#عائلة_مالك👑
#الجزء10
بقلم: هناء المنصوري✍🏻
على تمام الساعة التاسعة مساءا 🕘
عائلة مالك گالسين مجموعين كاملين .. بلباس محترم .. و ملامح معبسة من عند أحفاد الجد وواليديهم اللي ملامح القلق مستوطناهم
ياقوت جبدات تليفونها حاسة بالملل .. كاتطل على الواتساب .. لقات ميساج من عند داك اللي كانت كاتسناه يراسلها، كان كايقرا معاها و جد معجبة بيه .. حتى هو باينلهاا معجب بيها و كل فترة كايطمن عليها .. ولا شي نهار مادواهاش كادير شي سطوري تقصدو بيه .. اول مكايشوفو كايرسلها ميساج .. فالميساج اللي رسلها دابا مكتوبة فيه
_دابا رتاحي و ريحي عينك حتى تبراي .. ماتشديش التليفون بزاف غايضرك_
تبسمات بالحس و صيفطاتلو ميساج: _داكشي اللي درت😊_
شافت فجدها اللي قال:ياقوت بنتي .. حطي داك التليفون براكة على ديك العوينة
ياقوت تبسماتلو:ههههه واخاا أجدوو .. هناء ختي
شافت فيها هناء مخنزرة:شنو؟
ياقوت:غانمشيو غدا للفيرما دالغزواني؟
هناء حركاتلها راسها بالنفي:مغانمشييوش .. غانمشي أنا نتي مريضة
ياقوت غوبشات فيها:واش هاد نص مرضة غاتشدولي فيها .. عفاك بغيت نمشيي
هناء:واش عاقلة شنو وقعلك البارح؟؟
ياقوت صاطت الهوى من نيفها كاتبركم:غانبقى غي معاك بليييز .. راه هادي العطلة دالصيف و فعوض مانبقى مع خالتي و بنات خالتي جيت ندوزها فالدوار، مانبقاش غي فالدار حراام والله
هناء بهدوء:غدا و يحن الله
الحاج منتصر تبسم:خوديها معاك مسيكينة تشم شوية دالهوى .. الغزواني عندو الفيرمة زويينة كاطل على الأراضي دالجيران ديالنا
هناء عبسات كاتشوف فياقوت الي عضات على فمها:اوووف .. هادو فينما ندور نسمع سيرتهم .. باينة مغايجييوش .. غا عذبتي راسك اماما بالعشاا الريحة فحالا عندنا شي عرس
عبد الله تنهد بعمق:با .. بانلي مغايجيوش
محمد بهدوء:دوك الشمايت اكيد مغايبغيوش
يعتاذرو للبنت ولكن انا نعرف شغلي معاهم
الحاج منتصر خنزر فيه:نتااا باااقي غاندوي معاك على السلاح اللي هزييتييي
محمد قرن حواجبو:هوما اللي جبدونا
الحاج منتصر بحدة:بانتلي تربيتك غااادة فالخسرااان
صوت الدقان فالباب سمعوه كاملين فضل الجو المشحون اللي جمعهم .. الحاج منتصر وقف يديه مور ضهرو عاقدهم مخرج صدرو و معلي راسو فالسما كايدوي بالنفخة
-زيدو نستاقبلو الضيااف ديالنا
YOU ARE READING
🌺عائلة مالك🌺( مكتملة )
Action🔮المكتوب ما منو هروب🔮 كولنا كانعرفو هاد الجملة، كولنا كانعرفو معناها، كولنا راضيين بمكتابنا و قدرنا خيره و شره، كيفاش غانكون عااايشة ما بيا ما عليا حتى يتسلط عليا المكتوب من حيث لا أحتسب؟ حاجة صعيبة نتقبلو فاللول ولكن هادشي كايبقى قدر مكتبولنا الل...
