#عائلة_مالك👑
#الجزء39
بقلم: هناء المنصوري✍🏻هناء كاتصنط فداك البيت طالقة وذنيها
الصوت من لداخل:بخرتك يا يعقوب مالك يا ولد رقية بالجاااوي تجيني فالليل كي الكلب السلاوي .. بخرتك يا ولد رقية بالشبة تجيبي فالليل باااغي ليلة شاخذة .. بخرتك بلسان الجمل و عينين الضبع و زك القطة تجيني باغي...
تحل عليييها البااب بسرعة و دخلات عليها هناء مخرجة فيها عينيها:السحااااارة
منى شافت فيها و هي تجمع وقفتها:لا لا واللهما انااااا
هناء:وشكوون هااا .. قولي أسحيحييرة .. شكووون .. واش هذا وجهك ولا قفاك .. حاملة قبل الزواج و زايداها كاتسحري ليييه
منى قربات عندها كاتسدلها فمها:المييمة اختي هناء الشوهة لا .. ا أنا هاد الورقة لقيتها طايحة لتحت و كانقراها و صافي هاكي شوفيها (مداتهالها) .. واللهما ديالي اصلا انا شبيني وبين شي سحور .. كاتشوفي شي تبخييرة .. عفاك البزيزييلة نبوسلك يدك بلا شوهة
هناء علات فيها حاجبها:غا على قبل هادشي اللي فكرشك غانجمع فمي مباغاليهش شي حاجة خايبة ولكن اقسم لييك يمييينا و نعاود نشوفك دايرة هاد الشي ولا نسمعك سااحرة لييه راني نفضحك و نشوهك ماشي غي فالدار .. لا فگاااع الدوااار
منى حنات راسها كاتقيدلها فذماغها:مغاتعاودش
هناء خنزرات فيها و مشات خارجة من البيت من عندها خلااات منى متبعاها بنظرااات كرره و غللل و كاتفكر فذماغها باغا تتهنى منها .. قطعات هناء الورقة اللي بقاتلها فيدها و دخلات لبيتها حاسة بالتعب .. النهار داز عليها صعيب .. عوجات سيفتها كاتفكر شنو طرا معاهم هي و ختها و تنهداات بقوة كاتحمد الله اللي وقف معاهم و جابلهم دوك الرجال عتقوهم، قلعات عبايتها و تلاحت فوق فراشها كاتفكر شنو كان معول يديرلها يعقوب فرزقها .. شداتو بيديها كاتمتم بذعر
-لا كان دارها بصح كنت قطعت لدينمو هداك اللي فرحان بيه .. ويلي كانتخايل راسي غادة و نحك فيه و هو كايتشفى فيااا .. اففففف .. ننعسلي شوية حسن .. عييت اليوما
⚡بعد مرور باقي النهار .. جاء الليل مزين السماء بالقمر و النجوووم المرصعةة المضوية علينا عتمة الليل، توقفات سيارة محمد جنب دارهم مصلوحة و مقادة و مغسولة .. نزل هو اللول و تبعاتو سمارة مدگدگة عياات بالدوران من الصباح لليل،
محمد مشا للكراسة اللورانيين حل الباب و جر مجموعة من الميكات و القفاف و شاف فسمارة:نتمنى تلبسي هاد الجلالب و الكساوي الطوال فعوض هاد الحالة داليوم
سمارة ومآتلو بتعب:واخا .. انا دابا باغا غا ننعس
محمد قرب للباب كايجبد فالسوارت من جيبو بيد و الثانية هاز بيها الميكات و التقضية اللي شرات سمارة .. حل الباب ودخلو بزوج .. سمعو أصوت كثيرة من لداخل، شرك حواجبو باستغراب مكملين دخولهم حتى تمتم بابتسامة خفيفة
YOU ARE READING
🌺عائلة مالك🌺( مكتملة )
动作🔮المكتوب ما منو هروب🔮 كولنا كانعرفو هاد الجملة، كولنا كانعرفو معناها، كولنا راضيين بمكتابنا و قدرنا خيره و شره، كيفاش غانكون عااايشة ما بيا ما عليا حتى يتسلط عليا المكتوب من حيث لا أحتسب؟ حاجة صعيبة نتقبلو فاللول ولكن هادشي كايبقى قدر مكتبولنا الل...