#عائلة_مالك👑
#الجزء25
بقلم: هناء المنصوري✍🏻
على ايقاع ضرباات الطببل و الغييطة و الدقة المراكشية و الكشافة .. خارجين كااع الحضور مع العرسان من القااعة فتمام الساعة الحادية عشر ليلا .. ركبو فثلاثة دالسيارات دالعرسان مزينين و تبعوهم مجمووعة من السيارات اخريين و طواكسية ستأجروهم من اجل الدورة مع زفة العرووسات والعرسان .. داارو بيهم فكااع ارجاء الدوار مع الطرقان اللي تقادو بفعل الحضور السياسي ديعقوب اللي كان كايسهر باش يرد هاد القرية من احسن القرى .. غيرتو عليها كبييرة و كان باغي ناسها يحبو العيشة فيها .. و حتى فرص العمل فالارااضي متعطياالهم بالنسبة للي مقاريينش اما اللي قاريين فهوما كايعطيوهم فرص فشركتهم اللي عندهم فمدينة تارودانت .. لا هوما ولا عائلة الحاج منتصر .. حتى هوما كايعطيو فرص الشغل و هادشي مخلي تقريبا كاع افراد القرية ميسرين فأمورهم .. زيادة على هادشي الضو و الما عندهم مقاد فكاع الديور اما الدراسة فكانت مبنية مدرسة ابتدائية حد السادس و كاينة اخرى اعدادي و ثانوي ولكن بعييدة و جات ورا واحد الواد كايلقاو صعوبة فيها و دييما كايفيض عليهم الواد فايامات الشتوية و العواصف حاليا يعقوب داير كل جهدو باش يديرو مدرسة غي بالقرب منهم و قدم اوراقها و مخططاتها للمسؤولين الكبار باش ياخذ الموافقة ليها .. ماعلينا من هاد الهضرة دابا نركزو فعرساننا اللي بعدما دارو بيهم دوورة كبييرة فالارصفة المقاادة و الصبغات كذلك .. وقفو السيارات قدام منازلهم .. نزلو مجموعين العروسات كايشوفو حواليهم بحززن .. هناء و ياقوت عينيهم على عائلتهم مساخيينش و حتى سمارة كذلك .. مشاو بلهفة كايعنقو فيهم و يتواادعو بحززن .. و الدمووع فعينييهم
رحيمو معنقة بناتها مبتااسمة بالدمووع فعينييها:الله يا بنااتي و مساخيااش بييكم 😭😭 ديري عقلكم بجوجكم .. هناء بنتي نتي مولات العقل مللي تشوفي ختك بدات كاتشيطن رديلها العقل .. مساخياش بيكم ألكبداات ديالي مساخياااش
هناء كاتشهق معنقاها:حتانا أما حتاانا
ياقوت كاتبوس فيها عينيها و نيوفها كايسيلو:😭😭😭😭😭 .. ح حنا قدامك .. غي تتوحشيني عيطيلي و نكون عندك انا و هناء
جا عبد الله عينيه كايبريو بالدموع جرهم عندو و عنقهم:تهلاو فراسكم ابنيااتي .. رضانا ديما معاكم فينما مشيتو .. ديرو الخاطر لرجالاتكم
هناء عضات على شفتها بقووة كاتزير عليه:حتى نتا ابابا حتى نتا تهلا فراسك و فماما و فجدي .. ماتنساولوش الدوا 😢😢😭 (بعدات من حضن باباها و شافت فجدها نقزاات عليه عنقاتو و هو مبتاسم كايطبطب عليها)
ح.منتصر:راحتي بيكم فاش نشوفكم هانياات مع رجالكم فداركم ابنيتيي
هناء كاتنخصص و تزير عليه:ماتبقاش تنسى دوااك اجدي ألحبيب ديالي
ح.منتصر:ماتخافيش ابنيتي ماتخافيش .. دابا جا الوقت (مسح عينيه و شدلها يدها .. كايقرب بيها عند يعقوب .. حطلها يدها فوسط يدو و تكلم بهدوء) تهلا فيها و ديرلها خاطرها اولدي .. صغر معاها عقلك
YOU ARE READING
🌺عائلة مالك🌺( مكتملة )
Action🔮المكتوب ما منو هروب🔮 كولنا كانعرفو هاد الجملة، كولنا كانعرفو معناها، كولنا راضيين بمكتابنا و قدرنا خيره و شره، كيفاش غانكون عااايشة ما بيا ما عليا حتى يتسلط عليا المكتوب من حيث لا أحتسب؟ حاجة صعيبة نتقبلو فاللول ولكن هادشي كايبقى قدر مكتبولنا الل...
