هي حاليا فشهرها التاسع .. فالأصل هي و سليمان هاجرو لبرا .. استقرو حاليا فنيويورك .. فين كان سليمان كايقرا و بدا حياتو تما .. كايرتاح فيها،
أما هناء و يعقوب فهما فتارودانت فين يعقوب قريب للخدمة كثر و حتى هناء عندها عيادة خاصة بيها للحيوانات
أما بالنسبة لسمارة و محمد .. فهوما استقرو فطنجة بناءا على رغبة سمارة حيت رتاحت فيها .. و النيت دارت أطوليي خاصة بيها للديكورات و الديزاين و محمد قابل وزينات و شركات خاصين بيهم من تما .. قررو يتجمعو كااملليين فالفيرمة خصوصا أن العطلة الصيفية جات و الجدين توحشو حفايدهم .. السي منتصر و السي مختار .. زادو كبرو فالسن قراب يتوادعو مع الدنيا .. و هوما مرتاحين فداخلهم من قرارهم فالماضي، فاش زوجو الحفايد رتاحو و فاش كل وحدين فيهم تفاهمو و دارو دارهم وولادهم و حياتهم .. رتاحولهم كثر
هناء خارجة هي و سمارة من الكوزينة كايضحكو ...غلاضت و طبزات شوية .. الحنيكات بانو كثر و شعرها باين تحت الشد اللي غي حاطاه .. طوالها حد الكتاف مبتاسمة لاهيا ولا حبيبتنا السمراء ..:هههه واييه محتاجة نبدل الديكور .. فاش تولد ياقوت غانمشيو لعندي و دوري على خاطرك فالدار و عطيني شي ديكور معتبر نديرو ..
سمارة مبتاسمة:مرحبا ألوستي الحبيبة هههه (كاتدور فعينيها) عمر .. عبيير براكة من التنقاز صدعتو جدكم
عمر/عبير دقة وحدة:واخا اماماا
هناء بابتسامة:ويينو على التواام .. حمقوني دوك الزوج عندك ههههه نسخة طبق الأصل منك
