#عائلة_مالك👑
#الجزء11
بقلم: هناء المنصوري✍
الجدين شافو فبعضهم مطولين و رجعو شافو فحفايدهم:حنا قررنا أننا خاص نتناسبو مع بعضنا
ناضو الحفاد مع بعضهم دقة وحدة وقفو مخرجين عينيهن بتفاجئ و بصوت واحد قالو:شناااهواااا
ياقوت كاتصرط الريق باستغراب:ك كيفاش تتناسبوو؟؟
الحاج منتصر:يعني غايكون زواج بين عائلاتنا، بهكا غانضمنوكم نتوما مغاتزيدوش فالعداوة و حتى ولادكم غايكونو مزيانين
سليمان بحدة:نتا عااارف اشكاتقوول!
الحاج مختار بحدة؛سليمااان .. حتارم جدك الثاني
سليمان كايضغط على فكو بسنانو حتى كايبانو العضومة دحنكو مغدد
هناء كاتحرك راسها بالنفي:لا لا هادشي مستحييل .. بابا واش نتا موافق
عبد الله بهدوء:باش يحبسو هاد النزاعات و نتهنى عليكم .. (سكت كايشوف فيها و فمحمد و ياقوت) موافق
سمارة مقوصة حواجبها:و شكون بالسلامة غايتزوج بلاخر .. جديي انا مستحيل نتزوج بداك ولدهم (خنزرات فمحمد اللي قلب عينيه عليها و تمتم باعتراض)
-حتى نقبل بيك أنا بعدا
هناء كاتشوف فجدها مخنزرة:جدي كاضحك معانا ياك .. نتا عارف كل واحد فينا و نمط حياتو .. انا عارفة مغانتزوجش منهم حيت ديجا مخطوبة ولكن مانقبلش ختي الصغيرة و لا خويا بتزوج بواحد منهم
الحاج مختار خنزر فيها:شهاد الوقاحة أبنتي كادوي بيها؟ حنا رااه عااائلة وحدة جدوودنا كانو خووت ولولا الصراعات اللي طراو .. كنا غاديين نكونو دابا عائلة متاحدة
يعقوب باستهزاء:هه فحال كنس هاد خيتي مكايعرفوش التفاهم .. أنا بعدا عجباتني الفكرة .. شبانلكم بنتهم الصغيرة تتزوج بسليمان غايوالمها .. هو 27 عام و هي 20 كانضن و نيت نعوضوها على الضربة اللي خدات
ياقوت بانفعال:نتا واش عاارف شكاتقوول مستحييل نقبل بهادشييي
سليمان بعصبية:يعقوب نتاا سكت واش عارفني انا ناخذ وحدة فحال هاادييي
ياقوت بنرفزة:مالني كي جييتك حسن منكك
الجدين كايتبادلو بنظرات جدية و يشوفو فهاد المشاحنات حتى نطقو بصوت وااحد:غاتهنااااو كولكوم غاتزووجو مكاينش اللي مغايتزوجش فيكم
هناء باستغراب:شكاتقصدو
الحاج منتصر بهدوء:هناء نتي أولا غاتفسخي خطوبتك حيت غاتزوجي من يعقوب
يعقوب وقف بصدمة هو و مراواتو تكعدو:أششش كاتقوووول واش عارفني أنا مزوج بجووج مناقصش ثالثة فحال هاد خيتي
هناء حاسة بيديها كايترعدو كاتزير على خاتم خطوبتها و تنفي براسها:هادشي مستحييل انا مباغاش هذا .. انا باغا الراجل اللي خطبنييي
YOU ARE READING
🌺عائلة مالك🌺( مكتملة )
Action🔮المكتوب ما منو هروب🔮 كولنا كانعرفو هاد الجملة، كولنا كانعرفو معناها، كولنا راضيين بمكتابنا و قدرنا خيره و شره، كيفاش غانكون عااايشة ما بيا ما عليا حتى يتسلط عليا المكتوب من حيث لا أحتسب؟ حاجة صعيبة نتقبلو فاللول ولكن هادشي كايبقى قدر مكتبولنا الل...
