#عائلة_مالك👑
#الجزء15
بقلم: هناء المنصوري✍🏻
🌑المساء🌑
نازلة سمارة من بيتها بجلابة طويلة فاللون الابيض فالكمام عندها الدونتيل فالاسود و حتى من الطولة من لتحت و شعرها مطلوق على راحتو، كاتشوف جيهت خوتها اللي موجدين راسهم حتى هوما و جدها و ماماها و الضريرات الزوجات🙄
رقية معلية حاجبها:بنتي نتيا جمعي داك الشعغ
سمارة حطات يدها على شعرها كاتهز بكتوفها:لا علاش غانجمعو .. انا كايعجبني مطلوق
حياة مرات يعقوب كاتشوف فيها و ضحك:ههههه بنتيلي عاجبك هاد الزواج و سكسفتي بلعااااني باش تعجبي العريس ياااكي هههههه
يعقوب خنزر فيها:سكتي
حياة شافت فيه:مالي شنو قلت؟
يعقوب مخنزر:نتي و منى مغاتمشيوش معانا
الحاج مختار:لا غاتمشي كاع العائلة
منى كاتشوف فيه عابسة:جدي انا يلاه تزوجني سيمانة مكاملاش غايتزوج بوحدة اخرى .. ماشي حرام هادشي
الحاج مختار خنزر فيها:و من فوقاش نتي كاتدخلي فهاد الامور؟؟
منى حنات راسها عابسة:سمحلي اجدي
يعقوب بجدية:دابا اشنو غايوقع لموافقناش؟
الحاج شاف فيه بحدة:اللي مغايقبلش ما هو حفيدي مانا جدو (ضرب بعكازو فاللرض كايشوف فيهم بثلاثة) فهمتووني
سليمان شاف فيعقوب كايتغامزو:فهمنااك
سمارة بعصبية:لمابغاليش نكمل قرايتي مغانقبلش
الحاج شاف فيها بنص عين:مللي نعطيي قرااريي بخصووصك نتي بالضبط مكايحقلكش تقولي لااا
سمارة عضات على شفتها التحتية بقووة حانية راسها معاجبها حال
الحاج تاجه جيهت الباب:يلاهو زيدو لا كنتو واجدين .. و هااد الخطرة وااياااكم شي حد يخرج لماعطيتكومش أنااا الإذن
خرج سابقهم تبعوه يعقوب و سليمان و رقية و سمارة .. اما الضريرات فخنزرو فبعضياتهم و خرجو تابعينهم محااامليينش الوضع
🔮منزل الحاج منتصر🔮
رحيمو لصفية:شوفي الدجاج واش تحمر مزيان
صفية:واخا أخالتي (مشات بالزربة .. و رحيمو دارت كاتشوف فالبسطيلة دالحوت اللي قادوها حتى سمعات صوت الدقان، تحنحنات و حيدات الطابلية اللي كانت لابساها فوق قفطانها و مشات خارجة لبرا، مع خرجتها بانولها عبد الله و الحاج منتصر غاديين جيهت الباب .. و محمد و ياقوت و هناء نازلين من الدروج بعدما وجدو راسهم
الحاج حل الباب مبتاسم:مرحباا بيكم تفضلو مرحباا
الحاج مختار تبسم:ترحب بيك الجنة اخويا .. ماتحتاجش كل خطرة تعذب راسك نتا و تفتحلنا الباب بيدك
YOU ARE READING
🌺عائلة مالك🌺( مكتملة )
Action🔮المكتوب ما منو هروب🔮 كولنا كانعرفو هاد الجملة، كولنا كانعرفو معناها، كولنا راضيين بمكتابنا و قدرنا خيره و شره، كيفاش غانكون عااايشة ما بيا ما عليا حتى يتسلط عليا المكتوب من حيث لا أحتسب؟ حاجة صعيبة نتقبلو فاللول ولكن هادشي كايبقى قدر مكتبولنا الل...
