شقة رقم ٧

ماذا لو.. [ تاي في المخابرات ]

لاحقه تاي يرد الشتيمه
"يخربيت امك انت!"

رفع الازازة مهدده بيها انه ينزلها على راسه
"ولاااا!!"

كش تاي على نفسه بخوف منه
"ما انت الي بدأت يا باشا "

بنفاذ صبر مسك المسدس وهدده
" ولااا ولااا انا خلقي ضيق و ممكن اقتلك هنا واخلص! "

تاي جاب ورا
" خلاص خلاص يا باشا انا اسف، طب ما تفهمني طيب انا هنا ليه! "

ساب المسدس على الطربيزة بعيد وراح ناحيه تاي يلف حواليه زي بتوع المخابرات
" انا فيساكوڤتش"

" فيسا ازاي يعني؟ ده ابو ريحه مش كده؟ ولا دواء تسلخات جديد؟ أنت قريب صابر شمعون؟ "

ضرب بأيده على الطربيزة بيتحكم في اعصابه
" فيساكوڤتش ضابط روسي في المخابرات و خبير تجنيد جواسيس"

" فيلم الجواسيس؟ مش ده الفيلم الي نزل في السيما وفشل؟ حضرتك المخرج وجاي تاخدي مني ضمن تذكره الكرسي ، انا مدخلتش سيما من ٢٠٠٧ وربنا! "

الاقرع زهق منه فـ لطشه بالقفا جامد لبس دماغه في الطربيزة واتردت تاني
" تسلم ايدك يا باشا كان عندي صداع وراح بعد الخبطه دي "

نفخ الاقرع وبدأ يتعصب منه
"يا ابني هتجلطني سيبني افهمك الي انا عايزه بقى!! "

" حاضر يا باشا مش هفتح بؤي تاني خلاص "

"ففف ده انت عيل مزعج! "
" اشكرك يا باشا، ده من سعه صدرك"

بصله بطرف عينه بقرف وعاد يلف حواليه زي بتوع المخابرات وراح وقف عند أول الطربيزة وبطريقه تراجيديه

"احنا اخترناك من وسط ١٠٠ مليون مـ"

قاطعه تاي قبل ما يكمل
"ايييه!! اقسم بالله ؟؟! كسبت على السحب بتاع البتوجاز!.. بس مش غريبه يا باشا أن ١٠٠ مليون مقدمين على نفس سحب البوتجاز؟"

" يا ابني بوتاجاز ايه يابني!"

" ما لازم اسأل يا باشا ده بوتاجاز ٧ شغله آخر موديل وعليه شعار آيرون مان باين؟ "

غباء تاي هيموت الراجل الاقرع الي حس انه هيفرقع
" يا ابني حرام عليك مش كده! احنا جايبيتك هنا علشان عايزك في مهمه سريه جداً! "

" عايزين تعرفوا مين الي اكل الجبنه من الثلاجة صح؟ انا عارف الإجابة، دي طنط ام سماح الي في الدور الرابع هي و ولادها الأربعة المفاجيع"