#عائلة_مالك👑
#الجزء61
بقلم: هناء المنصوري✍🏻
دازت الطريق الطويييييلة بين الجميع مشحونة شوية، السكااات و الصقييل حتى وصلو للدخلة دمدينة شفشاون .. المديينة الزرقااء .. وقفو فالدخلة ديالها عند مطعم من المطاعم باش يتغدااو ماوصلو حتى للمساء .. قريب المغرب
نزلو من السيارات دقة وحدة .. قرب يعقوب عند هناء معلي حاجبو
-غاتبقاي هاكا هازة برگومك عليا؟؟
هناء شافت فيه .. طلعااااتو و نزلاتو بعينيها و مشات سابقاه عند ياقوت شدات فيها بلا ماتدوي معاه، يعقوب تأفأف بصوت مسموع مخنزر بححدة و مشا حتى هو غاديي فحالو، أما ياقوت شدات فهناء كاتهمسلها
-شنو طرا بيناتكم؟
هناء مخنزرة:فضل ديك الحمارة عليا و بات جنبها ليلة كووولها .. يعلم الله شدارو .. هو مشافهاش مللي دفعاتنييي كنت غانمووت .. أووووف تعصبت تفووو .. راسي ولا كايضرني غايطرطق
لحقات عليهم سمارة مبرگمة .. ياقوت شافت فيها:و نتي مالك؟؟
سمارة مخنزرة كاتشوف بنص عين فمحمد نازل من الطموبيل:قلببيييي مامطمننش للجية اللي جات ديك الحمارة معانا .. شوفو على حااالة جاية بيها عندنا اووووف
هناء مخنزرة:هوما اصلا حمييير كاملين من خويا و جبد .. ماتخليهش يفلت من قداامك .. نتي دابا بالمجية اللي جيتي عندنا غاتعطيها المجال تمشي تدوي معاه
سمارة وقفات وقققفة وحدة:لااا (دارت جيهت محمد كان لاحق عليهم .. بانتلو جواهر مع سناء وراه .. كاتقاد فشعرها و باينة كاتوجد راسها تقرب لعندو .. داررت دووورة وحدة و مشات لعندو، شدات فيه)
سمارة بابتسامة:حبيبو .. ياكما عييتي بالصوكان فالطريق
محمد تبسم ابتسامة خفيفة:بعدا خواتاتي كايعرفو يلعبولك فعقلك
سمارة صغرات فيه عينيها:غييي قولي كيفاش كاتعرف هادشي
محمد غمزها وقرب لحنكها باسها بوسة خفيفة:كانفهمك أشكيليطة ديالي .. واخا فمدة قصييرة، وليت كانفهمك
سمارة تبسمات ابتسامة خفييفة مزنگة و هو شابك صبيعاتهم مع بعضهم أمام نظرات جواهر اللي حاضياهم بشوفة مغوووبشة و مخنزرة .. شافت فسناء كاتهمسلها
-عمتييي كانتحرق وانا كانشوفهم مفاهمين مع بعضياتهم
سناء:و نتي مهمتك هي تخاصميهم وتحيدي هاد المفاهمة .. واش سنيييين و نتي مصاحبة مع خوتو و ماعرفتييهش .. دابا سيري عند هناء جريها عندك .. ماحد ياقوت تبقى بوحدها و حتى ولدي يستاغل الموقف
جواهر:حتى ندخلو دابا (خطاو داخل المطعم و شدو طابلة وحدة جلسو مع بعضياتهم)
هناء بنبرة خافتة:الجو زوين هنا
ياقوت:غانمشيو للبحر؟
رضى بابتسامة:طب..
قاطعو سليمان اللي دوا شادلها يدها بالسيف منهاا و هي باغا تجرها:طبعا غانمشيو أعمري (شدلها يدها باسهالها مبتاسم)
YOU ARE READING
🌺عائلة مالك🌺( مكتملة )
Action🔮المكتوب ما منو هروب🔮 كولنا كانعرفو هاد الجملة، كولنا كانعرفو معناها، كولنا راضيين بمكتابنا و قدرنا خيره و شره، كيفاش غانكون عااايشة ما بيا ما عليا حتى يتسلط عليا المكتوب من حيث لا أحتسب؟ حاجة صعيبة نتقبلو فاللول ولكن هادشي كايبقى قدر مكتبولنا الل...
