#عائلة_مالك👑
#الجزء38
بقلم: هناء المنصوري✍🏻توقفات سيارة يعقوب قدام دارهم بعدما قطع نص الطريق لتارودانت و رجع بعدم صبر .. الحكة تمكناات منو و لحمو تنفخ و عينيييه صغغاارو و تنفخوو الحرييق داك الشمبواان داير مفعوولو .. دازلو على وجهو كاامل ولا حمر و الريييحة فييه خاانزة بسباب شنو دارتلو هناء فريحتوو.. رغم أنه عندو خدمة ضرورية فالحزب اللي مشارك فيه ولكن ماقدرش يكمل طريقو .. مشا داخل للدار كايحككك و يغزز سناانو معارفش شنو طرالو لهاد الحالة .. حتى سمع صوت طفل صغير من وراه .. دار لقاه وليد صغييور تكون عندو شي سبع سنين جاي كايجري و كايغووت
-عمييي يعقووب عمي يعقوووب عمي يعقووب
يعقوب شاف فيه بالزز باش حال عينييه و تمتم باستفسار:شنو؟؟
الولد كاينهح حاني على ركابيه:بابا قااالك أجي عندوو ضرووووري ضروووري
يعقوب:مامساليش دابا .. قولو عيااان
الولد بصوت عالي:راه قالك مراتك الدكتورةةة بغاو يتعداو عليها هي و ختها جنب الشجرة دالزيتون الكبيرة
وقف يعقووب حاال عينيييه و موسعهم بالصدمة .. دار عندو بالزربة و قرب جيهتو بالزز باش كايحل عينيه:هنااء!!فيينهااا؟؟
الولد كاينهج و يجرو من يدو:اجي معايا و تشوووف
رجع غادي كاينهج و يعقوب تبعو بالزربة مخنزر، و عاض على فكوو بقووة .. مسافة طويلة دالجرا حتى وصلو لدار صغييورة قرييبة لخارج الدواار .. منطقة جات عاامرة بشجر الصبااار .. دخل الدري للدار اللي كانت على قد الحاال و تبعو يعقوب مع الدخلة لقا بزااف دالرجاال جالسين فصالون برا و كايدويو بصوت مرتفع
يعقوب دور فيهم عينيه و تمتم:شنو طراا! فين مرتيي؟؟
ناض واحد من الرجال:الحمد لله اللي كنا دايزين قريب من ديك البلاصة و إلا كانو دوك الزوج تعداو عليهم و فات الفوت
يعقووب بقدر ماتنفخ كايححس بيدييه كاتزييد و راسو ولا كيي البييضة ووجهوووو حمررر من قوة العصبية و داكشي اللي كايحك فيه تمتم بصووت غلييض عصبي:فيييينهم
تقدم عندو الرجل:راهم لداخل مرتي معاهم
يعقوب غي سمعو و شاف فين شارلو .. دفعو و مشا جيهت داك البوييت .. مع دخلتوو بانتلو هناء و ياقوت حالين عينيهم بالزز الضباابة و الدووخة متمكنة منهم .. زيادة على الضربة اللي كلاو .. دارولهم مخدر قوي باش يقضييو غرضهم .. تقدم يعقوب عند هناء و ياقوت بالزربة كايشوف فيهم عاقد حواجبو
-أش طرالكم
هناء شافت جيهتو و هي تشهق من حالتوو .. قادات جلستها و تمتمات بصوت خافت:شنو طرالك؟
يعقوب:ماشي مهم شنو طرالي دابا الأهم شنو وقعلكممم؟؟
ياقوت شافت فيه كاتنخصص و تمتمات بصوت باكي:بغاو يتعداو علييينا😭😭 .. ماعرفناش شكون هوما
YOU ARE READING
🌺عائلة مالك🌺( مكتملة )
Action🔮المكتوب ما منو هروب🔮 كولنا كانعرفو هاد الجملة، كولنا كانعرفو معناها، كولنا راضيين بمكتابنا و قدرنا خيره و شره، كيفاش غانكون عااايشة ما بيا ما عليا حتى يتسلط عليا المكتوب من حيث لا أحتسب؟ حاجة صعيبة نتقبلو فاللول ولكن هادشي كايبقى قدر مكتبولنا الل...