#عائلة_مالك👑
#الجزء22
بقلم: هناء المنصوري✍🏻
⛅صباح جدييد⛅
بعد ما مرت ثلاثة ايام على ديك الحادثة .. هناء متكية ففراش دكلينيك خاص، بلبسة طبية طوييلة و شال على راسها .. رجليها ملويين ببيندات بويض .. الحرقة درجلها كانت من الدرجة الاولى ولكن ضراتها بزااف .. كاتشوف قبالتها فجدها و مها و باها و خوها و الحاج مختار و ياقوت ورقية و يعقوب و سمارة .. اي كاع العائلة جاو يزوروها و يطمنو عليها هاد النهار، العرس تم تأجيلو حتى يتشافاو نهاائيا .. البنات خرجو قبل يومين بقات غي هناء اللي رجلها حتاجت عناية و كان خاصها تبقى ضروري فالسبيطار
الحاج منتصر شاف فيعقوب بامتنان:ولدي شحال ماشكرت فييك مغانوفيكش حقك .. فعلا نتا نقذتيلي حفيدتي العزيزة، لاكانت زادت غي شوية كانت تشد فيها العافية كااملة
يعقوب ومألو براسو مبتاسم .. يدو وحدة ملوية بواحد البانضة حيت تحرقاتلو شوية بالعافية:حفيدتك هي مرتي حاليا .. ماتحتاجش تزيد تشكرني
هناء تنهدات بقوة:نقدر نخرج اليوم؟ انا حاسة براسي مزيانة دابا و رجلي نقدر نعتاني بيها بيدي .. عفاكم مكانحملش السبيطار
محمد بتاسم و قرب عندها ضملها راسها لصدرو و طبطب عليها:الحمد لله على سلامتك أنوارتنا
هناء بتاسماتلو ابتسامة باهتة:بغيت نخرج من هنا
يعقوب بهدوء:خاصك مزال تبقاي هنا
هناء شافت فيه مخنزرة:انا حاسة براسي بخير دابا
يعقوب هز حواجبو بجوج و شاف لوراه فالحاج منتصر اللي أردف:بنتي هناء .. غي هاد الليلة مزال و غدا تخرجي
هناء تأفأفات:اووووف مزال نصبر ليلة اخرى
ياقوت تبسمات:براكة من الفشووش يالمفششة
هناء تنهدات بقوة:امري لله .. ولكن تبقى معايا ياقوت اليوم انا كانقنط بوووحدي🥺
ياقوت بتاسماتلها:بكل صدر رحب غانرفضلك طلبك حيت انا كرهت السبيطار كثر منك اختي
هناء غوبشات فيها:مسمووومة
سمارة بتاسمات:نبقى معاك انا
هناء تباسماتلها كاتومألها براسها:اه اه بقاي
يعقوب:مزيان .. ندور مع الممرضة باش يزيدو شي فراش صغير قدامك ..
عبد الله قرب عند هناء باسلها على راسها:تهلاي فراسك
هناء غمزاتو مبتاسمة:هوما غايتهلاو فيا ههههه
عبد تبسم و جبدلها خذوذها و جمع وقفتو:يلاهو .. دابا غانمشيو .. ساعة الزيارة سالات
هناء:بسلامة
رحيمو باستها ووقفات:بسلامة احبيبة ديالي
هناء تبسماتلها شادة فيد سمارة اللي قربات عندها و جلسات قدامها .. خرج الجميع بقاو غي هوما بجوج
YOU ARE READING
🌺عائلة مالك🌺( مكتملة )
Action🔮المكتوب ما منو هروب🔮 كولنا كانعرفو هاد الجملة، كولنا كانعرفو معناها، كولنا راضيين بمكتابنا و قدرنا خيره و شره، كيفاش غانكون عااايشة ما بيا ما عليا حتى يتسلط عليا المكتوب من حيث لا أحتسب؟ حاجة صعيبة نتقبلو فاللول ولكن هادشي كايبقى قدر مكتبولنا الل...
