#عائلة_مالك👑
#الجزء52
بقلم: هناء المنصوري✍🏻
محمد تبسم .. أبسط تفاصيلها كايلفتوه .. شدلها ديك الفوطة اللي كاتشير بيها و جرها عندو منها كايشوف فعويناتها بابتسامة خفيفة:اممممم هداك ليزار خبيتو و غايبقى مخبي عندي ..
سمارة عضات على شفتها التحتية بعفوية كاتشوف فيه بابتسامة:امممم احم و واخا (بغات تتراجع اللور جرها عندو كايشوف فشعرها فازگ كايتقطر)
-اجي نشفلك شعرك
سمارة:أاا .. اممم لا بااش غانشفو بوحدي
محمد جرها لعندو جات عاطياه بالظهر:وقفي مقادة يلاه
سمارة تبسمات مزيينگة حاسة بيدييه كايدوزو الفوطة على شععرها و كاينشفلها السالف الأسود الطويل نوعا ما .. واصل للنص فضهرها و رطب .. نشفوولها مزياان و هي جاها النعاس من الرقة ديالو .. سالالها و جرها عندو من كرشها .. علاها لعندو و خشا وجهو فعنقها كايشوكها بلحيتو و أنفاااسو الساخنة كاتهررها .. حتىى تأوهاات بصوت عاالي حاسة بالتبوريشة ووقلبها غايخرج من الخفقات
-احححححح شوكتيني
محمد تبسم و همسلها بنبرة خافتةة:منين كاتجيبي هاد الرويحة اممممم
سمارة حطات يدها على يدو اللي عند كرشها و زيرااتلو عليها:من واحد الكريم هههه
محمد دورها لعندو و علا فيها حاجبو طالق تنهيدة عمييقة .. تمتملها بنبرة خافتة:فاللول ماكنتش معول ندخل عليك فخطرة .. حاجة مكانتش فمخططاتي (سمارة تزنگات عاضة على شفتها التحتية .. هو تبسم من حركاتها العفوية اللي كايحركو رجولتو و رغبتو اتجاهها اكثر و اكثر) ولكن نتي زويونة و حليلوة (باسلها شفتها التحتية بخفة و رجع اللور مدور يديه بزوج علىى حنيكاتها) مكانحسش براسي معاك .. كانبغي فوقما تشوفك نبوسك من هاد الخدود اللي كايحماارو و يتزنگوو (باسسها بحرااارة منهم و رجع اللور مبتاسم) هههههه وجدي راسك اليوما غايجيو عندنا خواتاتي و گاع العائلة باش نديرو عشيوة خفيفة للسبعيام .. فأقل من سيمانة خليتييني نحيد ديك الفكرة دأنني عمرني نقيصك
سمارة تبسمات بخجل و تمتمات بصوت خفييف:صراحة ح حتى أنا عجبتيني و و احمم .. و عجبني الحال معاك، نتا فريد من نوعك .. من النوعية اللي كنت راسماها فأحلامي هههه كاتشبه لأبطال القصص
محمد تبسملها وباسها ففمها راجع اللور:يلاه تنزلي لتحت باقي مافطرتي نتي
سمارة ومآتلو براسها:واخا
محمد غمزها سابقها نازل لتحت، غي مشا شدات على قلبها كاتمتم بنبرة خاافتة
-علاش نتا داير هاكا أزمر غادي و تطيحني فيك أووووف (جمعات شعرها كعكة مهملة و رشات رشة خفيفة من واحد العطر عندها .. دوزات گلوز باارد على شفايفها و خرجات من البيت نازلة لتحت، مع وصلات غاتدخل للكوزينة لفت سمعها صوت من لداخل أشبه للهمس)
YOU ARE READING
🌺عائلة مالك🌺( مكتملة )
Action🔮المكتوب ما منو هروب🔮 كولنا كانعرفو هاد الجملة، كولنا كانعرفو معناها، كولنا راضيين بمكتابنا و قدرنا خيره و شره، كيفاش غانكون عااايشة ما بيا ما عليا حتى يتسلط عليا المكتوب من حيث لا أحتسب؟ حاجة صعيبة نتقبلو فاللول ولكن هادشي كايبقى قدر مكتبولنا الل...
