#مراجعة_سريعة_للاحداث ⬇️
#أحلام_يعرب : بعد مشحنات وأعترفات التوتر قايم بينهم.. وشعور يعرب بالخوف من فقدان أحلام وخسرتها خلاه قاعد يحاول يصلح الاخطاء متاعه ويحافظ على زواجه ويجبر الضرر اللي صار بينهم... في المقابل أحلام حاسة بالوجع من تصرفات يعرب الاخيرة معاها.. مع شعورها بالخوف على صحة بوها.. وقاعدة اتحاول تلتزم بوعدها لفرج قبل مايسافر للعلاج
#جمال : بعد محاولات اروى الرجوع وصده ليها في الاول... بس اروى مازالت تحاول معاه وقاعدة تجدد في علاقتهم بالرسائل اللي تبعث فيهم كل صبح وليل... وجمال في حيرة من امره
#صدام : الحاح الموظف صديقه وكلامه معاه خلوه يبدأ يفكر في نورا زميلته في العمل كازوجة ليه... هل حيتحول التفكير لشي ملموس على الواقع او لا ؟!
#سيف : بعد رفض فطيمة لفكرة زواجه من بنت عمه... قاعد ينتظر في وعد يعرب ليه أنه بيقنع فطيمة في الوقت المناسب.. والصبر سيد الموقف بالنسبة ليه... ومكتفي بشوفة أسماء من بعيد لعند يفرج عليهم ربي
#عروبة : اخيراً حست بالفرح والعوض من ربي بعد حكم المحكمة بالطلاق... وحبس عزالدين لمدة سنتين... بس في شي مازال مأرق بالها... وهوا كلام يعرب وحلفانه لعزالدين بزوجها من عبيدة بعد اتم العدة متاعها... وعايشة في حالة ترقب وقلق من الفكرة
#عبيدة : متواجد في البيضاء عشان شغله مع يعرب... اول لقاء بينهم بعد المحكمة كان فيه شوي توتر ولكن مشى بهدوء... ومازال في لقاء ثاني عشان يكملوا باقي شغلهم في حوش المهدي
#خديجة : قاعدة تتجهز عشان امتحانات بنتها وتراجي في يوم السفر لطرابلس على احر من الجمر
#يقين : عايشة في دوامة مابين شعورها بالذنب باتجاه أحلام عشان اكتشفت سرها وبعثت صورتها ليعرب برغم مسامحة أحلام ليها... ومابين شعورها بالخوف والحزن بسبب مشاعرها باتجاه جمال... اللي تشوف في علاقتها بيه مستحيلة بكل الطرق
كل عيلة الحواتي قاعدين في انتظار شهر ستة عشان السفر لطرابلس وحضور عرس ولد خالهم
وأنتم باذن الله في انتظار الاحداث والمفأجات اللي تراجي فيكم في قادم الحلقات الجاية... خليكم في الانتظار... ونتلاقوا بكره على خير والحلقة 84 ... أنحبكم ❤ كل عام وأنتم بخير
