နတ်ဘုရားမအဖြစ် ပြန်လည်ပေါ်ထွက်လာခြင်း[ဘာသာပြန်] ✔️✔️✔️

Chapter [55]

နဉ်ရှီပြုံးလိုက်သည်။ “နတ်မိမယ်ချင်းယန်က ပြီးပြည့်စုံတဲ့ နတ်သမီးတစ်ပါးရဲ့စံနမူနာဆိုတာကို ဝတ္ထုရဲ့ဖန်တွေကတော့ သိကြမှာပါ။ ဒါကြောင့်မို့ အခက်ခဲဆုံးအပိုင်းကတော့ နတ်ဘုရားမလိုအော်ရာတွေကို ဖော်ပြရတာနဲ့ လက်ဟန်ခြေဟန်တွေ လုပ်ပြရတာကိုပေါ့”

နဉ်ရှီက အမှန်ကိုပြောနေခြင်းပင်။ ပြောရလျှင် နတ်မိမယ်ချင်းယန်၏ သရုပ်ဆောင်အကြောင်း ဆွေးနွေးစဉ်တွင် ဤအခြင်းအရာက လူတိုင်းအစိုးရိမ်ရဆုံးကိစ္စပင်။ ဖျော်ဖြေရေးလောကရှိ ဘယ်မင်းသမီးမှ ပြီးပြည့်စုံသည့် နတ်မိမယ်ချင်းယန်ကို အမှန်ပင်ဖော်ကျူးနိုင်မည်မဟုတ်ဟု လူတိုင်းခံစားမိကြသည်။

နတ်မိမယ်ကို မည်သူမျှမမြင်ဖူးသေး သို့သော် လူတိုင်းငယ်ငယ်ကတည်းက သူတို့အကြောင်းကို ပုံပြင်များအဖြစ်တော့ ကြားဖူးခဲ့ကြသည်။ ထို့ကြောင့် သူတို့မှာ နတ်သမီးတွေနှင့်ပတ်သက်၍ စိတ်ကူးယဉ်အိပ်မက်တွေ ရှိကြစမြဲပင်။

ဤသည်က နဉ်ရှီ၏ဇာတ်ကောင်ဟာ အစကတည်းက လူအများကြား အငြင်းပွားဖွယ်ဖြစ်နေခဲ့ရတာ၏ အကြောင်းအရင်းပင်။ ရုပ်ရှင်မိတ်ဆက်ပွဲ ပြီးသွားသည့်နောက်တွင် ဖန်တွေ၏အာရုံစိုက်စရာ ဖြစ်လာလိမ့်မည်။

“အဲ့အကြောင်း ပြောရဦးမယ်။ နဥ်ရှီက အဲ့ဇာတ်ကောင်နေရာကို ကောင်းကောင်းသရုပ်ဆောင်နိုင်ဖို့အတွက် နတ်သမီးတွေနဲ့ပက်သက်တဲ့ ဆောင်းပါးတွေအများကြီး လိုက်ရှာဖတ်ခဲ့တာ။ အဲ့တုန်းကဆို သူ့(မ)ဖုန်းရဲ့ wallpaper ကအစ သွမ့်ဟွမ်က အကနတ်သမီးရဲ့ ပျံသန်းနေဟန်*ပုံပဲ။ ပြီးတော့တိုက်ခန်းတစ်ခုလုံးကိုတောင် အကနတ်သမီးရဲ့ ပုံရိပ်တွေနဲ့ အလှဆင်ထားသေးတယ်!” စွန်းယွီဟန် စပြောလာ၏။ “အဲ့အချိန်က ရှီရှီကကျင့်ကြံရေးလမ်းကြောင်းထဲ ဝင်တော့မယ်ဆိုပြီးတော့တောင် စလိုက်ကြသေးတယ်”
[T/N: သွမ့်ဟွမ်ရဲ့ဂူတွေမှာရှိတဲ့ ရှေးဟောင်းနံရံဆေးရေးပန်းချီကားကပုံတွေပေါ့နော်။ ဖေးထျန်း(အက/ဂီတနတ်သမီး)လို့ ခေါ်ကြပါတယ်တဲ့။ အောက်မှာပုံထည့်ပေးထားတယ်နော်။]

“သွမ့်ဟွမ်က အကနတ်သမီးရဲ့ ပျံသန်းနေဟန်ပုံလား?” အမျိုးသမီးအခမ်းအနားမှူးက ‌အံ့ဩသွားပုံရသည်။ “‌ဒါက အဆင့်မြင့်သွားပြီ!”