#عائلة_مالك👑
#الجزء23
بقلم: هناء المنصوري✍🏻
📍فالغرفة لفوق📍
دخلات هناء و هي تلقى ياقوت مغمضة عينيها مررخية معاها كوافورة كاتقادلها مكياج ثقيل دالعرايسات فالمساحة اللي فوق عينيها و تحت حواجبها، و الشعر عندها ملوي و مجموع .. تبسمات كاتشوف فيها سااهية و هي تقفز من وحدة تقدمات عندها .. حنحنات عليها
هناء:خلعتيني
البنت بابتسامة:نتي هناء يااك .. انا اختصاصية دالميكب دالمحجبات و كاندير حتى الشدات ديال الشال زوينين للمناسبات غانتكفل بيك اليوم ..
هناء بابتسامة صفرا:متشرفين
البنت:لا كنتي واجدة اجي نبداو باش يلاه ندرك نكملك
هناء بتاسماتلها:واخا (شافت فسمارة اللي مع الدخلة شداتها واحد البنت كاتمسحلها وجهها بكلينيكس فازك بواحد الكريم و قادات واحد الماسك ديجا خلطاتو .. كاتحطولها فوجهها .. حتى هناء جلسات فواحد الكرسي و تقدمات عندها البنت اللي مختصة بيها .. كاتماصيلها وجهها حتى ترخااات و بداتلها فالماسكات و داكشي)
⏳⏳ بعد مرور وقت طويييل دالماكياج و الشعر يتقااد و العروسات ختارو جوج داللباسي للوحدة اللي عجبوهم،
ياقوت معوجة وجهها عند هناء و بنت قدامها كاتبردلها الضفار كاتلصقهوملها:ياختي و ياختي و جيتي فنيونةة
هناء تبسمات:ههههه حتى نتيي غزاالة
ياقوت بتسائل:كي بقاتلك ديك الرجيلة
هناء بهدوء:مزيانة كانصطم عليها
ياقوت تبسمات:بالشفاء .. (شافت جيهت سمارة) حتى نتي جيتي زوينة بزاف
سمارة تبسماتلها .. الشعر تصايب كايجمعولها للمشيطة و الوجه مضوي بمكيااج ثقييل حتى هي غامق اللون جاي مع سمورية بشرتها:شكرا احبيبة لهلا يخطيك
ياقوت:اميين حتى نتيا
سمارة بابتسامة:صدقتو ضريفات من ديما كنت كانضنكم قبيحات نتوما و عائلتكم
هناء:بالعكس حنا زوينات مع اللي زوين معانا ههه
سمارة تنهدات بقوة:زدت تأكدت انكم طيبات من نهار الحريق فاش شدات فيا ياقوت و كانت كاتحفزني نزييد نخرج .. صراحة ديك الحادثة زادت قرباتنا
هناء تبسمات:اممم .. خوك عاوني .. لدابا ماقلتلوش شكرا😌
ياقوت:خاصك تقوليهالو .. انا شكرت سليمان واخا تصرف ببرود و خلاني واقفة فبلاصتي مرگت
هناء تبسمات باستهزاء:اذن بلا مانشكرو .. مباغاش يقمعني فحال المسيو ديالك😒
البنت اللي كاتقادلها:عفاك علي راسك
هناء ومأتلها براسها:واخا ..
البنت تقابلات معاها كاتقادلها الشد مبتاسمالها .. الشد دالدونتيل فاللون الذهبي .. شكلو زوين بزاف و الماكياج اللي قاداتولها دالبريو فلون الشد الذهبي
ESTÁ A LER
🌺عائلة مالك🌺( مكتملة )
Ação🔮المكتوب ما منو هروب🔮 كولنا كانعرفو هاد الجملة، كولنا كانعرفو معناها، كولنا راضيين بمكتابنا و قدرنا خيره و شره، كيفاش غانكون عااايشة ما بيا ما عليا حتى يتسلط عليا المكتوب من حيث لا أحتسب؟ حاجة صعيبة نتقبلو فاللول ولكن هادشي كايبقى قدر مكتبولنا الل...
