#عائلة_مالك👑
#الجزء79
بقلم: هناء المنصوري✍🏻
الطموبيل غاادةةة طااااايرة فالطريييق .. يعقوووب صااايگ مغدد و هناء كاتشوف فيه و تشوف فالطريق مغوبشة .. شافت فيه مللي كسر الصمت و قال بعصبية
-داك الحمام آاااخر مرة تعتبيييلو
هناء معلية حاجبها:ماشي نتا اللي غاتحكم
يعقوب شاف فييها مخنزر:هاحنا غانشووفو شكووون اللي غايحكم
هناء خنزرات فيه معصبة:فييين غادي بيا بالسلااامة؟؟
يعقوب شاف فالطريق:للجااايحة اللي غاتضربنا بزووج
هناء:تضربك غي نتاااا
يعقوب خنزر فيها:ماتقلبييش عليا اهناااء حسنلك
هناء عقدات حواجبها قالبة عليه عينيها و هو زااد عفط على الكسيراتور غااادي بسرررعة فالطريق
مسافة الطريييق اللي كانت طويلة شوية .. حبس الطموبيل فبلاصة مألوفة .. هناء شافت فالأرجاء كان الكوخ اللي سبقلو جابها ليه .. شافت فيه معلية حاجبها و هو شاف فيها بحدة
-مغانخرجوش من هاد الزمر حتى نكونو تفاهمنا مزيااان (خرج من الطموبيل و مشا عندها خرجها من الطمووبيل .. تنطراات منو كاتغوت)
-مباغاش نبقى معاك وااش بالزز منيييي
يعقوب بعصبية:شحااال من نهار داز و نتي مبرگمة و مباغاش حتى تشووفي فيا .. واش مابقيتش فيييك انااااا
هناء خرجات فيه عينيها:انا مابقيتش فيك ديك الخطرةةةة .. فاش ضربتي و عايرتي و هنتيييي .. مابقييتش فيييك مللي بكيت كانشرحلك و نتا داير فحالا راك عمااا و صمك مابغيتي تسمع ولا تشوف الحقييييقة
يعقوب:واراااني ندمت نداااامت اعبااد الله واش حتى نمووت قدامك عاد تتهناااي
هناء مخنزرة:ندامتك منافعاااش دااابا و حتى ديك الموت ماتنفعكش😡
يعقوب تأفأف و حنا عندها ثاني هزها فوق كتفو داخل بيها لداك الكوخ .. هناء بقات صاقلة معبسة .. هو حطها فوق واحد الفوطووي .. رجع اللور چالس قدامها كايشوووف فيها يديه على ركابيها
-هناء حني عليا عفاك، قلبك حنين عاارفو .. ماتزيديش تقصحيه راني تربيت و عرفت غلطي
هناء قلبات وجهها مخنزرة مكاتشوفش فيه
يعقوب عض على شفتو التحتية بقووة، شدلها يديها كايبوسهوملها و يتوسل
-عفاك أهنو، مراتي الغزالة نتي
هناء كاتحاول ماتشوفش فيه فخطرة .. قلبها كايضررب بقوة و أنفاسها مخلبطيين .. أفكارها متضاربين و مشوشين .. معارفاش شغادي تدير .. تسامحلو ولا تبقى على رأيها و هو بتصرفاتو كايضغط عليها حتى كاتكون غاتقولو الله يسامح و تتراجع .. باغا تعلمو باااش مايعاودش فعلتو
YOU ARE READING
🌺عائلة مالك🌺( مكتملة )
Akció🔮المكتوب ما منو هروب🔮 كولنا كانعرفو هاد الجملة، كولنا كانعرفو معناها، كولنا راضيين بمكتابنا و قدرنا خيره و شره، كيفاش غانكون عااايشة ما بيا ما عليا حتى يتسلط عليا المكتوب من حيث لا أحتسب؟ حاجة صعيبة نتقبلو فاللول ولكن هادشي كايبقى قدر مكتبولنا الل...
